Luke 2:34 - Anmatyerr Bible

³⁴ Simeon-el Altjerr tjang-pawenhek kwer-atherr, renh-atherrenh kwet twer-iletjeh. Rang Mary ilek, “Tjerrtj inang kwer ngkwengenheh ahentj-kweny irretjenharl, anetj-ilelhetjenharl. Tjerrtj ngwenh apek inarl kwer kangkentj anemarleng, inenh rang arntarnt-aretjenharl.

Luke 2:34 ပူးပေါင်းရင်းမြစ်များ

Luke 2:35

Lakenh tjerrtj-henh iterrentj keth-irrem. Mary, kelant ntwang ltarrp angerr arnetjenh kwer ngkwengenheh.” Lakenh Simeon-el Mary ateng-ilemel ilek arrwekel-antey.

John 3:20

Tjerrtj inang anetj kwet mpwarem, inang kwenh Altjerr-henh Parrtjeh ahentj-kweny. Inang Parrtj nhenhek itja nyerrkem, Parrtjel keth-ilemeng anetj inehenh.

John 5:18

Tjerrtj Jew twernk map inangemeh ahentj anthwerr anek, Jesu renh irrernng atwetjeh. Wenheng? Rang Saturday arltel rrkwapekarl, mpwareng-areng inehenheh rang itja kangkwerrek. Rang angkek-arleng, Altjerr angey kwerenh anemeng, rang Altjerrel-ayel nyent kwet anemeng.

Acts 13:45

Tjerrtj Jew mapel tjerrtj aningk inenh aremel inang Paul kwer-atherr may-irremel tjel-angkerrerrek.

Acts 17:6

Inang Jason-henh warl ywarerl-alpek Paul Silas kwer-atherr, renh-atherrenh antwerrkerl-alpetjeh kwel. Jason renhant inang antwerrkek, nakenh-nakenh rrpwetj arrpenh map thwen. Inang inenh town-ek-artwey map-warn tjarr-angek. Inang arrantj-akemel ilek, “Paul Silas thwen tjerrtj ingkerrek mer arrpenh mapel rrwampey-ilerl-apek! Kwereng ratherr nhenh-warnemeh petj-alherrek!

Acts 24:5

“Paul-artek artwang rrwampey-ilenh-ilenh anem. Rang tjerrtj Jew map ahelh ntjaperel rrwampey-ilerl-apekarl. Kwereng inang ahel ilterrek. Rang twernk anem tjerrtj mapek, inarl artwang Nazareth-areny nakem.

Acts 28:22

Nwern ahentj-anem, ngwenh awetjeh. Nwern-arteh awek, tjerrtj map tjerrtj Jesu nakenh-nakenh mapek inang ahentj-kweny anerleh, ahelh apanpel.” Lakenh inang Paul renh ilek.

Acts 4:26

King ahelh-areny map twernk map-arlk arraw-irremel nyent-irrek, angkerretjeh-amparr. Inang ahentj-kweny anek Ngkarteh irrpelth-irrek, Christ kwerenheh thwen.’ Lakenh King David-el Kwerrern Alngaltarel-ayeng ilek, arrwekel kwet.”

Acts 6:7

Kwereng werlamparenyel tjerrtj map kaltj-anthetjam-antim. Tjerrtj Jerusalem-areny aningk nakenh-nakenhemeh irrek. Priest mapel-arlk Jesu renh nakek-antim.