Luke 1:70 - Anmatyerr Bible

⁷⁰ Ngkweyeng-ntjel rang angketj angenh-angenh kwerenh mapel-arleng nwernenh alhelekarl wart,

Luke 1:70 ပူးပေါင်းရင်းမြစ်များ

Mark 12:36

King David ngkwey lakenh angkek, ‘Altjerrel Ngkart tjengenh ilek, “Tjengel-ayeng-amparr kwet anang. Tjerrtj anetj map-amparr thang atwemel ngkwengeng arratj-iletjenh, ngkweng kangkwerretjenheng.”’ Kwerrern Alngaltarel David ilek, lakenh angketjeh.

Luke 24:44

Jesu-el inenh irlpangkelh-ilemel ilek, “Yeng nheng arrehantherrel-ayel anetjam-rlwer, thang arrantherrenh ilek, angketj Moses-elarl tjeng-akert ilekarl, Altjerr-henh angketj angenh-angenh mapelarl tjeng-akert ilekarl thwen, pwek Psalms-el tjeng-akert ilekarl thwen. Kel lyet angketj nhenh arratj anthwerr anem, yeng kwenh angkep iteth-irrek irrernngeng.”

Acts 28:25

Inang ilterrekemeh. Paul-elemeh arek, Jew arrpenh map kwer kangkwerretj-kweny anek, inangemeh alpetjeh anek, lakenh rang inenh ilek, “Kwerrern Alngaltarel lakenh ilek Altjerr-henh angketj angenh-angenh Isaiah-el-arleng, rang nheng angerrepat arrehantherr-henh ilekarl,