Luke 1:53 - Anmatyerr Bible

⁵³ Tjerrtj angayel map rang mern arlkwetjeh anthek. Tjerrtj maney angerr-akert map rang inenh iltjant lanthek.

Luke 1:53 ပူးပေါင်းရင်းမြစ်များ

Luke 1:54

Ngkwey rang angerrepat Abraham Israel-areny map thwen alhelekarl-arteh, lakenh rang inenh mantj-mantj arntarnt-arentjekarl, inehenh peltj ingkern-penh map thwen. Rang kweteth nwernenh arntarnt-aretjart, nwernenh kangkentjel anyenetjart, angwerretj-kwenh. Rang kweteth nwernenh arntarnt-aretjenh.” Lakenh Mary rang kangkemel angkek.

Luke 6:21

Arrantherr lyet apek angayel kwet anem, arrantherr arrken anem, Altjerrel arrantherrenh wantetjenheng wart. Arrantherr lyet arnemel ampangkem apek, arrantherr arrken anem, Altjerrel arrantherrenh arrken atherretjeh mpwaretjenheng wart.

Luke 6:24

Tjerrtj rnwanentj angerr-akert mapay, arrantherr ltarrp irretjeh, arrehantherr rwekenth-kenth angerr anetjenh. Altjerrel kwenh arrantherrenh itja weth kwart-wetjenh.

John 6:35

Jesu rang ilelhek, “Yeng kwenh mern rang anem, rang tjerrtj inenh kwetant iteth-ilem. Tjerrtj ngwenhel apek yeng merneh ankey nkemeng, inang itja wetham angayel irretjenh. Tjerrtj ngwenhel apek yengenh nakemeng, inang itja weth angkethel irretjenh.