John 10:6 - Anmatyerr Bible

⁶ Jesu-el inenh angketj kwenameny nhenh ilek. Inang angketj renh pal awek.

John 10:6 ပူးပေါင်းရင်းမြစ်များ

Mark 4:34

Rang inenh angketj ilemelant war kaltj-anthek, keth-iletj-kweny. Kwertengerl mapel-ayeng anemarleng, rang inehant angketj ingkerrek keth-ilek.

John 16:25

“Thang kwenh arrantherrenh angketj kwenameny Angey-akert ilekarl. Kelant thang arrantherrenh Angey-akert keth anthwerr iletjenh.

John 16:29

Kwertengerl inang renh ilek, “Lyet ntwang nwerneh kethemeh angkem.

John 6:52

Tjerrtj Jew mapel angketj nhenh awemel, inang angkerrek, “Nthakenh artwang nhenhel tjelk kwerenh nwerneh arlkwetjeh anthetjenh?”

John 6:60

Kenh nakenh-nakenh arrpenh mapel angketj nhenh awemel palekalek-irrek, itja kangkwerrek. Inarrp angkerrek, “Angketj nhenh arrpenh anthwerr! Itja nwern kangkwerrem!”

John 7:36

Wenh lakenh rang nwernenh ilek, ‘Arrantherr tjeng palenthwetjenh, arrantherr kenh yengenh itja aretjenh. Mer kwer-warn yeng alhetjenh, kwer-warn arrantherr ywarn alhem?’ ” Lakenh inang pawenherrek.

John 8:27

Rang inenh angketj Angey-akert iter-angkwerr ilek. Inang angketj kwerenh itja iterl-arek.

John 8:43

Wenhengam arrantherr angketj tjengenh itja nakem? Thang arrantherrenh ileyay, arrantherr-artek alhengk-aretj-kweny war anem.