John 10:30 - Anmatyerr Bible

³⁰ Angey ilernak nyent kwet anem.”

John 10:30 ပူးပေါင်းရင်းမြစ်များ

John 10:29

Angey tjengenhel tjeng yep-yep map anthek. Rang arrentjeng-arlk twer-lkwer anem. Arrpenhel inenh ywarn kwet Angeyeng raketjenh.

John 10:36

Rarrp yengenh ngakek, ahelh nhenh-warn lanthetjeh-anngernt. Yeng arrehantherr ilelhek, ‘Yeng Altjerr-henh Ler rang anem.’ Wenheng arrantherr tjeng ahang-irrem, thang kwel Altjerr renh arrampewek-arleng?

John 14:23

Jesu-el renh ilek, “Tjerrtj ngwenh apek tjeng nyerrkem, inang angketj tjengenheh kangkwerrem. Angey tjengenh ineh nyerrketjenh. Kwereng Angey ilernak ineh-warn petjetjenh, inehel-ayeng kwet anerl-alpetjeh.

John 14:9

Jesu-el renh ilek, “Philip-ay, yeng kwenh kwet anentjekarl arrehantherrel-ayel. Kenh ntwang yengenh itja alhengk-arem! Tjerrtj ngwenhel apek yengenh arekarl, inartek Angey renh arek. Wenheham ntwang yengenh pawenhem, thang Angey renh arrehantherr mernetjeh?

John 16:15

Angey rang ingkerrekeh-artwey anem, rang ingkerrek twer kwerenhel rrkwem. Yeng Angey tjengenh-arteh anem, wenh-wenh ingkerrekeh-artwey. Ilernak anem ingkerrekeh-artwey. Lakenheng thang arrantherrenh ilek, Kwerrern rang arrantherrenh angketj tjengenh iletjenh, arrantherr kaltj anetjenheng.

John 17:10

Tjerrtj tjengenh map ngkwengenh anem. Tjerrtj ngkwengenh map tjengenh anem. Tjerrtj nhenh inang kwenh yengenh tjerrtj arrpenh mapeh mernek, yeng alker-areny anthwerr anemeng.

John 5:17

Jesu-el inenh ilek, “Angey tjengenh kweteth rrkwapem, rang lyet rrkwapem. Lakenheng yeng rrkwapem angey tjengenh-arteh.”

John 8:58

Jesu-el inenh ilek, “Mantjel awerrerrang! Abraham itja anek ahern nhenhel, yeng kweteth anentjek alker kernel.”

1 Timothy 3:16

Altjerrel angketj tjeperr kwerenh lyetant keth-ilek. Ngkweyeng-ntjel rang angketj nhenh arltwentjekarl. Angketj lakenh rang intem: Christ rartek ahelh nhenhel ngwerrm-irrek, rang tjerrtj mpwerrk kwerenh mernelhek. Kwerrern Alngaltarel mernek, Christ rang kwenh arratj anemeng. Angel alker-areny mapel renh arek. Kwertengerl kwerenh mapel tjerrtj mapeh kwer-penh kaltj-antherl-apek mer mapel. Tjerrtj mapelemeh renh nakem ahelh apanpel. Altjerr Angeyel renh mer alker-warn angkep anginek, parrtj angerrel-ayeng anetjenheng.

Titus 2:13

Nwern kwenp tjwempelhem, Jesu Christ rang petj-alpetjeh-atwetj, parrtj angerr-akert. Rang Altjerr angerr nwern-henh anem. Rang nwernenh anetjeng inek, nwern kwerel-ayeng iteth ngampekarl anetjenheng.