John 1:6 - Anmatyerr Bible

⁶ Altjerrel artwang nyent tjerrtj map-warn lanthek, artwang nhenh kwerenh arreny anek John.

John 1:6 ပူးပေါင်းရင်းမြစ်များ

Luke 1:13

Angel rang renh ilek, “Zechariah-ay, ater-irretj-kweny anay, thang angketj mwerr ngkweng iletjenheng! Altjerrel ngwenh awek, ntwang kwer-warn pawenhemel angkekarl. Anew ngkwengenh Elizabeth-emeh kwer-akert irretjenh. Kwer rrwey kwer ngwerrm-irretjenh. Ntwang renh arreny John anewetjeh.

Luke 1:76

Rang ler kwerenhek-antem angkek, “Ler tjengenhay! Arrpenh mapel ngwenh anewetjenh, ntwang Altjerr angerr-henh angketj angenh-angenh. Ntwangemeh Ngkart kwereng arrwekel alhetjenh, tjerrtj inenh iletj-alhetjenh, Ngkart rang lyet war nhenh-warn petjemeng, inang kwer karelhetjeh.

John 1:33

Thang renh itja-amparr alhengk-arek. Altjerrel yengenh lanthek, tjerrtj map kwatj-warn irrpelh-ilemel baptise-em-iletjenh. Rang yengenh lakenh ilek, ‘Ntwang aretjenh Kwerrern rang artwang ngwenheh apek arrernelhetj-alherleh, ntwang renh alhengk-aretjenh, Christ rang anem. Artwang nhenhel tjerrtj map Kwerrern Alngaltarel baptise-em-iletjenh.’

John 3:28

Arrantherr kel kaltj, yeng nheng arrehantherr ilelhek, ‘Yeng itja Christ rang anem, Altjerrel ngkwey alhelekarl. Yeng tjerrtj war anem ahelh-areny, Altjerrel yeng Christ-eng arrwekel lanthekarl.’

Acts 13:24

Jesu kwereng arrwekel John rek-amparr petjek. John rang tjerrtj Israel-areny map kaltj-anthek, inang anetjeng Altjerr-warn twep-irretjeh, rang inenh kwatj-warn irrpelh-ilemel baptise-em-iletjenheng.