Romanos 2:11 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

¹¹ Ee Tyꞌo̱o̱tsꞌom nchii na nncjaañꞌoomꞌñê ñꞌeⁿ cwii tsꞌaⁿ, sa̱a̱ cwiicheⁿ tineiiⁿꞌeⁿ.

Romanos 2:11 ပူးပေါင်းရင်းမြစ်များ

Mateo 22:16

Joꞌ chii jñoomna nnꞌaⁿ ꞌnaaⁿna ñequio ntꞌom nnꞌaⁿ ꞌnaaⁿꞌ Herodes na cꞌootaꞌjndoondyena Jesús. Tyꞌe naⁿꞌñeeⁿ, jluena: —ꞌU Maestro, manquiuuyâ na ꞌu tsꞌaⁿ na xcweeꞌ tsꞌomꞌ, ndoꞌ tiquiquiuꞌnnꞌaⁿꞌ ñꞌoom na maꞌmo̱o̱ⁿꞌ cantyja ꞌnaaⁿꞌ natooꞌ Tyꞌo̱o̱tsꞌom. Ndoꞌ mati meiⁿ tjaa na cochꞌeenaꞌ ꞌu ljoꞌ cwilaꞌtiuu nnꞌaⁿ oo meiⁿljoꞌcheⁿ na cwiluiindyena.

Lucas 20:21

Joo naⁿꞌñeeⁿ taꞌxꞌee nnoom: —ꞌU Maestro na maꞌmo̱o̱ⁿꞌ ñꞌoomꞌ Tyꞌo̱o̱tsꞌom nda̱a̱ nnꞌaⁿ, nquiuuyâ na ndyeyu matseiꞌneiⁿꞌ ndoꞌ ya maꞌmo̱o̱ⁿꞌ meiⁿ tyoocheꞌ na cweꞌ jndaaꞌ ꞌñeeⁿ neiⁿꞌ. Ñeꞌquiiꞌcheⁿ ñꞌoom na mayuuꞌ maꞌmo̱o̱ⁿꞌ cantyja ꞌnaaⁿꞌ natooꞌ Tyꞌo̱o̱tsꞌom.

Hechos 10:34

Quia joꞌ to̱ꞌ Pedro na matseineiiⁿ, matsoom nda̱a̱na: —Jeꞌ quia matseiꞌno̱ⁿꞌcha̱ⁿya, na mayuuꞌ Tyꞌo̱o̱tsꞌom tiquichꞌeeⁿ na cweꞌ ñejndaaꞌ nnꞌaⁿ na candyaꞌ tsꞌoom.

Romanos 9:14

Ndoꞌ na luaaꞌ waa, ¿chiuu ya nlꞌuu? ¿Aa ticwixcwe ljoꞌ machꞌee Tyꞌo̱o̱tsꞌom? Jeeⁿ ticꞌoomꞌnaꞌ.

Gálatas 2:6

Sa̱a̱ joo naⁿꞌñeeⁿ na cwijndooꞌna tsꞌiaaⁿ ꞌnaaⁿꞌ Tyꞌo̱o̱tsꞌom Jerusalén, tjaaꞌnaⁿ ñꞌoom na jlaꞌcwaljooꞌtina na quiaaya nda̱a̱ nnꞌaⁿ. Meiⁿ tjaa na cochꞌeenaꞌ ja ljoꞌ cwiluiindyena, ee nchii cantyja na cwiwitquiooꞌ macwjiꞌ Tyꞌo̱o̱tsꞌom cwenta chiuu tseixmaⁿ tsꞌaⁿ.

Efesios 6:9

Ndoꞌ ꞌo jeꞌ patrom, majoꞌti calꞌaꞌyoꞌ ñequio nnꞌaⁿ na mꞌaⁿtyeⁿ moso ꞌnaⁿꞌyoꞌ meiⁿ nchii na nnduꞌyoꞌ cwii ñꞌoom na ntseicatyꞌuenaꞌ joona. Ee cjañjoomꞌ nꞌomꞌyoꞌ na ꞌo ñꞌeⁿndye joona cañoomꞌluee mꞌaaⁿ Ta Jesús na matsa̱ꞌntjoom jaa. Ndoꞌ jo nnom jom ñecwii xjeⁿ cwilaꞌxmaaⁿya.

Colosenses 3:25

Sa̱a̱ tsꞌaⁿ na matseiꞌtjo̱o̱ñe, nntiomlꞌuaaⁿ juu ñequio mañejuuti natia na machꞌee tsaⁿꞌñeeⁿ. Ee jom xocjaañꞌoomñê ñꞌeⁿ cwii tsꞌaⁿ sa̱a̱ cwiicheⁿ ticueeꞌ tsꞌoom.

1 Pedro 1:17

Ncꞌe na cwilcwiꞌyoꞌ Tsotyeꞌyoꞌ na nqueⁿ xocatsꞌaaⁿ na neiiⁿꞌeⁿ cwii tsꞌaⁿ sa̱a̱ cwiicheⁿ tineiiⁿꞌeⁿ, joꞌ chii cꞌomꞌyoꞌ na nquiaꞌyoꞌ jom yocheⁿ na mꞌaⁿꞌyoꞌ ljooñe chaꞌcwijom nnꞌaⁿ na cweꞌ cwiqueya.