Mateo 18:22 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

²² Tꞌo̱ Jesús nnoom: —Ticatsjo̱o̱ na ñeꞌntquieeꞌ ndiiꞌ. Matsjo̱o̱ na catseitꞌmaⁿ tsꞌomꞌ jom ndyeenꞌaaⁿ nchooꞌ qui ndiiꞌ na ntquieeꞌ ntquieeꞌ. Maxjeⁿ ñequiiꞌcheⁿ catseitꞌmaⁿ tsꞌomꞌ jom.

Mateo 18:22 ပူးပေါင်းရင်းမြစ်များ

Mateo 18:23

’Cweꞌ joꞌ calaꞌno̱ⁿꞌyoꞌ cantyja ꞌnaaⁿꞌ nqueⁿ na matsa̱ꞌntjoom cañoomꞌluee. Matseijomnaꞌ jom chaꞌna cwii patrom na seitioom na nntyjo̱o̱ⁿ mosoomꞌm na choꞌjnaⁿ nnoom.

Marcos 11:25

Ndoꞌ quia xcwe na matseiꞌneiⁿꞌ nnom Tyꞌo̱o̱tsꞌom xeⁿ waa na machꞌeenaꞌ ꞌu ñꞌeⁿ xꞌiaꞌ, catseitꞌmaⁿ tsꞌomꞌ jom, cha mati Tsotyeꞌ na mꞌaaⁿ cañoomꞌluee, nnda̱a̱ nntseitꞌmaⁿ tsꞌoom ꞌu jnaⁿꞌ na waa.

Romanos 12:21

Tiñeꞌquiaandyuꞌ na joo na ticatsa̱ꞌntjomnaꞌ nnaⁿndyenaꞌ ñꞌeⁿndyuꞌ. Catsaꞌ yuu na ya cha canaⁿndyuꞌ nacjooꞌ joo na ticatsa̱ꞌntjomnaꞌ.

Efesios 4:26

Quia matseiꞌwꞌiiꞌ xꞌiaꞌ, tintseitjo̱o̱ndyuꞌtiꞌ nnoom na jndaaꞌjom nntseicamaaⁿndyuꞌ na tincjaꞌcwaaⁿꞌyaꞌ jom.

Efesios 4:31

Caꞌndyeꞌyoꞌ chaꞌtso nnom na cwilꞌa na matseiꞌndaaꞌnaꞌ nꞌomꞌyoꞌ, chaꞌna nntseiwꞌii tsꞌaⁿ xꞌiaaⁿꞌaⁿ, nntseiliooꞌñe tsꞌaⁿ ñꞌeⁿ xꞌiaaⁿꞌaⁿ, cꞌuaa cꞌuaati ꞌñom na matseijmeiⁿꞌñê nnom xꞌiaaⁿꞌaⁿ, majuꞌ tsꞌaⁿ ñꞌoom wiꞌ nacjooꞌ xꞌiaaⁿꞌaⁿ, ñequio chatso nnom ljoꞌ na tisꞌa.

Colosenses 3:13

Cꞌomꞌtꞌmaaⁿꞌndyoꞌ nꞌomꞌyoꞌ ñequio ncꞌiaaꞌyoꞌ. Ndoꞌ calaꞌtꞌmaⁿ nꞌomꞌyoꞌ joona quia cwilaꞌtjo̱o̱ndyena nda̱a̱ꞌyoꞌ. Calꞌaꞌyoꞌ ñꞌeⁿndyena chaꞌxjeⁿ sꞌaa Cristo na seitꞌmaⁿ tsꞌoom ꞌo.

1 Timoteo 2:8

Meiⁿyuucheⁿ joo na cwitjomndye nnꞌaⁿ lꞌue tsꞌo̱o̱ⁿ calaꞌneiⁿ naⁿnom nnom Tyꞌo̱o̱tsꞌom na nlawena lueena ñequio na xcweeꞌ nꞌomna. Ticꞌomna na wjeena ncꞌiaana, meiⁿ ticañjom nꞌomna ñꞌoom na nquiuna ñequio ncꞌiaana.