Mateo 14:27 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

²⁷ Sa̱a̱ mañoomꞌ tꞌmaⁿ Jesús jâ, tsoom: —Cꞌomꞌ tꞌmaaⁿꞌndyoꞌ nꞌomꞌyoꞌ. Maja luaa.

Mateo 14:27 ပူးပေါင်းရင်းမြစ်များ

Mateo 14:28

Ndoꞌ tꞌo̱ Pedro ꞌndyoo Jesús, tsoom: —Ta, xeⁿ na manncuꞌtiꞌ, cweꞌ catsuꞌ na cjo̱ca nnom ndaatioo na jo̱catjomndyo̱ ꞌu.

Mateo 17:7

Quia joꞌ seicandyooꞌñe Jesús nacañoomna. Tyeⁿnquioomꞌm joona, tsoom nda̱a̱na: —Quicantyjaꞌyoꞌ. Talacatyuendyoꞌ.

Mateo 28:10

Ndoꞌ tso Jesús nda̱a̱na: —Tilacatyuendyoꞌ. Catsaꞌyoꞌ, tsalacandiiꞌyoꞌ nnꞌaaⁿya na cꞌoona tsꞌo̱ndaa Galilea. Joꞌ joꞌ nntyꞌiaana ja.

Mateo 28:5

Quia joꞌ seineiⁿ ángel nda̱a̱ yolcuꞌñeeⁿ, tsoom: —Tilacatyuendyoꞌ. Ee mantyjiiya na Jesús cwilꞌueꞌyoꞌ, nquii tsaⁿ na tyꞌioom nnꞌaⁿ tsꞌoomꞌnaaⁿ.

Mateo 9:2

Ndoꞌ tquioñꞌom nnꞌaⁿ cwii tsꞌaⁿwiiꞌ na mꞌaaⁿ, cweꞌ ñꞌeⁿ tsuee. Tsaⁿꞌñeeⁿ tycutqueeⁿ teiꞌljoo jom mana teintjeiⁿ ncꞌeeⁿ. Quia na ntyꞌiaaꞌ Jesús na tꞌmaⁿ cwilaꞌyuꞌya nꞌom naⁿꞌñeeⁿ, tsoom nnom tsaⁿwiiꞌ: —ꞌU jndaaya, cꞌomꞌ tꞌmaaⁿꞌndyuꞌ tsꞌomꞌ. Ja jnda̱ seitꞌmaⁿ tsꞌo̱o̱ⁿya ꞌu chaꞌtso jnaⁿꞌ na waa.

Marcos 6:50

Jeeⁿ ndyaꞌ tyuena ee chaꞌtsondyena ntyꞌiaana jom. Mantyja tꞌmaaⁿ joona, tsoom nda̱a̱na: —Cꞌomꞌyoꞌ na tꞌmaⁿ nꞌomꞌyoꞌ. Mannco̱ luaa. Tilacatyuendyoꞌ.

Lucas 1:13

Sa̱a̱ tso ángel nnoom: —Tintyꞌueꞌ, Zacarías. Majnda̱ jndii Tyꞌo̱o̱tsꞌom ñꞌoom na macaⁿꞌ. Ndoꞌ scuꞌ Elisabet nntseincueⁿ yuꞌndaa ndaꞌyoꞌ. Ndoꞌ nntseicajndyuꞌ juu Juan.

Lucas 1:30

Quia joꞌ tso ángel nnoom: —María, tintyꞌueꞌ. Ee ꞌu tꞌmaⁿ naya jnda̱ teijnomꞌ na macandaꞌ jo nnom Tyꞌo̱o̱tsꞌom.

Lucas 12:32

’ꞌO nnꞌaⁿ tmaaⁿꞌ chjoo cwentaya, tilaꞌcatyuendyoꞌ, ee cjaaweeꞌ ntyjii Tsotyeꞌyoꞌ na nlaxmaⁿꞌyoꞌ cantyja na matsa̱ꞌntjoom.

Lucas 2:10

Ndoꞌ tso ángel nda̱a̱na: —Tilaꞌcatyuendyoꞌ, mañequiaya ñꞌoom na jeeⁿ ya nda̱a̱ꞌyoꞌ. Juunaꞌ nntsꞌaanaꞌ na jeeⁿ neiiⁿ chaꞌtsondye nnꞌaⁿ tsjoomnancue.

Lucas 5:10

Majoꞌti tjom Jacobo ñequio Juan, ntseinda Zebedeo. Joona mañecwii tꞌmaⁿ tsꞌiaaⁿ cwilꞌana ñequio Simón. Quia joꞌ tso Jesús nnom Simón: —Tintyꞌueꞌ, jeꞌ mamanaⁿtonaꞌ na nnꞌaⁿ nntseitjomꞌ na nlaꞌjomndyena ñꞌeⁿndyo̱, tachii cweꞌ calcaa.

Juan 16:33

Jnda̱ seina̱ⁿya ñꞌoommeiⁿꞌ nda̱a̱ꞌyoꞌ cha cantyja na cwilajomndyoꞌ ñꞌeⁿndyo̱ meiⁿcwii ñomtiuu tancꞌoom. Ñequiiꞌ nawiꞌ nntjomꞌyoꞌ na mꞌaⁿꞌyoꞌ tsjoomnancue, sa̱a̱ cꞌomꞌtꞌmaaⁿꞌndyoꞌ nꞌomꞌyoꞌ, ee jnda̱ jnaⁿndyo̱ ñequio juu na matseixmaⁿ tsjoomnancue.

Juan 6:20

Tsoom nda̱a̱yâ: —Mannco̱ luaañe, tilacatyuendyoꞌ.

Hechos 23:11

Quia na jnda̱ teijaaⁿ teitquiooꞌñe Ta Jesús nnom Pablo, matso nnoom: —Cꞌomꞌtꞌmaaⁿꞌndyuꞌ tsꞌomꞌ, ee chaꞌna jnda̱ tjeiꞌyuuꞌndyuꞌ cantyja ꞌnaⁿya naquiiꞌ tsjoom Jerusalénwaa, malaaꞌtiꞌ nncwjiꞌyuuꞌndyuꞌ cantyja ꞌnaⁿya tsjoom Roma.