Mateo 12:38 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

³⁸ Quia joꞌ ntꞌom nnꞌaⁿ fariseos ñequio nnꞌaⁿ na cwitꞌmo̱o̱ⁿ ljeii na tqueⁿ Moisés jluena nnom Jesús: —Cwa, Maestro, lꞌue nꞌo̱o̱ⁿyâ na mꞌmo̱ⁿꞌ cwii ꞌnaaⁿ na tꞌmaⁿ na nntyꞌiaayâ.

Mateo 12:38 ပူးပေါင်းရင်းမြစ်များ

Mateo 12:37

Ee cantyjati ñꞌoom na cwilaneiⁿꞌyoꞌ, Tyꞌo̱o̱tsꞌom nncuꞌxeeⁿ ꞌo. Ñꞌoom na ya na cwinduꞌyoꞌ nncwañoomꞌnaꞌ ꞌo. Ndoꞌ ñꞌoom tia na cwinduꞌyoꞌ nntꞌuiityeⁿnaꞌ ꞌo.

Lucas 11:16

Ndoꞌ ntꞌomcheⁿ cweꞌ na ñeꞌcalꞌa xjeⁿ jom, tyotaⁿ cwii ꞌnaaⁿ cha caꞌmo̱ⁿnaꞌ na cañoomꞌluee cwinaⁿ najneiⁿ.

Lucas 11:29

Jnda̱ tjawijndyeti nnꞌaⁿ na cañoomꞌ Jesús, to̱o̱ⁿꞌo̱ⁿ na matsoom nda̱a̱na: —Nnꞌaⁿ na mꞌaⁿ jeꞌ, jeeⁿ ndyaꞌ tia nnꞌaⁿndye. Cwitaⁿna na caluii cwii ꞌnaaⁿ na nntyꞌiaana na xocanda̱a̱ nntsꞌaa na cweꞌ tsꞌaⁿ, sa̱a̱ taxocaluii na cwitaⁿna, macanda̱ nluii ꞌnaaⁿ chaꞌxjeⁿ na tjom Jonás.

Juan 2:18

Ndoꞌ taꞌxꞌee nnꞌaⁿ judíos nnoom, jluena: —¿Cwaaⁿ tsꞌiaaⁿ nntsaꞌ na tixocaluii juunaꞌ na cweꞌ tsꞌaⁿ nntsꞌaa na mꞌmo̱ⁿnaꞌ nda̱a̱yâ na waa najndeii na matseixmaⁿꞌ na nmeiiⁿꞌ macheꞌ?

Juan 4:48

Ndoꞌ matso Jesús nnom: —ꞌO maxjeⁿ tixocalaꞌyuꞌyoꞌ na waa najndo̱ xeⁿ ticantyꞌiaꞌnda̱a̱ꞌyoꞌ na nntsꞌaa yuu na xocanda̱a̱ na nluii na cweꞌ tsꞌaⁿ nntsꞌaa.

Juan 6:30

Joꞌ chii tꞌo̱o̱na nnoom: —¿Cwaaⁿ cwii nnom na nntsaꞌ nntyꞌiaayâ na tixocaluii na cweꞌ tsꞌaⁿ nntsꞌaa cha mꞌmo̱ⁿnaꞌ nda̱a̱yâ na waa na cwiluiindyuꞌ ndoꞌ cha na nlaꞌyuuꞌâ ñꞌeⁿndyuꞌ?

1 Corintios 1:22

Nnꞌaⁿ judíos cwitaⁿna na nntyꞌiaanda̱a̱na cwii tsꞌiaaⁿ tꞌmaⁿ na tixocaluiinaꞌ na cweꞌ najndeii nquii tsꞌaⁿ cha nlaꞌyuꞌna. Sa̱a̱ nnꞌaⁿ na nchii judíos, joona cwilꞌueeꞌndyena ñꞌoom na nntseijndo̱ꞌtinaꞌ nꞌomna cha na nlaꞌyuꞌna,