Marcos 8:32 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

³² Ndyeyu seineiiⁿ ñꞌoommeiⁿꞌ nda̱a̱na. Ndoꞌ Pedro tjañꞌoom Jesús cwii ntyja. To̱o̱ⁿꞌo̱ⁿ na matseitiaaⁿꞌaⁿ juu na nmeiⁿꞌ matso na nluii.

Marcos 8:32 ပူးပေါင်းရင်းမြစ်များ

Mateo 16:22

Quia joꞌ tjañꞌoom Pedro Jesús cwii ntyja, to̱o̱ⁿꞌo̱ⁿ na matsoom nnom na ticatsa̱ꞌntjomnaꞌ na nntjom na luaaꞌ. Tsoom: —Tijoom quiaa Tyꞌo̱o̱tsꞌom na nntjomꞌ na luaaꞌ. Tixoquiaaⁿ na nluii naljoꞌ.

Marcos 4:38

Sa̱a̱ nquii Jesús watsom jo tsꞌaaⁿ wꞌaandaa, wantyeeⁿ cwii liaa ndyaa. Joona jlaꞌnlcwina jom, jluena nnoom: —ꞌU Maestro, ¿aa maxjeⁿ tjaa na cochꞌeenaꞌ ꞌu meiiⁿ na nncwja̱a̱ya?

Lucas 10:40

Sa̱a̱ Marta, tileicaluiꞌñê na jeeⁿ matseinꞌoomꞌñê. Tjantyjaaⁿꞌaⁿ Jesús, tsoom nnom: —Ta, ¿aa mandoꞌ na ñenco̱ maꞌndii nomtyjo̱ na catseiꞌnꞌo̱o̱ⁿꞌndyo̱? Catsuꞌ nnoom na cateijneiⁿ ja.

Juan 10:24

Quia joꞌ nnꞌaⁿ na cwiluiitquiendye nda̱a̱ nnꞌaⁿ judíos tjaaꞌndyena tsei Jesús. Taꞌxꞌeena nnoom jluena: —¿Cwanti yo na maleichuꞌ jâ na matseiñꞌeeⁿꞌndyuꞌ jâ? Xeⁿ na mayuuꞌ cwiluiindyuꞌ Cristo, ntyjayu catsuꞌ nda̱a̱yâ.

Juan 11:14

Quia joꞌ tsondyeyoom nda̱a̱yâ: —Jnda̱ tueꞌ Lázaro.

Juan 16:25

’Jnda̱ seina̱ⁿ ñꞌoommeiⁿꞌ nda̱a̱ꞌyoꞌ na cweꞌ tjañoomꞌ. Sa̱a̱ manncueꞌntyjo̱ xjeⁿ na taxocatseina̱ⁿ nda̱a̱ꞌyoꞌ ñꞌoom na cweꞌ wjaañoomꞌ, ee nntseina̱ⁿ nda̱a̱ꞌyoꞌ ñꞌoom na ndyeyu cantyja ꞌnaaⁿꞌ Tsotya̱.

Juan 16:29

Quia joꞌ jâ nnꞌaⁿ na cwilajomndyô̱ ñꞌeⁿñê lꞌuuyâ: —Jeꞌ ndyeyu matseiꞌneiⁿꞌ, nchii cweꞌ ñꞌoom na wjaañoomꞌ.

Juan 18:20

Tꞌo̱ Jesús matsoom: —Ñequiiꞌcheⁿ ñequio na jndooꞌ nnꞌaⁿ tyotseina̱ⁿya. Ndoꞌ na tyoꞌmo̱o̱ⁿya nda̱a̱ nnꞌaⁿ judíos naquiiꞌ lanꞌom ꞌnaaⁿna ñequio watsꞌom tꞌmaⁿ yuu na cwitjomndyena. Meiⁿcwii ñꞌoom tyootseina̱ⁿ na cweꞌ ñeꞌwe ndyee tsꞌaⁿ ndii.