Marcos 14:61 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

⁶¹ Sa̱a̱ Jesús ñemaaⁿꞌcheeⁿ mꞌaaⁿ. Meiⁿcwii ñꞌoom ticꞌo̱o̱ⁿ. Quia joꞌ juu tyee na cwiluiitquieñe taxꞌeeñennaaⁿꞌaⁿ, tsoom: —¿Aa ꞌu cwiluiindyuꞌ Cristo, Jnda nquii Tyꞌo̱o̱tsꞌom na cwilaꞌtꞌmaaⁿꞌndyô̱?

Marcos 14:61 ပူးပေါင်းရင်းမြစ်များ

Mateo 16:16

Tꞌo̱ Simón Pedro nnoom, tso: —ꞌU cwiluiindyuꞌ nquii Cristo, Jnda Tyꞌo̱o̱tsꞌom na wandoꞌ.

Mateo 3:17

Ndoꞌ nandye cañoomꞌluee teicꞌuaa na seineiⁿ Tyꞌo̱o̱tsꞌom. Tsoom: —Luaañe Jndaaya na jeeⁿ candyaꞌ tsꞌo̱o̱ⁿ. Cantyja ꞌnaaⁿꞌ jom mañequiaanaꞌ na neiⁿya.

Mateo 8:29

Luaa tuii, jndeii jlaꞌxuaana, jluena: —¿Ljoꞌ nntsaꞌ ñꞌeⁿndyô̱, ꞌu Jesús, Jnda Tyꞌo̱o̱tsꞌom? ¿Aa jnda̱ jndyoꞌ na nlcoꞌwiꞌ jâ, meiiⁿ tyooweꞌntyjo̱ xjeⁿ na nntuꞌxeⁿndyô̱?

Marcos 14:60

Quia joꞌ teintyjeeꞌ nquii tyee na cwiluiitquieñe xcwe quiiꞌ ntaaⁿna, taxꞌeeⁿ ꞌndyoo Jesús, tsoom: —¿Aa maxjeⁿ meiⁿcwii ñꞌoom ticꞌo̱ꞌ? ¿Chiuu waayuu cantyja ꞌnaaⁿꞌ ñꞌoom na cwitueeꞌna nacjoꞌ?

Marcos 15:2

Ndyeyu taxꞌee Pilato nnoom, tso: —¿Aa ꞌu cwiluiindyuꞌ rey cwentaa nnꞌaⁿ judíos? Ndoꞌ tꞌo̱o̱ⁿ: —Majoꞌndyo chaꞌxjeⁿ na matsuꞌ.

Juan 1:34

Ndoꞌ jnda̱ ntyꞌiano̱o̱ⁿya na tuii na ljoꞌ ñꞌeⁿñê. Joꞌ chii macwjiꞌyuuꞌndyo̱ na jom cwiluiiñê Jnda Tyꞌo̱o̱tsꞌom.

Juan 10:24

Quia joꞌ nnꞌaⁿ na cwiluiitquiendye nda̱a̱ nnꞌaⁿ judíos tjaaꞌndyena tsei Jesús. Taꞌxꞌeena nnoom jluena: —¿Cwanti yo na maleichuꞌ jâ na matseiñꞌeeⁿꞌndyuꞌ jâ? Xeⁿ na mayuuꞌ cwiluiindyuꞌ Cristo, ntyjayu catsuꞌ nda̱a̱yâ.

Juan 10:36

Joꞌ chii tixcwe na cwinduꞌyoꞌ na matseijnaaⁿꞌa jom ncꞌe na tsjo̱o̱ na cwiluiindyo̱ Jnaaⁿ. Ee nqueⁿ tyꞌioom tsꞌiaaⁿ ja, ndoꞌ sa̱ꞌntjoom ja na candyocꞌo̱o̱ⁿndyo̱ quiiꞌntaaⁿꞌ ꞌo nnꞌaⁿ tsjoomnancue.

Juan 18:37

Ndoꞌ taxꞌee Pilato nnoom: —Quia joꞌ, ¿Aa cwiluiindyuꞌ rey? Tꞌo̱ Jesús, matsoom nnom: —Maxjeⁿ joꞌ cwiluiindyo̱. Macweꞌ joꞌ na tuiindyo̱ na jndyo̱o̱ tsjoomnancue, cha cwjiꞌyuuꞌndyo̱ ñꞌoom na mayuuꞌ. Ticwii cwii tsꞌaⁿ na matseijomñe ñꞌoom na mayuuꞌñeeⁿ, tsaⁿꞌñeeⁿ mandii ñꞌoom na mañequiaya.

Juan 19:7

Tꞌo̱o̱nndaꞌ nnꞌaⁿ judíos nnoom, jluena: —Mawaa ljeii na cwileiñꞌo̱o̱ⁿyâ, ndoꞌ cantyja ꞌnaaⁿꞌ juunaꞌ matsa̱ꞌntjomnaꞌ na cueeⁿꞌeⁿ ee na tsoom na Jnda Tyꞌo̱o̱tsꞌom cwiluiiñê.

Juan 19:9

Ndoꞌ tjaquieeꞌnnaaⁿꞌaⁿ watsꞌiaaⁿ ꞌnaaⁿꞌaⁿ. Taxꞌeeñê ꞌndyoo Jesús: —¿ꞌU yuu jnaⁿꞌyuꞌ? Sa̱a̱ Jesús meiⁿcwii ñꞌoom tîcꞌo̱o̱ⁿ.

Hechos 8:32

Luaa matso ñꞌoomꞌ Tyꞌo̱o̱tsꞌom na matseiꞌnaaⁿꞌ tsaⁿꞌñeeⁿ: Quia na wjaañꞌoom tsꞌaⁿ catsmaⁿ na nntseicueⁿꞌeⁿ juuyoꞌ meiⁿchjoo ticatseixuaayoꞌ. Mati chaꞌna catsmaⁿ chjoo quia na matyjee tsꞌaⁿ somꞌm ñemaaⁿꞌ ꞌñom, malaaꞌtiꞌ tjaa ljoꞌ tso tsꞌaⁿ na cwiluiiñe catsmaⁿ cwentaaꞌ Tyꞌo̱o̱tsꞌom meiiⁿ na wiꞌ tyotjoom.

1 Timoteo 1:11

Juu ñꞌoom xcwewaaꞌ ñecwii xjeⁿ matseicandiinaꞌ ñequio ñꞌoom na jeeⁿ jndaꞌnaꞌ cantyja na cwiluiꞌnꞌmaaⁿndye nnꞌaⁿ. Nquii Tyꞌo̱o̱tsꞌom na tjacantyja na tꞌmaⁿ cwiluiiñê matyꞌioom tsꞌiaaⁿ ja na mañequiaya ñꞌoomꞌñeeⁿ nda̱a̱ nnꞌaⁿ.

1 Timoteo 6:15

Quia na ntyjii Tyꞌo̱o̱tsꞌom na jnda̱ tueꞌntyjo̱ xjeⁿ, nntsꞌaaⁿ na nntseicanda̱a̱ꞌñenaꞌ na luaaꞌ ee macanda̱ nqueⁿ cwiluiiñê na tjacantyja na matsa̱ꞌntjoom. Jom tseixmaaⁿ Rey nda̱a̱ chaꞌtsondye nnꞌaⁿ na tjacantyja na cwitsa̱ꞌntjom, jom cwiluiiñê na matsa̱ꞌntjoom chaꞌtsondye nnꞌaⁿ na cwitsa̱ꞌntjom.

1 Pedro 2:23

Quia na jlaꞌjnaaⁿꞌ nnꞌaⁿ jom, tîtseilcweeⁿꞌeⁿ ñꞌoom jnaaⁿꞌ nda̱a̱na. Quia na taꞌwiꞌna jom, sa̱a̱ tîcoꞌweeⁿꞌeⁿ joona, cweꞌ ꞌndiiñetoom ñequio lꞌo̱ Tyꞌo̱o̱tsꞌom na xcwe macuꞌxeⁿ.