Marcos 10:18 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

¹⁸ Ndoꞌ tso Jesús nnom: —¿Chiuu na matsuꞌ na ya tsꞌaⁿndyo̱ ja? Macanda̱ nquii Tyꞌo̱o̱tsꞌom cwiluiiñê na ljoꞌ.

Marcos 10:18 ပူးပေါင်းရင်းမြစ်များ

Mateo 19:17

Tꞌo̱ Jesús nnom: —¿Chiuu na matsuꞌ na ya tsꞌaⁿndyo̱ ja? Tjaa ꞌñeeⁿ cꞌoom na jeeⁿ ya tsꞌaⁿñe macanda̱ nquii Tyꞌo̱o̱tsꞌom. Sa̱a̱ ꞌu jeꞌ, xeⁿ ñeꞌcjaꞌquieeꞌndyuꞌ cantyja na ticantycwii na wandoꞌ macaⁿnaꞌ na catseicanda̱ꞌ chiuu tꞌmaⁿ ljeii na matsa̱ꞌntjomnaꞌ na tqueⁿ Tyꞌo̱o̱tsꞌom.

Marcos 10:17

Tjatjati Jesús nato. Ndoꞌ cwii tsaⁿsꞌa maleinom na jndyontyjaaꞌ jom. Jndyocoꞌ xtye jo nnoom. Tso: —ꞌU Maestro na ya tsꞌaⁿndyuꞌ, ¿ljoꞌ macaⁿnaꞌ na catsꞌaa cha nntseixmaⁿya na ticantycwii na nncwaꞌndo̱ꞌa?

Marcos 10:19

ꞌU mantyjiꞌ ljeii naqui na matsa̱ꞌntjoom. Matsonaꞌ: “Tincꞌomꞌyaꞌ ñꞌeⁿ cwiicheⁿ tsꞌaⁿ. Tintseiꞌcueꞌ tsꞌaⁿ. Tinchꞌueeꞌ ꞌnaaⁿꞌ tsꞌaⁿ. Tintseineiⁿꞌ ñꞌoom na cweꞌ cantu nacjooꞌ tsꞌaⁿ. Tiñenquiuꞌnnꞌaⁿꞌ tsꞌaⁿ. Catseitꞌmaaⁿꞌndyuꞌ tsotyeꞌ ñꞌeⁿ tsoꞌndyoꞌ.”

Lucas 18:19

Tꞌo̱ Jesús nnom: —Matsuꞌ na ja ya tsꞌaⁿndyo̱, macanda̱ nquii Tyꞌo̱o̱tsꞌom cwiluiiñê na ljoꞌ.

Romanos 3:12

Chaꞌtsondyena jnda̱ macwilaꞌjomndyena nato na tisꞌa. Tjaa yuu nnda̱a̱ na nleilꞌueeꞌñê joona. Meiⁿcwiindye joona ticꞌoom na machꞌee yuu na ya, meiⁿcwii, meiⁿcwii.

Santiago 1:17

Nquii Tsotya̱a̱ya Tyꞌo̱o̱tsꞌom na mꞌaaⁿ nandye mañequiaaⁿ chaꞌtso nnom na cwitoꞌño̱o̱ⁿya na jeeⁿ ya laxmaⁿnaꞌ ndoꞌ canda̱a̱ꞌnaꞌ. Jom ñecwii xjeⁿ cwiluiiñê, meiⁿ tyootseichuiiꞌñê chaꞌxjeⁿ cwichuiiꞌ ncwaⁿꞌ.

1 Juan 4:16

Luaa waa na cwitaꞌjnaaⁿꞌa Tyꞌo̱o̱tsꞌom ndoꞌ cwilayuuꞌa na mꞌaaⁿ na candyaꞌ tsꞌoom jaa. Cwiluiiñê Tyꞌo̱o̱tsꞌom na candyaꞌ tsꞌom nnꞌaⁿ. Juu na cwiluiiñê na candya tsꞌoom, tsꞌaⁿ na matseixmaⁿ joꞌ, wandoꞌ cantyja ꞌnaaⁿꞌaⁿ ndoꞌ mꞌaaⁿ quiiꞌ tsꞌom tsaⁿꞌñeeⁿ.

1 Juan 4:8

Tsꞌaⁿ na ticꞌoom na jnda ntyjii xꞌiaaꞌ na matseiyuꞌ ticꞌoom tsaⁿꞌñeeⁿ cantyja ꞌnaaⁿꞌ Tyꞌo̱o̱tsꞌom ee jom cwiluiiñê na candyaꞌ tsꞌoom nnꞌaⁿ.