Hechos 7:49 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

⁴⁹ Cañoomꞌluee matseixmaⁿnaꞌ ndio ꞌnaⁿya yuu na mawacatya̱ⁿ na matsa̱ꞌntjo̱ⁿya. Ndoꞌ tsjoomnancue matseixmaⁿnaꞌ cweꞌ chaꞌna ꞌnaⁿ yuu na cwiquieꞌ ncꞌa̱. Ncꞌe na ljoꞌ, ¿cwaaⁿ wꞌaa na nlꞌaꞌyoꞌ cwentaya? Ndoꞌ ¿yuu waa cwii joo na ya na nncwajndya̱ya?

Hechos 7:49 ပူးပေါင်းရင်းမြစ်များ

Mateo 23:22

Ndoꞌ juu tsꞌaⁿ na maqueⁿtyeⁿ cwii ñꞌoom nacjooꞌ nquii na macwjiꞌ xueeꞌ cañoomꞌluee nchii macanda̱ cweꞌ cantyja ꞌnaaⁿꞌ cañoomꞌluee maqueⁿtyeⁿ ñꞌoom, maxjeⁿ mañꞌoomnaꞌ nquii Tyꞌo̱o̱tsꞌom ñequio tio yuu na mawacatyeeⁿ.

Mateo 24:2

Sa̱a̱ jom tꞌo̱o̱ⁿ nda̱a̱yâ, tsoom: —¿Aa cwintyꞌiaꞌyoꞌ na jeeⁿ ya chaꞌtso nmeiⁿꞌ? Candyeꞌyoꞌ nntsjo̱o̱ na mayuuꞌcheⁿ tixocaꞌndiinaꞌ cwii tsjo̱ꞌ nacjooꞌ xꞌiaaꞌnaꞌ. Nntyuiiꞌñꞌeⁿ lꞌaameiⁿꞌ.

Juan 4:21

Matso Jesús nnom yuscuꞌñeeⁿ: —ꞌU yuscu, catseiyuꞌ ñꞌoom na matsjo̱o̱ njomꞌ na manncueꞌntyjo̱ xjeⁿ na nlaꞌtꞌmaaⁿꞌndye nnꞌaⁿ Tsotya̱ya meiⁿquiayuucheⁿ, nchii cweꞌ sjo̱waa oo Jerusalén.

Apocalipsis 3:21

ꞌÑeeⁿ juu na jnda̱ jnaⁿñe ñequio natia, quia mawaꞌcatya̱ⁿ tio ꞌnaⁿya, nñequiaya na nncwaꞌcatyeeⁿ na cañomya, chaꞌxjeⁿ ja jnda̱ jnaⁿndyo̱ ñequio natia ndoꞌ jnda̱ jndyocajmaⁿya nacañoomꞌ Tsotya̱ya tio ꞌnaaⁿꞌaⁿ.