Hebreos 5:11 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

¹¹ Jndye ñꞌoom niom na matsonaꞌ na catsjo̱o̱ya nda̱a̱ꞌyoꞌ cantyja ꞌnaaⁿꞌ tsꞌiaaⁿ na matseixmaⁿ tyeeꞌñeeⁿ sa̱a̱ machꞌeenaꞌ na jndeiꞌnaꞌ na nntseiteinco̱o̱ꞌa juunaꞌ nda̱a̱ꞌyoꞌ ee ꞌo jeeⁿ ncꞌuaaꞌ cwilaꞌno̱ⁿꞌyoꞌ.

Hebreos 5:11 ပူးပေါင်းရင်းမြစ်များ

Mateo 13:15

Ee naⁿmꞌaⁿꞌ jnda̱ jlaꞌquieꞌ nꞌomna, cha ticoꞌxcwenaꞌ cantyja na cwilaꞌtiuuna. Ndoꞌ tañeꞌquiandyena na nndyena cha tintsꞌaanaꞌ na nlaꞌno̱ⁿꞌna. Ndoꞌ cwilꞌa nquieena chaꞌcwijom ticajndooꞌna cha ticaⁿnaꞌ na nlqueⁿna cwenta. Joona cwilꞌayana nmeiⁿꞌ cha ticalcweꞌ nꞌomna, tincwjiꞌnꞌmaaⁿndyo̱ joona.

Marcos 8:21

Quia joꞌ matsoom nda̱a̱na: —¿Aa maxjeⁿ hasta jeꞌ ticalaꞌno̱ⁿꞌyoꞌ?

Lucas 24:25

Quia joꞌ tso Jesús nda̱a̱na: —ꞌO nnꞌaⁿ na tileicalaꞌno̱ⁿꞌyoꞌ maxjeⁿ tiqueⁿꞌyoꞌ cwenta ndoꞌ ticjooꞌ nꞌomꞌyoꞌ na nlayuꞌyoꞌ chaꞌtso ñꞌoom na tyolue profetas.

Juan 16:12

’Ndoꞌ niom jndye ntꞌomcheⁿ ñꞌoom na macaⁿnaꞌ na catsjo̱o̱ya nda̱a̱ꞌyoꞌ, sa̱a̱ tileicalaꞌno̱ⁿꞌyoꞌ joo ñꞌoomꞌñeeⁿ jeꞌ.

Juan 6:6

Luaaꞌ matsoom cha nleitquiooꞌ chiuu mꞌaaⁿꞌ tsꞌom Felipe. Ee nqueⁿ mantyjiicheeⁿ ljoꞌ nntsꞌaaⁿ.

Hechos 28:27

Ee jnda̱ teiquieꞌ nꞌomꞌyoꞌ. Jnda̱ sꞌaanaꞌ ñꞌeⁿndyoꞌ chaꞌcwijom na candaaꞌyoꞌ. Ndoꞌ jnda̱ sꞌaanaꞌ chaꞌcwijom na nchjaaⁿꞌyoꞌ. Jeeⁿ cachjoo cwilaꞌno̱ⁿꞌyoꞌ cantyja ꞌnaaⁿꞌ Tyꞌo̱o̱tsꞌom. Joꞌ na matseijomnaꞌ ꞌo na ndooꞌ nchjaaⁿꞌyoꞌ ndoꞌ na candaaꞌyoꞌ. Joꞌ chii xolcweꞌ nꞌomꞌyoꞌ ndoꞌ na luaaꞌ waa xocatseitꞌmaⁿ tsꞌo̱o̱ⁿya jnaⁿꞌyoꞌ.

Hebreos 5:10

ee tqueⁿ Tyꞌo̱o̱tsꞌom jom tyee na tjacantyja na cwiluiitꞌmaⁿñe, chaꞌna tsꞌiaaⁿ na tyotseixmaⁿ juu tyee Melquisedec.

Hebreos 5:12

Jaachꞌee xuee cwilaꞌyuꞌyoꞌ ñꞌeⁿ Tyꞌo̱o̱tsꞌom, joꞌ chii matsonaꞌ na jeꞌ cwiluiindyoꞌ nnꞌaⁿ na cwitꞌmo̱o̱ⁿ ñꞌoomꞌ Tyꞌo̱o̱tsꞌom nda̱a̱ ntꞌomcheⁿ, sa̱a̱ ꞌo ndicwaⁿ macaⁿnaꞌ na catseineiⁿxco tsꞌaⁿ nda̱a̱ꞌyoꞌ ñꞌoomꞌm na tijndeiꞌtinaꞌ na nntseiꞌno̱ⁿꞌ tsꞌaⁿ, ꞌo ndaatsuu macaⁿnaꞌ nchii nantquie na canda̱a̱ꞌ.

2 Pedro 3:16

Ñequio chaꞌtso carta na matseiljeiⁿ, matseineiiⁿ cantyja ꞌnaaⁿꞌ ñꞌoommeiⁿꞌ. Nacjooꞌ cartaꞌñeeⁿ ñꞌeeⁿ ñꞌoom na jndeiꞌnaꞌ na nntseiꞌno̱ⁿꞌ tsꞌaⁿ, na joo nnꞌaⁿ na tyoolaꞌyuꞌya nꞌom ndoꞌ na tijndo̱ꞌ nꞌom, tixcwe cwilaꞌteincooꞌna joonaꞌ chaꞌxjeⁿ mati cwilꞌana ñequio ntꞌomcheⁿ ñꞌoomꞌ Tyꞌo̱o̱tsꞌom na jnda̱ teiljeii, ndoꞌ wiꞌ ntjoomna na cwilꞌana na ljoꞌ.