Hebreos 4:7 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

⁷ Ncꞌe naljoꞌ maꞌmo̱ⁿxco Tyꞌo̱o̱tsꞌom cwiicheⁿ xuee na matseicajndyunaꞌ xuee jeꞌ. Tjacaa jndye ndyu quia joꞌ ñequio ꞌndyoo David seineiiⁿ ñꞌoomꞌm na jnda̱ teiljeii: Xuee jeꞌ xeⁿ nndyeꞌyoꞌ jñeeⁿꞌeⁿ, tilaquieꞌ nꞌomꞌyoꞌ.

Hebreos 4:7 ပူးပေါင်းရင်းမြစ်များ

Mateo 22:43

Tsoom nda̱a̱na: —Mayuuꞌ. Ndoꞌ nquii David, ncꞌe na tꞌmo̱ⁿ Espíritu Santo naquiiꞌ tsꞌoom seiljeiⁿ cwii ñꞌoom cantyja ꞌnaaⁿꞌ Cristo. Tsoom na juu cwiluiiñe na matsa̱ꞌntjom jom. ¿Ljoꞌ maꞌmo̱ⁿnaꞌ na luaaꞌ tsoom? ee seiljeiⁿ:

Marcos 12:36

Sa̱a̱ manquiiti David cantyja na tꞌmo̱ⁿ Espíritu Santo nnoom tsoom na Cristo cwiluiiñê Ta na matsa̱ꞌntjom jom. Tsoom: Nquii Ta Tyꞌo̱o̱tsꞌom tsoom nnom juu Ta na matsa̱ꞌntjom ja: “Cajmaⁿꞌ ntyjaaꞌa ntyjaya yuu na matseitꞌmaaⁿꞌñenaꞌ ꞌu hasta xjeⁿ na jnda̱ tsa̱ꞌa nnꞌaⁿ na jndoo ꞌu na cꞌomna nacje ꞌnaⁿꞌ.”

Lucas 20:42

Ee naquiiꞌ libro na chuu Salmos, maquiiti David tsoom: Nquii Ta Tyꞌo̱o̱tsꞌom tsoom nnom juu Ta na matsa̱ꞌntjom ja: “Cajmaⁿꞌ ntyjaaꞌa ntyjaya yuu na matseitꞌmaaⁿꞌñenaꞌ ꞌu,

Hechos 2:29

Tsoti Pedro: —ꞌO nnꞌaⁿya, ndyeyu nntsjo̱o̱ nndyeꞌyoꞌ na tueꞌ welooya David na ñetꞌoom teiyo. Tyꞌecatꞌiuuna jom, ndoꞌ tseiꞌtsuaⁿꞌaⁿ ndicwaⁿ waanaꞌ tsjoom ñjaaⁿ hasta xuee jeꞌ.

Hechos 2:31

Ndoꞌ chaꞌcwijom na nntyꞌiaaꞌ nnoom najnda̱ tuiinaꞌ, joꞌ na tsoom na xocaljooꞌñe añmaaⁿꞌ yuu na cwiljooꞌndye añmaaⁿ nnꞌaⁿ na jnda̱ tja̱ ndoꞌ meiⁿ seiiꞌ xocato̱o̱ꞌ.

Hechos 28:25

Ticatjoomꞌ jlaꞌtiuuna ñꞌoom na jndyena. Joꞌ chii tꞌoomꞌndyena. Sa̱a̱ tsojndyee Pablo cwii ñꞌoom nda̱a̱na. Matsoom: —Mayuuꞌ ñꞌoom na seijndo̱ꞌ Espíritu Santo tsꞌom profeta Isaías. Juu ñꞌoomꞌñeeⁿ seineiiⁿ nda̱a̱ welooya na ñetꞌom teiyo.

Hebreos 3:15

Chaꞌxjeⁿ ñꞌoom na matsonaꞌ: Xeⁿ xuee jeꞌ cwindyeꞌyoꞌ ñꞌoom na matseineiⁿ Tyꞌo̱o̱tsꞌom, talaquieꞌ nꞌomꞌyoꞌ chaꞌxjeⁿ lꞌa nnꞌaⁿ Israel quia tyolaꞌwendyena nacjoomꞌm.