Filipenses 3:21 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

²¹ Jom nntseichueeⁿꞌeⁿ seiiꞌa na jeeⁿ cje tseixmaⁿnaꞌ na nntseijomnaꞌ joonaꞌ chaꞌna seiiⁿꞌeⁿ na xocwiꞌndaaꞌ na matseixmaaⁿ jnda̱ na wandoꞌxcoom. Nntsꞌaaⁿ na ljoꞌ ncꞌe najndeii na tseixmaaⁿ na nlqueeⁿ xjeⁿ chaꞌtso na niom.

Filipenses 3:21 ပူးပေါင်းရင်းမြစ်များ

Mateo 17:2

Xcwe na cwintyꞌiaana ndoꞌ seichuiiꞌnaꞌ jom jo nda̱a̱na. Sꞌaanaꞌ na jeeⁿ caxuee nnoom chaꞌcwijom nnom ñeꞌquioomꞌ. Ndoꞌ seicwaqueⁿnaꞌ liaⁿꞌaⁿ na canchiiꞌ chaꞌna nntyꞌiaaꞌ tsꞌaⁿ chom lámpara.

Mateo 22:29

Tso Jesús nda̱a̱na: —ꞌO tixcwe cwitjeiꞌyoꞌ cwenta, ee meiiⁿ na cwilaꞌnaⁿꞌyoꞌ ljeii ꞌnaaⁿꞌ Tyꞌo̱o̱tsꞌom na waa sa̱a̱ ticalaꞌno̱ⁿꞌyoꞌ ljoꞌ maꞌmo̱ⁿnaꞌ meiⁿ cantyja ꞌnaaⁿꞌ najndeii na matseixmaaⁿ.

Mateo 28:18

Quia joꞌ seicandyooꞌñê nacañoomyâ. Tsoom nda̱a̱yâ: —Nandye cañoomꞌluee ñequio tsjoomnancue, chaꞌwaa matseixmaⁿya najndo̱,

Romanos 8:29

Tyꞌo̱o̱tsꞌom ntyjeeⁿ cwaaⁿ nnꞌaⁿ nlaꞌxmaⁿ cwentaaⁿꞌaⁿ cwitjo̱o̱cheⁿ na nluiindyena. Ndoꞌ teiyo tqueeⁿ na catseijomnaꞌ joona chaꞌxjeⁿ na Jnaaⁿ Jesucristo cha na juu nluiitquieñe quiiꞌntaaⁿ chaꞌtsondye ntseinaaⁿ.

Colosenses 3:4

Jeꞌ cwitandoꞌyoꞌ jo nnom Tyꞌo̱o̱tsꞌom ncꞌe wandoꞌ Cristo. Quia nleitquiooꞌnê, mati ꞌo nleitquiooꞌndyoꞌ ñꞌeⁿñê ndoꞌ nlajomndyoꞌ na nluiitꞌmaⁿñê.

1 Juan 3:2

ꞌO nnꞌaⁿya na cwilaꞌyuꞌyoꞌ na jeeⁿ wiꞌ tsꞌo̱o̱ⁿya, jeꞌ cwiluiindyo̱ ntseinda Tyꞌo̱o̱tsꞌom. Ndoꞌ meiiⁿ na ticalaꞌno̱o̱ⁿꞌa jeꞌ chiuu mmaaⁿꞌa nnda̱nquia sa̱a̱ cwilaꞌno̱o̱ⁿꞌa quia na nleitquiooꞌñenndaꞌ Jesucristo, nlaxmaaⁿya chaꞌxjeⁿ nqueⁿ, ee nntyꞌiaa nda̱a̱ya jom chaꞌxjeⁿ waaⁿ.

Apocalipsis 1:8

“Ja cwiluiindyo̱ Alfa ñequio Omega. Ja maxjeⁿ mꞌaaⁿya najndyee ndoꞌ na macanda̱.” Luaaꞌ matso nqueⁿ na matsa̱ꞌntjoom chaꞌtso. Nqueⁿ na mꞌaaⁿ ndoꞌ mꞌaaⁿ ndoꞌ maxjeⁿ ñetꞌoom ndoꞌ nncueꞌntyjo̱ na nncwjeeꞌcañoom. Nqueⁿ na cwiluiiñê na chaꞌtso najndeii matseixmaaⁿ.