2 Timoteo 4:4 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

⁴ Tañeꞌcandyena ñꞌoom na mayuuꞌ, cweꞌ ñꞌoom na cwilaꞌjndaaꞌndye cheⁿnquieena joꞌ ñeꞌcandyena.

2 Timoteo 4:4 ပူးပေါင်းရင်းမြစ်များ

Mateo 13:15

Ee naⁿmꞌaⁿꞌ jnda̱ jlaꞌquieꞌ nꞌomna, cha ticoꞌxcwenaꞌ cantyja na cwilaꞌtiuuna. Ndoꞌ tañeꞌquiandyena na nndyena cha tintsꞌaanaꞌ na nlaꞌno̱ⁿꞌna. Ndoꞌ cwilꞌa nquieena chaꞌcwijom ticajndooꞌna cha ticaⁿnaꞌ na nlqueⁿna cwenta. Joona cwilꞌayana nmeiⁿꞌ cha ticalcweꞌ nꞌomna, tincwjiꞌnꞌmaaⁿndyo̱ joona.

Hechos 7:57

Quia joꞌ jndeii tyolaxuaana na jmeiⁿꞌndyena. Jlacuꞌna luaꞌquina ndoꞌ ñejom tyꞌenomna nacjoomꞌm.

2 Tesalonicenses 2:11

Ncꞌe na luaaꞌ, ꞌndii Tyꞌo̱o̱tsꞌom na cweꞌ ñꞌoom cantu nñeꞌquiuꞌnnꞌaⁿnaꞌ joona ndoꞌ nlaꞌyuꞌna ñꞌoom na tiyuuꞌ,

1 Timoteo 1:4

tilqueⁿꞌ cwenta ñꞌoom na cweꞌ cuento laxmaⁿnaꞌ ñequio ñꞌoom cantyja ꞌnaaⁿ weloo nnꞌaⁿ na ñetꞌom teiyo ee ñꞌoommeiⁿꞌ cwilꞌanaꞌ na cweꞌ cwilaꞌñꞌeeⁿꞌ ndyuee nnꞌaⁿ meiⁿ ticateijndeiinaꞌ tsꞌaⁿ na nntseiyuꞌya tsꞌom ñꞌeⁿ Tyꞌo̱o̱tsꞌom.

1 Timoteo 4:7

Tintseiñꞌoomꞌndyuꞌ ñꞌoom na tiyuuꞌnaꞌ na cweꞌ tsꞌiaaⁿꞌndyo na ticjaaweeꞌ tsꞌom Tyꞌo̱o̱tsꞌom. Queⁿya tsꞌomꞌ na matseitꞌmaaⁿꞌndyuꞌ jom.

1 Timoteo 6:20

ꞌU Timoteo, cateixeꞌ ñꞌoom naya ꞌnaaⁿꞌ Tyꞌo̱o̱tsꞌom na jnda̱ toꞌñomꞌ. Tintseiñꞌoomꞌndyuꞌ ñꞌoom na cwilue nnꞌaⁿ na cweꞌ cwilaꞌñꞌeeⁿꞌto ndyuee, na tileicwijndaaꞌ. Meiⁿ tintseiñꞌoomꞌndyuꞌ ñꞌoom na wjaanaꞌ nacjooꞌ ñꞌoom na mayuuꞌ na cwilue nnꞌaⁿ na tjacantyja na yanaꞌ meiiⁿ na tiyuuꞌ juunaꞌ

2 Timoteo 1:15

Chaꞌxjeⁿ na jnda̱ jndiꞌ chaꞌtsondye nnꞌaⁿ ndyuaa Asia jnda̱ ꞌndyena ja. Quiiꞌntaaⁿ joona ñꞌeⁿ Figelo ñequio Hermógenes.

Tito 1:14

Ndoꞌ mati cha tilaꞌñꞌoomꞌndye naⁿꞌñeeⁿ cuento na cweꞌ cwilaꞌjndaaꞌndye cheⁿnquiee nnꞌaⁿ judíos, meiⁿ ñꞌoom na cwiqueⁿ nnꞌaⁿ na ticueeꞌ nꞌom ñꞌoom na mayuuꞌ.

Hebreos 13:25

Quiaa Tyꞌo̱o̱tsꞌom na canda̱a̱ꞌ na ntoꞌñoomꞌyoꞌ naya na matseixmaaⁿ.

2 Pedro 1:16

Quia na tꞌmo̱o̱ⁿyâ nda̱a̱ꞌyoꞌ cantyja ꞌnaaⁿꞌ najndeii na matseixmaⁿ Jesucristo na cwiluiiñê na matsa̱ꞌntjoom jaa, ndoꞌ cantyja ꞌnaaⁿꞌ na nntseixmaaⁿ quia na nndyonnaaⁿꞌaⁿ, nchii cweꞌ cuento ñꞌoomꞌñeeⁿ, ee jndo̱o̱ꞌnda̱a̱yâ na tjacantyja na tꞌmaⁿ seitꞌmaaⁿꞌñe Tyꞌo̱o̱tsꞌom jom.