Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Taitus 3:9 - Bro Nkifrarhu Mrokfot

9 Wom yimam tum rhuhato nkifram toh hawihnamo yuharoh mrokfompno mrokfom nateh natehhato nakfo yiriti nakfo yiriti inji newum, o Mosesrhu boririfhutpno nakfo hamuh nakfo hamuhwom, ni mirahn rim tohhato awany yakitohanm. Yimam ndhtet mrokfom rhuhato wany yakitohneft nhai dborioh dukefm yakhato dborioh yima yuhum yuwa muhkahm. Nhai.

အခန်းကိုကြည့်ပါ။ ကော်ပီ




Taitus 3:9
10 ပူးပေါင်းရင်းမြစ်များ  

Yo na tohhato Bro Nkifrar hayuk mrokfom akfo pthayanm o Bro Nkifrarhu kafrohet kafrohet yima yuhum bi nann aharuhanm o rorhu mrokfo yimbu yuham akfo hik bohikanm o nanhu yima yuhur Bro Nkifrarpar rhuhato rorhu yufat yutahato kminysoft kfo tkrurhato nndo arim toht, rom nd nefm mrokfo duhatem, tmift nanhu tu yiro yima yuhurio nhai wom yima fura bofuram htihato yak marnya bomarnyakahanm, na tu be yima furapaya.


Tahi rmonm rim htahuka nuwa rikathu ya nmbuhat kfo ttiwonmokma. Nd mrokfotn tfit kfo ptharuhanko. Wom Kristen yimam kfo kangm, “Tahi rmonm rim htayuk yeshriroh ye hik yuham nom nhai wom mmokahnomm, nom bi tawisaf bugewunom. Ndm rom hifam. Nd yeshrim rimakhato yak yerahnomm, Bro Nkifrar nhai faso htiruhatrnom.” Hifa kfiwum. To tfit kfiwa, ndhtet dukefet yimaroh mrokfom kfo pthaneft, nhai wom nfri Kristenm dukahato pthakahm. Mrokfom be kfo grhanano kfo pthewumm. Wom Kristenm afo hti dukahato tamoh mrokfom kfo pthanefm, ndm hifa. Tfit womm wanyruhamn dukefm yakruhamn myakitoh trpaknirahmt Bro Nkifrarhu mrokfot.


Mirahn nd bro yimam harhuwa nkifra tndh furam ayaka. Bro Nkifrar tohwa toheft watoh hik hanywontwa.


Yiha yiha Kristenm nd mrokfom wahe juka hanyswanm. Mirahn ahti marsisayanm. Mrokfom he juka hanyetmn duka hanyrahmm. Mrokfom hanyeft kfo mekfot, “Na Bro Nkifrar kukatohwora. Na rorhu nyingampno kfiwanko. Mirahko nd nkifra kfo yirmoh mrokfefenmpnon o nkifra yufa yuhampno nakfo hamuh nakfo hamuhnom. Ndhtet tefi mrokfefenm-pno nakfo hamuh nakfo hamuhnefm womm nhai hifa yima yuhum yakkahm. Womm tfit manysifm kanjo mkkitm.”


Tamoh tamoh mrokfom yimam kfo pthayukm afo wany nhtakfot. Nhai tu Bro Nkifrarhu dukef yuhatn mrokfom kfo ptha hikkahmm, ni mirahn ndhtet yimampno brbo aiya. Rroh mrokfom mwany wofnnirahn to be tfit fasoh nefm fknirahn.


Mirahn fipa duha fipa duha mrokfom atohkahann awany yakitohanm. Ndhtet mrokfom yima dukef duha yimamn hatone htfaswomm. Ndhtet mrokfom yimam toh wanyneft yima yuhum tfit kahm kanjo wakur sinya-hato nakfo wok nakfo wokhato nahuttwom.


Kristenm mirahm nd Judaroh tndh fura bofuram ahiknom, yo Bro Nkifrar mong trohet yimaroh kfo yirmoh mrokfom ahik-nom. Ayafho miftwamm.


Tamoh nmbuhatpno niko tuko Jisasr hiketko rinatuhakhato nakfo hamuh nakfo hamuhhato nakfo nnewako? Tukmoh nd tamoh tamoh wuskaroh yak dukefr sinyewatrko wommpno nnakfo nnewuko.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ