Taitus 3:5 - Bro Nkifrarhu Mrokfot

⁵ to be nd yuhuwafeftpno nom Bro Nkifrarpno tfit yihotetnom rhumonom. Nhai nom nayuk dborioh nefm htihato nd yihotat yak nukakrmort. Nhai. Ndt rot be turhu hti yuhuwaf nmbuhatn nd yihotat fak nukakmort. Nd nom hatoh hasoyuk fasoh fasoh nefm yonm asomif wanurtahato yukwa kanjo, inji fuk marnya bomarnya-mornom. Inji yuk marnyanihato turhu Yafothat yakhato rithu hmbremor-nom. Nd Yafothat yiro yimanomn riyorhwatn nfri yima rifhur mfnah-newur.

Taitus 3:5 ပူးပေါင်းရင်းမြစ်များ

Matyu 3:11

Na bupaye baftaisimwohat niko hatohyuk fasoh fasoh nefm bi mfafhonimokomm, ndnetann baftaisimwanko. Nanhu mongko nia hnewa yimarn, tu bro bbukeft hatohwor. Na nhai ror kanjo bbukeft hatohkaha. Na nhai rorhu senderm yakitohak hekfot. Rorn tu Bro Nkifrarhu Yafothati kahtpno baftaisimrahrko.

Lukr dwandfamo gutnius mrokfot 1:50

Arihat tohwa yimami kto tohruha yimam be rorparhu duka yanhowefrpar tohhato rorhu yinhit tohruhamn, rorhu yuhuwafneft be romn rhuraht.

Lukr dwandfamo gutnius mrokfot 1:54

To be ndnettn nd kfo tahi mrokfot bi ruhettn niamor. Niahato turhu hingrna yimam, kutewumm Isrerm, yuhuwafmorm.

Lukr dwandfamo gutnius mrokfot 1:72

Bingot tohmo nmoh nkifram ror yuhuwafmormn, fakmorm. Bingot ror kfo tahimo mrokfot yuhre duka hanitrt.

Lukr dwandfamo gutnius mrokfot 1:78

Tunmoh Nkifrarhu yuhuwaf nmbuhatn bro nukafat hirahrnom.

Rom thofroh gontwat Porr dwandfakhato htafmot 11:14

Isrerm Bro Nkifrar mong trohmo nmbuhat htihato nanhu dukeft duka kanga, nikompno Bro Nkifrarhu mrokfot akfo ptha nuhaskahta nikmoh womm wany yakiohato Bro Nkifrar rithu nhirakruhatrm tfit wom Isrerm inji htihato rroh yima yuhum sinyarahmm Kraisrhu hikneft. Hikruhatm Bro Nkifrar inji htihato tfit rithu nhirakrahrm.

Rom thofroh gontwat Porr dwandfakhato htafmot 11:6

Turhu yuhuwaf nmbuhatn kfo hbha htamorm. To mirahko ka rom hingrnayuk hingrneft htihato kfo hbha htarmorm o rom nayuk tamoh nefm htihato kfo hbha htarmorm. Nhai. Turhu hti duka fijo hti yuhuwafhato fakmorm.

Rom thofroh gontwat Porr dwandfakhato htafmot 12:2

Mirahko Bro Nkifrar yakitoh duha yimaroh toheft atoh hiknom. Nhai. Nikmoh yima yuhum Bro Nkifrarn yak kekut bugahato tfit nfri yima yuhum yakkfot. Inji narahko, Bro Nkifrarhu dukeft, niko rpa rpa yimokompno rhuyukt, hti hikrahkomt. Yo fitoh fitoh dborioh nefm nahato Bro Nkifrarhu yima yuhur yindhorruhar, nd ndm hti hik bugarahkomm.

Rom thofroh gontwat Porr dwandfakhato htafmot 3:20

Ndnettn nhai boririfhu mrokforoh hikneftn Bro Nkifrar yukatohhato yima yuhum yak wuskahrnom. Nhai. Nom niwa nefm nd boririfhutn yak nuhas kangtnom ndt fasoh nefet.

Rom thofroh gontwat Porr dwandfakhato htafmot 4:5

To yimar kangr Bro Nkifrar ahti wuthara, ka boririfhut yakitohhato dborioh dborioh nefm naruharn o hingrnefm hingrnaruharn hti wutharahrr? Nhai. Yimar Bro Nkifrar yakitoh kihhato rorhu yima dukefr riduka kangrr, “Fasoh fasoh net yimam Bro Nkifrar yuhuwafhato yak marnya bomarnyewatrm yima yuhum wutham korhmm.” Inji dukarahr, Bro Nkifrar yak wutharuhatrr yima yuhur wuthar rhurahrr.

Rom thofroh gontwat Porr dwandfakhato htafmot 9:11

Nd Aisakrhu yon husf tafi nur duhatfn yo tafi wom nefm na duhatfn Bro Nkifrar Rebekat kfo memort, “Najemr, tfit nmemrhu yinhitn tohrahr.” Rebekat hiyaumo yonf womrpar Bro Nkifrar htihato fakmor. Yakmohat Bro Nkifrarhu rfa borngtn Bro Nkifrar kfo memor, “Jekofrpar hti wofnhato fakmoya. Isor nhai.” Bro Nkifrar yima yakneft nhai yimam niwa nefm htihato yakkahrm. Nhai. Be turhu hti fijo kekworm.

Rom thofroh gontwat Porr dwandfakhato htafmot 9:16

To be ndnettn Bro Nkifrar nhai be yimam dukiwa dukef yuhatn o niwa nefm htihato hikkahr. Nhai. Be yuhuwafhato kekworm.

Rom thofroh gontwat Porr dwandfakhato htafmot 9:30

To finji tfit kforuhanom? Yima tangim nhai wom dukefm duka marimoam, “Wom yihotam ahikkah-nomn Bro Nkifrar yak wus bowus-rahrnom.” Nhai. Be inji rhu furamoum. To gutnius mrokfot wanymohat nd yuhatn hikmom. Nd yuhat hikhato rroh yima yuhum Bro Nkifrar fak wus bowusmourm.

1 Korin 6:11

Nikmoh womm nd tkitt afo tohmoum. To hifa bi Bro Nkifrarn fak wus bowusmorko. Yak wushato bi turhu yufatpno fak nmbtekmorko. Bi yima yuhum bi wuthamn bi dborioh met yindariyeko. Jisasrhu yufati yo Bro Nkifrarhu Yafothathu bbukeftpno bi dborioh tuhan yindariko korhko.

Galesia 2:16

To nom nhai duka mekahnom, Mosesr htanihemo boririfhutn yimam hikwamn Bro Nkifrar kak wus bowus-worm. Nhai. Nom nhai inji dukakah-nom. Nmoh dukeft duka kangnom, yimam tu Jisas Kraisr yakitohhato hikwam, tom nd yimamn Bro Nkifrar kak wus bowusworm. Ndnettn nom to inji buga. Nom Krais Jisasr yakitoh-watnom Bro Nkifrar kak wus bowus-wornom. Nhai nd boririfhuthu hikneftn. Bro Nkifrar bi kfo memor, “Yimar nhai boririfhu hikneftn yak wus bowusrhotanr. Nhai.”

Efesus 2:4

To hifa Bro Nkifrarhu hti dukefti yuhuwafeft tu brot rhumot.

Efesus 4:23

Tfit nfri yima yuhur yakkfot.

Efesus 5:26

Ror inji namohat Bro Nkifrarhu yufatpno yimaroh yak htaneftn inji namor. Rom rorhu mrokfot yakhato hikmo yuhatn yo baftais yakmo yuhatn Kraisr fak wus bowus marnyamormn yima yuhum wutham rhumomm.

Kolosi 3:10

Bi Bro Nkifrarn nd dmbt rhumot bi frwus bowusmortn yima rifhum bi wutha-yemko. Yiha yiha nfri nfri dukefm hi hanitrko. Nfri dukefm yahukatrko nikmoh yima rifhur turhur kanjo korhr.

2 Timoti 1:9

Bro Nkifrar buha mitoh rafohato nom tfit yakhato rorhu yufatn tfit fak htamornom. Bro Nkifrar nom tfit yakhato rorhu yufatn tfit yak htamohat, to mirahko ka nom nayuk dborioh nmbuham htihato inji namor. Nhai. Ror be turhu hti yuhuwaf nmbuhatn inji yakmornom tfit turpno rim fak htamornom. Ndar bbinysoft tafi trha duha nd nmoh yakyuk yihotat bi Krais Jisasrpno fak dbkafmort. Memor rorn yihotat yak nukakhirahrm.

Taitus 3:4

Nom nrfa hbhakyuk yimar kfo tkrurafmo Bro Nkifrar, nmoh fasoh fasoh nefm hti hasohato nd yuhuwafeft tfit niamotr. Nd yuhuwafeft niamottr,

Hibru 10:22

Bi Jisasrn nohhato nd nom hta rafomoa nefm bi rorhu kkutn frwus bowus thumotm. Frwus bowus thumottm bi mong troh bugamonomm. Mong trohhato baftaismonom. Ndnettn nom Bro Nkifrarpno yinyeft be rorrparn duka duka yikfot. Nom Bro Nkifrarpno yinyeft duka kinyaki hany juha. Bro Nkifrarpno brbo ainyom.

Hibru 4:16

Ndnettn nom to inji buga, yakrme duha Bro Nkifrarpno brbo yikfot. Ror yima yuhuwafeter. Nom rorpno brbo yinyeft be hti yuhuwafrahrnom. Tamoh krho nmbuham yakneft rorpno yakrmeni-hato be nd rorhu yuhuwafeftn thu kasirahtnom.

1 Pita 1:3

Akfo yindhor boyindhornomr Bro Nkifrar, nmoh Nungothet Jisas Kraisrhu Yifemr. Bro Nkifrar nom yuhuwafhato Jisasr bi nohhato yopt ruhetr tfit kasinyamorr. Jisasr yima nfrir tfit tohhato nfri dborioh rhu nmbuhat he hanitrnom. He hanyhato nom htitwa-nomn nmoh yima yuhum sinyewum Bro Nkifrarparhu yakitohhato hikneft.

1 Pita 2:10

Niko nhai bi Bro Nkifrarhu kmiko rhurmoko, arihat bi Bro Nkifrarhu kmiyeko. Niko afo nhai hti yuhuwafhato yak marnya hna-rmorko, arihat bi kak marnyahne-wurko.

1 Pita 3:21

Nd tekt be kfo nhombra mrokfoyet. Bro Nkifrar ndar yiha hingrnewa hingr-nefthu kfo nhombra mrokfoyet. Ariha yimam baftais yekwohat, nd yiha Bro Nkifrar yekwarm rorpno rim tohwom. Baftais yekwohat nhai yima kifthu yukthuneftn yukkahm. Nhai. Yimam Jisasr Kraisr hikhato rorhu dborioh nefm hiketm, baftais neftpno wom womm kak nuhaswotm ror Jisas Kraisr hikwa yuhat. Ndt nhai be sfno nd hingrneft rhukaht nhai. Nd baftais hingrneft mnetet. Jisas Kraisr nohhato yopt tohmohat Bro Nkifrarn kasinya-morr. Ndnettn yimam Kraisr frtkaf-hato baftais yekwohat Bro Nkifrar kasinyewarm rorpno rim tohwom. Jisasr nohmohat Bro Nkifrar kasinyak-nimorr hefenr hamuhmorr. Hefenr hamuhhato bro yufat hemorr. Bro yufat hemotrr nd yufet mounmotm, bbuket mounmotm rorhu yinhirpat tohwom.