Taitus 3:1 - Bro Nkifrarhu Mrokfot

^1-2 Wakfotwanm Krit tohwa Kristenm. Bro tohak gafman yimam, gafman hingrnefm yakitohwam, Krit tohyuk Kristenm nd gafman yimaroh yinhimn tohhato rom kfoyuk mrokfom wany yakiohato hikkfot. Yo womt wakfotwanm. Kristenm mirahm womm faso faso akfo rindho borindho-nomm. Yo mirahm wommpno nakfo hutt nakfo nna inji ananom. Nyinga-tikm yifatoh marnyahato wommpno ptha wifor bowiforhato dborioh dborioh nefm nakfot.

Taitus 3:1 ပူးပေါင်းရင်းမြစ်များ

Matyu 22:21

Kfo memomr, “Sisarhu nyingatikt korhwott.” Tfit kfo memorm, “Sisarhu nyingatikt korhwott to be tfit Sisarn hekfot. Bro Nkifrarhum nhaf inji. Tu Bro Nkifrarn hekfot.”

1 Korin 15:58

Ndnettn bar yinouroko, niko toh bmtakfot. Mirahko tamoh tamoh nefenm awohsisnom. Wadukako, nd niko Brorhu hingrneft hingrnewat nhai yi furaruhatt. Ndnettn yiha yiha Brorhu hingrneft hingrnakfot.

Efesus 2:10

Jisas Kraisr nohmotr to be nd yuhatn Bro Nkifrar htihato nmoh yima yuhum yak marnya bomarnyamormn memor, “Na dukewa dborioh dukef yuhatn tfit toh hikrahm.”

Filipai 1:11

Nd Jisas Kraisr yak nuhasyuk dborioh nefrpam womm yak nuhasruhatkomm womm nikmoh dborioh nefm htiruhamn Bro Nkifrar kfo yindhorrahmr.

Kolosi 1:10

Be nd dborioh dukefr broruhatrko Bro Nungothetrhu dukef yuhatn hikruhatko hti yindhor-rahrko. Niko hingrnayuk hingrnafam nhai finji naruhatm. Be yi marnyarahm. Nikmoh toh nmbuham be dborioh nefrpam narahko. Nd yuhamn Bro Nkifrar hti duka tungunarahkomr.

1 Timoti 2:2

Ndm inji kfo bruttnanihato tfit gafmanm, kingm kfo bruttnakfot. Bro Nkifrarpno kfo bruttnayetmn nom rhu mmohato Bro Nkifrar hti yindhorwa nefrpam yakitohhato hikrahnom.

1 Timoti 4:6

Ndar mrokfom yaknihato wom Kristenm kfo nuhas bonuhasrahnm, to be Kraisrhu dborioh hingrna yima tohrahn. Yo nd ni hikwa gutnius mrokfoti sios yahuka kfo yirmoh mrokfomn tpim habokknarahmn.

1 Timoti 5:10

yo nd mett dborioh yufetet, tuthu yonm hifa hifa fakitoh marnya hnamotm, yo wom kmim fak marnya hnamotm, yo Kristenroh bdr wuram fuk kifsa hnamotm, yo krhopet yimam krhopam titanho hnamotm, yo wom dborioh dborioh nefm na hnamotm, tot ndhtet metthu yufatn nd gonborngt htakfot.

2 Timoti 1:6

Bro Nkifrar inji yakitoh-hato hikwatnr na wom mrokfot kfiwann. Nd na tir htamo yiha Bro Nkifrar hemo mrokfo rifhur ayuwa muhtwar, mirahr nd mrokfo rifhur amitoh witanir.

2 Timoti 2:14

Yiha yiha Kristenm nd mrokfom wahe juka hanyswanm. Mirahn ahti marsisayanm. Mrokfom he juka hanyetmn duka hanyrahmm. Mrokfom hanyeft kfo mekfot, “Na Bro Nkifrar kukatohwora. Na rorhu nyingampno kfiwanko. Mirahko nd nkifra kfo yirmoh mrokfefenmpnon o nkifra yufa yuhampno nakfo hamuh nakfo hamuhnom. Ndhtet tefi mrokfefenm-pno nakfo hamuh nakfo hamuhnefm womm nhai hifa yima yuhum yakkahm. Womm tfit manysifm kanjo mkkitm.”

2 Timoti 2:21

Bro Nkifrar Kristenm yak nhtiwa yuhat to inji kitt. Fitoh yimam, fasoh nefm mong trohhato Bro Nkifrar hikwam, nd yimam afo kak htefiwurm. Turhu yufat rhuhato turhu hingrnefroh hingrna hayukem.

Taitus 1:16

Ndhtet yimam tngrpam kfiwum Bro Nkifrarhu hikneft. To tfit rom niwa fasoh fasoh nefm Bro Nkifrar hik duha yimaroh nefm newum. Ndt tu be fasoh neft newum. Rom inji newohat Bro Nkifrar nhai hti yindhorkahrm. Ndm tu be mfro hanyjbornayet yimayem. Ndnettn ndhtet yimam nhai wom dborioh nefm nakahm.

Taitus 2:14

Bi Kraisrn nmoh fasoh fasoh nefm suh nanyor-morm. Bi rorn suh nanyormotr yima yuhum wuthanimom. Be bi tu Bro Nkifrarhu yon bugayenom. To be ariham be dborioh nefrpam nakfot.

Taitus 3:14

Nmoh Kristenm Krit tohyukm, Kristenroh nefm womm yak nuhas-kfot. Rom yimaroh htihato wuska hanyeft, rom nd nefm bi riyakitohak-kfot. Nd yima he wiforneft bi yakitohetmn, tfit nd wuska duha yimam htineft nhai hti marsisaruhatmm. Wuskam tamohm be yakhato he fura bofurarahmm.

Taitus 3:8

Nda mrokfom, kfo mifwanm. Nd mrokfomn na kanga wakfo ptha brotwanm. Wakfo ptha brokahtnm, Bro Nkifrar yakitohet yimam wanyruhamn dborioh dborioh nefm hikhato rroh ruheft rhu marnya-rahm.

Hibru 13:21

Kfo bruttnewa kanga, “Bro Nkifraye, wathu bmtakahtnm be ni Bro Nkifranhu yima yuhurpar hikrahm. Yo rroh toh nmbuham be ni Bro Nkifranhu dborioh nefrpam hikrahm.” Inji kfo bruttnewanko. Jisasrn yima yuhum yak hta bohtaruhatrko, wiyauyau marnyarahko. Wiyauyau marnya-ruhatko Bro Nkifrar hti yindhorrahrko. Yiha yiha rorrpar nom kfo yuta yindhorkfot. Be injirpa.

2 Pita 1:12

Jisas Kraisrhu mrokfot rot hifa wany yindhorhato bi myakitoh bmtak-nitkomt. To na kanga tfit wompam wompam akfo duka hanykahtanko yima yuhum duka hanyrahmm na kfoyuk mrokfom.

Jutr dwandfamo gontwat 1:5

Bi hti wany hnayeteko hanyjbornet yimam, mfro tuhagrhet yimam Bro Nkifrar yak tutfa hnamom o yahr kmimpno yak hatohafohato was batimoahat. Ndm bi wany hnayeteko. Be kanga wom nefm Bro Nkifrar namom kfo srhrhota wanyhato yima yuhum dukarahmko. Ka wanyeteko Isrerroh tndht rom Ijift tohhato Bro Nkifrar minrfa htiyakmohat. Barkofpam afo Bro Nkifrarhu bbuka rifhurpno Isrerm tanrfakmorm Ijifroh tirmn bi ruhetm. Tanrfaknehato hna marnyamorm. Tfit buhanano Isrerm mhta yuhuwehhato Bro Nkifrar frtrohmotmr, Bro Nkifrar namburhato buha bati witamom Isrerm.