Taitus 1:4 - Bro Nkifrarhu Mrokfot

⁴ Taituse, Bro Nkifrarhu mrokfot no hikwa yuhatn ni nanhu yone. Bro Nkifrar, nmoh Yifemr, yo Jisas Kraisr, nom nrfa hbhakmo yimar, rofn ninhu rhu nmbuhat ayak marnyahikahtfn ninhu yima yuhur mirhurahrn.

Taitus 1:4 ပူးပေါင်းရင်းမြစ်များ

Lukr dwandfamo gutnius mrokfot 2:11

Wawanyko, hrekn nikmoh hbhakyuk yonr wom mett hiyausr Defitrhu kmitn. Ndr Bro Kraiser.

Jonr dwandfamo gutnius mrokfot 4:42

Nd Jisasrhu mrokfom wany yakiohato hikmo yimam yihato nd mett mkfo memomt, “Ni mirahn ka nd ni kfoyuk mrokfo-rpatpno riwanyakhato ka nmoh bro dukefm rorn htewunom. Nhai. Nom tunmoh nyingaye yo yimbhindange hifa wanukwanomn ndnatn kangnom ror tu ndar bbinysofthu met yindari-roh nrfa htiyakyuk yimayer.”

Rom thofroh gontwat Porr dwandfakhato htafmot 1:12

Nanhu dukeft kanga na Bro Nkifrar yak hikwa yuhat niko htiruhakomn yima yuhum yakrahko. Yo na nhaf inji, niko Bro Nkifrar hikwa yuhat htirhoyann yima yuhur yakruha.

Rom thofroh gontwat Porr dwandfakhato htafmot 1:7

Bro Nkifrar be tu mfro dukewurko. Niko, Rom thofko, be bi rorhu yufatn korhko. Bro Yifemri Nungothet Jisas Kraisr, nikmoh yima yuhum ayak marnya bomarnyakahtfko yima yuhum mirhurahmko.

2 Korin 12:18

Taitusr nann kfo kasinyafmoyanr nikompno yinyeft, yo tor wom Kristen bratar rpat niamof. Ka Taitusrn wom yak brurfam yak nfhotinehato hna-morm? Nd no wiyauyauwa dukefr ka nhai tuno rpa yima yuhur rhuhato Bro Nkifrarparhu bbukeftpno wiyau-yaukahnono nhai? Niko waduka hik marnyakahkomn mrokfom wakfo pthakomm.

2 Korin 2:13

To na Troas yimohat, nhai nanhu yinouwem Taitusr htirmoyanr. Ndtpno yima yuhur nhai marnyarmora. Be tfit Troas htanyhato tfit Masedonia profinsko fak hambro hanymoyanr.

2 Korin 4:13

Bro Nkifrarhu rfa borngthu mrokfot kfo kangt, “Na bi Bro Nkifrarhu mrokfom wany yakiohato hikmoyann mrokfom kfo pthamoyanm.” Nom to inji. Nom Jisasrhu gutnius mrokfom wany yakiohato hikwanomn gutnius mrokfom kfo pthewunomm.

2 Korin 7:6

Tu hifa Bro Nkifrar kak marnya bomarnyewurm krhopampno rhu haset yimam. Ndnettn nd nmoh krho yima yuhum rhu hasoyukm, hifa Bro Nkifrar kasinyamotrr Taitusr, rorn niahato ror hnayuk mrokfom nom wanyhato be nmoh yima yuhum mirhumom.

2 Korin 8:16

Taitusr nikompno yi hanyuk yima yuhur sinyewatrr na Bro Nkifrar kfo yindhorwanr. Taitusr nmoh dukefr hikwor. Bro Nkifrar yima yuhur hemotrr ror yibonwor nikompno bi yi hanyhato maruha yak nhafoh mrokfot bi kfo hanyhato maruhat bi yak nhafohta hanykfot.

2 Korin 8:23

Taitusr nanhu toh tamnou yimayer yo na nikompno hingrnewa hingrneft hingrnanuhiwa yimayer. Yo ndwom Kristen brataf rof Kraisr mdukakhato rofhu tohefm toh marnyewuf. Asharhof siosroh yufatn rof nierahf.

2 Korin 8:6

Nd Judia Kristenroh yuhuwafhato he marufathu hanyeft, Taitusrn nikompno tohhato nd dukefr mhfnah-namorr. To be ndnettn tfit mfro kfomonomr tfit nikompno yihato nd marufathu yak nohhato Judia Kristenm hanyheneft.

Galesia 2:3

Na sios hingrneft tohwa yimampno rhu rifinyhato nom napthamohat nmoh mrokfefm wany rikohyuk yimam yuwi yimomn mkfo nheh memomnom, “Nom Jisasr hiket yimayenom. Kangnom, rhuhato niko pthayuk mrokfefm wany yakitohrahnomko.” Yuwi inji mkfo nhehmomnom. Rroh dukeft memom, “Rhuhato wany yakitohrahnomm. Judaroh boririfhut finji kforuhamt? Yak yiritiyafrahmt o yakitohrahmt?” Na nd riny swirt mrokfo kfo pthamohat nhai marimoya nd nkifra boririfhuthu nmbuhat ptha srhrahnomt, nhai. Rifak htafmoyant. Gutnius mrokfothu mrokforpat rhu napthamonom. Ndnatn nd yimam wanysihato kfo memom, “Wakfotwanm, ‘Judaroh nkifra tha puknefti boririfhut mirahn ayafho thunomt.’ Yafho thurahmt Bro Nkifrar nhai yindhorruhatrm.” Rom yihato inji kfo pthamohat Jerusalemthu sios hingrneft tohwa yimam nhai rom pthamo mrokfot hikhato kfo mari-moma, “Nd ninpno niayuk yima Taitusr nndo Grik thofer, tha wapuk-twanr.” Nhai inji kformoma.

Galesia 3:26

Niko bi Krais Jisasrhu mrokfom hikhato rorpno frtkafwatko to be bi Bro Nkifrarhu yon bugayeko korhko.

Galesia 3:28

Nom bi Kraisrpno tohyuknom Bro Nkifrar nhai yak nhtahato kfo mikahr, “Wurr Judayer wurr Griker, o wurr slefer o wurr nhai, o wurr yindariyer wurt metet.” Nhai inji kfo nhtakahrnom. Bi Kraisrpno rim tohni bugewanomn bi kangme rpa yimayer.

Efesus 1:2

Bro Yifemri nmoh Nungothet Jisas Kraisr ayak marnya bomarnyakahtfko nikmoh yima yuhum mirhurahmko.

1 Timoti 1:12

Nmoh Nungothet Krais Jisasr hingrna bbukefr hemotra kfo yindhor-wanr. Nd tur hemo hingrna bbukefr htihato dukamor nann nd rorhu hingrnefthu hingrnaneft. Ndnatpno na kfo yindhorwanr.

2 Timoti 1:1

Na Pora, na Krais Jisasrhu aposer hingrneft yakitohwa yimaya. Tu Bro Nkifrarhu dukef yuhatn nd aposer hingrneft tohwoyantn Kraisrpno frtkafet yimam yekwa rhu nmbuhat tu Bro Nkifrar kfo htamot, nann kfo nuhas htfaswanm.

2 Timoti 1:2

Timoti, ni tu nanhu yon mifnn ndar gontwat wandfiwann. Bro Nkifrar, nmoh Yifemr yo Krais Jisasr, nmoh Nungothetr, ayuhuwaftwarn yo ninhu rhu nmbuhat ayak marnya bomarnya-kahtrt yima yuhur mirhurahrn.

2 Timoti 4:10

Demasr bi frtrohmora. Ndar bbinysofthu dukefr yakmotrr taun Tesalonaikako bi yimor. Kresensr, ror bi Galesia profinsko bi yimor. Taitusr, ror nhaf Dalmesia distrikko bi yimor.

Taitus 1:3

Nd mrokfot rhumoat, kto tur duka htayuk yiharn nd mrokfot mfrpskenamot. Wom yimam kasinya-motrm romn nd mrokfot kfo ptha ntremotmt kmi kmi wanymomt. Bro Nkifrar, nom nrfa hbhakyuk yimar kfo tkrurafmor, rorn na yakhato rorhu mrofkot nanhu tirtn htamort. Nann kfo ptha htfaswant.

Taitus 2:13

Nmoh rhu nmbuham inji yak hta bohta marnya htatahato rhu yukatoh hasorahnom, Jisas Kraisr tafont bro nuka nanyjareftpno yura moun yuhat hatoh hawihna thombat. Jisas Kraisr nom toh hbha rafomo bro hta nngrajohet Nkifrayer.

2 Pita 1:1

Na Saimon Pitaya. Na Bro Nkifrarhu hingrneft hingrnewa yimaya. Nann Jisas Kraisr aposer hingrneft fak htamor. Nann ndar gontwat niko Jisas Kraisr hikwa yima-kmoh yufampno htefiwant. Jisas Kraisr nmoh Bro Nkifrar tohwor. Tohhato nrfa htiyakmornom. Nikomi nom Aposernom nmoh rhu nmbuhat Bro Nkifrar htitwort rpahtet ruheft korhnom. Nom Jisasr hikwa yihotat, ndtn kukatohwor. Nhai nom yakitohwa yufamn o maru kunymn o tamoh tamohmn htikahr. Nhai. Nom Jisasr hikwa yuhatn htitr. Nikomi nom Aposernom Jisasr hikwa yuhat hifa rpat niyak tkaf hanitf. Nhai nom Aposernom mfrfnahnihato niko yiho tohkahko. Nhai.

2 Pita 1:11

Inji nahato nom nrfa htiyakmo bro yima Jisas Kraisr hti yindhorruharnom yakmi-yakrahrnom ror king tohruha kmi hefenr.

2 Pita 2:20

Wawanyko! Yimam bi nmoh nrfa htiyakyuk yima Jisas Kraisrpno niahato ndar bbiny-softhu fasoh fasoh nefm bi yafho thunihato tfit mkekuthato tfit tum yakitohyuk nefm bi tfit fekmmn bi nd nefm bi tfit kak htewumm, be tu fasoh yima mifm tohrahm.

2 Pita 3:18

Jisas Kraisr nmoh Broyer. Nom rorn nrfa htiyakhato rhu nmbuhat yak marnyamo yimayer. Rorpno frtkafrahko be toh bmtahato Bro Nkifrarhu dborioh nefm hikrahko. Nanhu dukeft duka kanga be rorhu yufarpat abronikahtn tuhant yindars be rorhu yufarpatn ariyuta hagrhak-kahmn yihof href be rorhu yufarpat yutahany yutahanye, to be inji.

2 Pita 3:2

Bro Nkifrarhu profetm bingot pthayuk mrokfom yakitohhato yo aposerm kfo ptha nuhasyuk boririfhum dukak hanyhato yakitoh hanykfot. Nd boririfhum nmoh nrfa htiyakyuk Nungothetr hemorm.

1 Jon 5:14

Bro Nkifrarhu dukefrn toh hikhato tamohm kfo bruttnarah-nomr, wanukrnom. Ndnetnomn nhai mduka kinyakiyak hanykahnom rorhu kfo ttiwonneft.

Jutr dwandfamo gontwat 1:3

Nanhu Kristen yimatko, barkofpam afo duka memoya, “Gontwat wandfa thombat, Jisasr yimam nrfa htiyakmo yuhathu kfo nuhas mrokfom wandfa nuhasruhanm.” To nhai, ndt rhuraht. Tfit wom mrokfot kfo nuhasruhanko. Nd mrokfot wawanykomt. Bro Nkifrar gutnius mrokfot nom Kristen yimanompno htafmotrt nom yakhato nom ndt bi hikwonom. Ndnatn na kfiwa, nd gutnius mrokfot wayakitoh kihtwakomt. Mirahko wom yimar ahti marsisakahtnomr nd gutnius mrokfot ayoh mrk wunart.