Rom thofroh gontwat Porr dwandfakhato htafmot 3:2 - Bro Nkifrarhu Mrokfot

² Nhai. Judam yufayetem. Bro Nkifrar barkof htayuk boririfhut rroh tirtn htamort. Rroh tirtn rhuhato romn kakitohahukwomr.

Rom thofroh gontwat Porr dwandfakhato htafmot 3:2 ပူးပေါင်းရင်းမြစ်များ

Jonr dwandfamo gutnius mrokfot 5:39

Nikmoh dukeft duka kangko, ‘Bro Nkifrarhu mrokfomn tu toh nkifraniyuk dborioh rhu nmbuhat yak htarahmnom.’ Ndnettn nd mrokfom htitakomn kak nhta bonhtewukomm. To nd mrokfom to nann kfo hik bohikwom.

Aposer 7:38

Nmoh nkifram yima toh duha tkitt yi tohmohat to nd yima Mosesrn tohnhomorm. Rorn Sainait muhhato rhu nkifraniyuk mrokfot mounmotr hemotrr hemornom.

Rom thofroh gontwat Porr dwandfakhato htafmot 1:2

Bi bingot nkiframpno tohmo profetmpno Bro Nkifrar kfo nuhas memorm, “Kto kmi kmim nanhu gutnius wany bugarahmt.” Nkifram inji wanyhato nd Bro Nkifrar kfo nuhas mrokfom gonborngtn htatamomm.

Rom thofroh gontwat Porr dwandfakhato htafmot 2:18

Rorhu kminomn boririfhut yak hta bohtiwattnom Bro Nkifrarhu dukefr hti hikwanomn nd yuhat hikwonom.”

Rom thofroh gontwat Porr dwandfakhato htafmot 3:1

Bro Nkifrar nd tha pukneft ahti duha yirt, Judam ka be yufapa duhatm rhurfomn nd rroh tha pukneft nhai wom fipa duhatt rhurfott?

Rom thofroh gontwat Porr dwandfakhato htafmot 3:3

Wom Judam nd Bro Nkifrar htayuk boririfhut hik duha rhuneft, Bro Nkifrar ka nhai wom hikruhatr nd Judampno bi kfo htayuk mrokfom?

Rom thofroh gontwat Porr dwandfakhato htafmot 9:4

Rom tu Isrer frikeftuhem. Nd Isrer frikeft Bro Nkifrar kfo memor, “Isrerm tom tu nkifra tannefenm.” Romn Ijift toh tanyhato tfit kmiko yimohat, turhu nukafat tohakmoatt rom be nd nukafat hti hti yimoum. Yo turoh nkiframpno Bro Nkifrar mrokfom nafak dbakafmomm. Yo Mosesrpno Isrerroh toh nmbuham kfo boririfhu nuhashato lotu yuham kfo hta bohta nuhasmorm. Yo tamoh tamoh kfo hta mrokfom rompno rhuyukm ndm bi kfo nuhas bonuhas bugamorm.

1 Korin 9:17

Na gutnius mrokfothu kfo ptha htfasneft be tukanhu duka fijo nd hingrneft ahingrna furayant, ee btn marufa yakrfoyant. Ndar hingrneft tu Bro Nungothetrn hemotra hingrnewant.

2 Korin 5:19

Nom kfo pthiwa mrokfote inji: Kraisr nohhato sinyamotr be Bro Nkifrar inji htihato be nd yiha yimam yakitoh hawihnamo fasoh fasoh nefm rimong trohakhato rifak marnyak-morm. Nomn nd kfo nuhas mrokfothu kfo duka htfasyuknom htamornom.

Galesia 2:7

Kfo memoyanm, “Bro Nkifrarn Pitar mrokfo rifhur hemotrr aposer hingrneft Judampno hingrna habrimort. Nd Pitar mrokfo ptha rifhur hemo kanjo, na inji mrokfo ptha rifhur hemotra aposer hingrneft yima tangimpno hingrna habrimoyant.” Na inji kfomota nd bro yimam kfo memom, “Pitarn Bro Nkifrar fak htamor Judampno tohhato gutniuskfothu kfo ptha htfasneft. Porrne yima tangim-pno.”

1 Timoti 6:20

Timoti, nd hingrneft Bro Nkifrar ninhu tirt htamot, yonm kanjo waya-kitoh marnyatwant. Tamoh tamoh mrokfom nhai tu Bro Nkifrarhu dukef yuhatn yimam kfo pthakahmm, ni mirahn nd yimampno brbo aiya. Rroh mrokfom be yuwi Bro Nkifrarhu gutniuskfotn kangm, ayoh mrk wuna bowunanom. Rom duka kangm, ka rroh mrokfom tu yafothet mrokfom kfo pthewum, to nhai. Nndo yafotha duha mrokfom kfo ptha furewum.

Hibru 5:12

Niko nhai be ar nohof Bro Nkifrarhu mrokfot riwanyakhato rihikakrmokomt. Nhai. Niko bi bingot riwanyakhato rihika-kmokomt. Nikomn arihat wom yimam tfit kfo nuhas hi hanyrfokomm. To nhai, niko tfit muhra kmim kanjo wom yimamn niahato frhik bohik nuhaswomko Jisasrhu barkof rihikak-hato hik hanyneft. Yonenm kanjo yuhre mmemthu mingapam kawuko. Tafi tat yeshrim yekahko.

1 Pita 4:11

Bro Nkifrarhu mrokforoh kfo ptha htfasyuk hingrneft fahurn, to be nd hingrneft yakitohkfot. Bro Nkifrar kfo famur, “Ndar yimann wom yimam tamoh tamohm yibonwom o finji newum ninn yihato wanyhekfot o htihekfot.” Ni frohn nd hingrneft fahurn, tu Bro Nkifrar hayuk dukefmpno nd hingrneft hingrnakfot. Inji hingrna hik marnya-rahko, riruh aruhyuk yimam htihato Bro Nkifrarhu yufat yura yura yuta yindhorrahmt. Yura yura yutaruhatmt be rorhu yufatn broniruhatn be rorrpar tamoh tamohm nyingako tohruharn be tohhany, tohhany, tohhany, be inji toh nkifranirahr. Be inji rpa.

Revelesen 19:10

Na inji wanyhato memoya rorhu wurampno amsuhkahann alotuyanr, tfit fak thfa memora, “Nann lotu duha. Bro Nkifrarpar lotukfot! Na to nini ninpno hingrnanuhiwa yimampno hingrnanuhiwa hingrnanho yimaya. Niko Jisasrhu gutnius mrokfom kfo pthahato hikwako, na to nikompno rpat hingrnanuhiwa hingrnanho yimaya. Nom to bi htihato wanyetenom, profetm Jisasrhu gutnius mrokfot pthayuk yafothar muhwatrm profet mrokfom kfo pthewumm.”

Revelesen 22:6

Nd mounmotr kfo memora, “Nda mrokfot tu kfo mifkfoyet. Yimam nda mrokfot wany yakiokfot. Bro Nun-gothetr, profetroh yima yuhum thu kasinyewa Bro Nkifrar, rorn moun-motr kfo tkrurafmorr. Mounmotr niahato Bro Nkifrarhu hingrna yimam kfo nuhas bonuhasmorm bi nd brbo rhuhnewa nefm.”