Rom thofroh gontwat Porr dwandfakhato htafmot 2:3 - Bro Nkifrarhu Mrokfot

³ Ndnettn niko duka hik marnyahato womm kfo pthakfot. Ni mirahn ka womrpam mrokfetm rhurahm. Bro Nkifrar tfit mekahtr, “Kekutni finji akfoyann,” finji kforuha? Nhai wom yak rafo mrokfot turuhatn. Niko to rpahtet fasoh net yima bugayeko.

Rom thofroh gontwat Porr dwandfakhato htafmot 2:3 ပူးပေါင်းရင်းမြစ်များ

Matyu 23:33

Niko nandomrhu nandom yoneko. Niko finji yamukako tfit ayakrmanyom, bi kah thmbt bi tohetko?

Matyu 26:53

Tamohmpno ni tfit namburwa? Kangn na ka yifem duhata? Nanhu Yifemr naku kforuha, yudbat 12-pela mounmot rifhum mitoh dbu rafo hmbrerahma.

Lukr dwandfamo gutnius mrokfot 12:14

Jisasr wanyhato kfo memorr, “Bare, frohm kfo yamum, na womann yak nhtahato yak nhombra hirhoyanfn?”

Lukr dwandfamo gutnius mrokfot 22:58

Kto tfit womr yihato mhtimorr. Mhtihato kfo memorr, “Bare, ni aso womenn Jisasrpno wiyauyau htfasmoa.” Tfit wompam kfo namhi memor, “Bare, na nhai tawisafkahanr.”

Lukr dwandfamo gutnius mrokfot 22:60

Pitar wompam kfo namhi memor, “Bare, nd ni pthiwa mrokfot na nhai tawisafkahant.” Inji ptha hanymor asha krir nakumohat.

Rom thofroh gontwat Porr dwandfakhato htafmot 1:32

Bro Nkifrarhu mrokfot kfo kangt, “Ndhtet net yimam nhai toh buhtakfot.” Nd mrokfot bi wanyetm. To nhai mwany yakrmiyakrmoamt. Nhai. Hany yukukaknimoum. Yo nhaft nhai be nd fasoh nefrpam narmoam. Nhai. Yimam nd fasoh fasoh nefm namoam tfit kfo yindhor boyindhor marnyamoumm.

Rom thofroh gontwat Porr dwandfakhato htafmot 2:1

To tfit niko womko mirahko inji htihato akfo grha amanyom, “Tu hifa Bro Nkifrar nd fasoh fasoh net yima tangim afo yak gnngtatrahrm.” Niko inji kfoyuk yimako duka hik marnyahato ndhtet mrokfot pthakfot. Niko to rpahtet net yima bugayeko. Bro Nkifrar amekahr, “Finji anayanko,” niko finji kforfoko?

Rom thofroh gontwat Porr dwandfakhato htafmot 2:2

Wahtiko, Bro Nkifrar yima tangim yak gnngtat thombat nhai be sfnoh inji naruhatrm. Nhai. Tum niwa fasoh nefmpno yak gnngtatrahrm.

Rom thofroh gontwat Porr dwandfakhato htafmot 9:20

To ni tamohtet yimann Bro Nkifrarhu dukefm kfo wokruhanm? Tu Bro Nkifrar hingrna htamo yimayeko, nhai tfit nikomn kfo wokkfot rorhu dukefr. Roht nhai tfit tngett rhuhato tfit nd roht hingrnayuk yimar kfo merfotr, “Tamohmpno inji hingrna nhtena?”

1 Tesalonaika 5:3

Bi yimam kfo hany kangm, “Arr bi dborioh yihayer. Rhu marnyarahnom.” Inji kfo hanyhato mirahm, ka hifa kfoyet, yimam yak batiyuk krhopam yudbat nierahm mett yon yakrphewa kanjo. Nhai wom yimar frfnahniruhatr.

Hibru 12:25

Ndnettn duka marnyakfot. Bingotrhof gnngr yakitoh hanyhato arihat Bro Nkifrarhu mrokfom wany-neft mirahko awany ffi hasonomm. Bingot nmoh nkifram to inji namom. Bro Nkifrar Sainait mirhuhato kfomo mrokfom nhai wany yakiormomm. Turoh nd wany ffi haso nmbuhatn Bro Nkifrar fak tutfa wurasohmorm. Tfit arihat hefenr rhuhato pthewatrm wanukwonomm. Nd mrokfom ror pthiwam nom wany yakio duha rhuneft finji dukewako? Hifa rhurahnom? Be tu nhai mif.

Hibru 2:3

Tfit ndar yihat nfri dfa tik yuharhu mrokfot Jisasr kfo nuhaswat yimam hik duha yinyeft, to be finji kafrohruham? Nd Bror yimam nrfa htiyekwa nmbuhat bi turn kfomotr womm wanyhato kfo nuhasmomnom. Ndnettn to mirahko ka kfo furakfoyet.