Makr dwandfamo gutnius mrokfot 7:7 - Bro Nkifrarhu Mrokfot

⁷ Be nd yima mifm bingot htamo boririfhut kfo nuhas htfaswamn kfo kangm, “Bro Nkifrarhu boririfuhet.” Ndnettn rom lotuta lotuyeft yafotha duhatet.’” Ais 29.13

Makr dwandfamo gutnius mrokfot 7:7 ပူးပေါင်းရင်းမြစ်များ

Matyu 15:9

Be nd yima mifm bingot htamo boririfhut kfo nuhas htfaswamn kfo kangm, “Bro Nkifrarhu boririfuhet.” Ndnettn rom lotuta lotuyeft yafotha duhatet.’” Ais 29.13

Matyu 6:7

Yo kfo bruttnaneft be mirahko Bro Nkifrar hik duha yimam kanjo akfo bruttna yukenom. Rom inji kfo bruttna yuke thombat duka kangm, ‘Kfo bruttna yukekahtnom nmoh nkifram wanyrahmnom.’

1 Korin 15:14

Ndnettn rorhu nohhato tfit sinya nmbuhat nom kfo ptha htfaswat be kfo fura htfaswonomt. Nom be tu yimam frnheh htfas kangnomm Bro Nkifrar kasinyamorr Kraisr. Yo niko nom kfoyuk mrokfot wany yakiowako, mrokfot be wany yakio furewukomt. Bro Nkifrar be tu nhai kasinya mifkahrm noheh yimame, to ndhtet neft Kraisr nhai kasinyarmorr.

1 Korin 15:58

Ndnettn bar yinouroko, niko toh bmtakfot. Mirahko tamoh tamoh nefenm awohsisnom. Wadukako, nd niko Brorhu hingrneft hingrnewat nhai yi furaruhatt. Ndnettn yiha yiha Brorhu hingrneft hingrnakfot.

Kolosi 2:22

Mirahko ndhtet kfo kars mrokfom ahiknom. Ndhtet hnaru yemrom tng yuhat yiyefiwam nhai yihom rhukahm. Yihom fnahnitm. Be yimamn ndhtet yemro ye kars mrokfom mhfnahnewumm.

Taitus 3:9

Wom yimam tum rhuhato nkifram toh hawihnamo yuharoh mrokfompno mrokfom nateh natehhato nakfo yiriti nakfo yiriti inji newum, o Mosesrhu boririfhutpno nakfo hamuh nakfo hamuhwom, ni mirahn rim tohhato awany yakitohanm. Yimam ndhtet mrokfom rhuhato wany yakitohneft nhai dborioh dukefm yakhato dborioh yima yuhum yuwa muhkahm. Nhai.

Jems 1:26

Wom yimar kfo kangr, “Na tu dborioh Kristena, na tu Bro Nkifrar hikhato kfo bruttnewa yimaya.” To ndhtet kfet yimar tfit rorhu tngt nndo mando rine wunineft, nd yimar be tu kfo furewur. Bro Nkifrar inji htihato nhai yindhorkahrr.

Jems 2:20

Ar mmoharim! Nd na kfo hniwa mrokfom nhai wany duka tungunakahkomm? Yimar nhai nd Kraisrhu mrokfom hikhato rorhu dborioh nefm womm yak nuhaskahrm, nd duka yima yuhur, Kraisrpno rhuyukr, bi nohmorr. Tfit wom nkifra tndh mrokfot mkfo tndhakrhota ndtn wanyhato dukefr yakrahko. Barkoft afo ttiwonanko.

Revelesen 22:18

Na Jona bro kfo duka mrokfot kahukanm nda gonborngt yorhwa profet mrokfom wanuka met yindarim. Fitoh yimar nda profetm pthayuk mrokfom htihato tfit turoh dukefmn wom nfri mrokfo nmbuham rihtekrm, nd yimar, Bro Nkifrar nda gonborngt kfoyuk krhopam nd yima yak thombat, wom nfri krhopam htahutarahrr.