Matyu 10:5 - Bro Nkifrarhu Mrokfot

⁵ Jisasr turhu 12-pela aposerm hingrnefm kfo tkrurafmohat, kfo tebos botebos nuhasmorm. Asom ror hemo kfo tebos mrokfom: Kfo memorm, “Niko hingrnafat yaknitahat, mirahko yima tangimpno ainyo yo mirahko Samariaroh taunm ainyom. Nhai.

Matyu 10:5 ပူးပေါင်းရင်းမြစ်များ

Matyu 22:3

Nd yemro burwat yak htatahato bi kfo duka mrokfot bi yak hanyetm, mrokfot frhtfasmot yimaroh yakyukt. Tu kingr kfo tkrurmotrm turhu hingrna yimam yimom yimaroh yak htfass. To nhai, yimam nhai sinyarmom.

Matyu 4:15

Aisaiar kfo memor, “Met yindarim Sebulunrhu tkitm tohyukm yo Naftalirhu tkitm tohyukm, marombko yita yihota yuhat yorhwa tkitm yo tek Joden mkuko yorhwa tkitm, ndm Galili distrikkorhofem. Nd distrikt yima tangirohet.

Makr dwandfamo gutnius mrokfot 6:7

Jisasr turhu disaiperm yak nhafohmormn tfit hus hus fak nhtamorm. Hus hus yak nhtamormn tek yarh kmi yarh yak thuyuk yafothar hiyaf hanymorm. Nd yafothar henyihato kfo tkruraf memorm,

Lukr dwandfamo gutnius mrokfot 10:1

Nd ror hik yibonmo yimampno napthanihato ee tfit Bror wom 72 yimam fakmor. Yakhato hus hus fak nhtamorm. Yak nhtahato hus hus nd ror yibonyuk kmim yi hanymomm.

Lukr dwandfamo gutnius mrokfot 10:33

Tfit rorhu mongkorn Samaria thofr niamor. Rorne nd yimar yihom hti yuhuwafmorr.

Lukr dwandfamo gutnius mrokfot 17:16

Jisasrhu wuram-pno msuhmor. Msuhhato mkfo yindhor boyindhormorr.

Lukr dwandfamo gutnius mrokfot 9:1

Jisasr turhu disaiperm kfakhato niamotm, tek yarh kmi yarh yak thuyuk yafothar hiyaf hanymorm.

Lukr dwandfamo gutnius mrokfot 9:2

Nd yafothar henyihato kfo memorm, “Wanjukahkomn, yimam wakfo wamitwakomm, ‘Bro Nkifrarhu kingdomkfotn tfit ndar bbinysoft rhuraht.’ Nd mrokfot kfo nuhas hi hanyhato yo tamoh dbohnet yimam htitwokomm, wayak marnya hanyswakomm.”

Jonr dwandfamo gutnius mrokfot 17:18

Na ni tkrurafmotna nda bbinysoft niamoya. Nd yuhatn nd yimam tkrurafrhotanm kmi kmim rhu fnahrahm.

Jonr dwandfamo gutnius mrokfot 20:21

Jisasr tfit wompam kfo memorm, “Yima yuhum amirhumko. Na Bro Nkifrar tkrurafomora. To tawo niko, tfit nann kfo tkrurwanko.”

Jonr dwandfamo gutnius mrokfot 4:20

Nom Samarianmoh nkifram Bro Nkifrar bro lotum yakitohmoahat nda kminysofr mrifinyhato lotu hakumoum. Tfit arihatn niko Judako kangko, ‘Be Jerusalemrpar yihato walotuko.’”

Jonr dwandfamo gutnius mrokfot 4:5

Yimorn Samaria yorhwa taun Sikart mfnahmor. Nd taun Sikart korht brbo Jekofr yinem Josefr kfo nuhasmo tkit nmbuhatpno.

Jonr dwandfamo gutnius mrokfot 4:9

Nd Samaria efkott inji wanyaf hanyhato kfo memotr, “Bare, ni finji kfiwa? Ni Judaye na Samaria efkota. To tamohmpno na nndo Samaria efkota kfo yamukona, ‘Bupam wahina?’” Judami Samariam nhai rpat rhuhato yemska inji narmoam. Ndnettn inji kfomotr.

Jonr dwandfamo gutnius mrokfot 7:35

Be Judam inji wanyhato tum rinakfo nakfo memom, “Bar yimako, fitohko yiruhatr nom hti hambro hasoruhanom? Ka ndu nmoh wom yimatm kantri Grikko tohyukmpno yihato ndkorhof yimam mrokfom hirahr?

Jonr dwandfamo gutnius mrokfot 8:48

Tfit Judam sinyahato Jisasr kfo memomr, “Nome ka kfo mifwonom nom kfo yamukahat ni Samaria thofnn kmi yarhr thu hamumiwurn?”

Aposer 1:8

Niko inji adukawahko, niko tu Bro Nkifrarhu Yafothat mithu nawoh-ruhattko mrokfo ptha bbuka rifhur yakrahkomr. Nd bbukeft yakniruhakomn, Jerusalem, Judia, Samaria, yo ndar bbinysofthu kmi kmim nanhu mrokfot ptha htfas buga habrirahkomt.”

Aposer 10:45

Thu nawohaknimotrm wonk wonk yarmumam pthaknihato Bro Nkifrarhu yufat yura yura kfo nafhurmomt. Juda thofm Pitar hikhna-mom nd neft htimohat yima yuhum kkopentamomm. Kfo memom, “Dajohmn, yima tangim Bro Nkifrarhu Yafothar bi kekwomr.”

Aposer 8:1

Nd yima Stifenr tat nohmo yiharn Jerusalemthu Kristenm yak beb bobebafmotmm fakrme tubatumom. Womm tuha Judiakorhof kmimn fakrmenimom womm Sameria-korhof kmimn. Aposerrpamn tuha Jerusalemt toh hasomom.

1 Tesalonaika 2:16

Nhai wofnkahm yima tangim gutnius wany-hato Bro Nkifrarpno rim tohakneft. Ndnetmn ndhtet neft newum. Rom nd nahnewa fasoh fasoh nmbuham bi nahna nahnewamn nd rroh fasoh fasoh nefm bi kminysofm kanjo wayekwamn nd wukier bi tathur yibonwomr.