Jonr dwandfamo gutnius mrokfot 9:3 - Bro Nkifrarhu Mrokfot

³ Tfit Jisasr kfo memorm, “Nhai ndar yimar wom fasoh neft narmor yo nhai rorhu yifammaf wom fasoh neft narmof. Nhai. Nd yimar inji rhumohat Bro Nkifrar memor, ‘Nanhu hingrneft rorpno tafont mhfnahrhotant met yindarim htirahmt.’

Jonr dwandfamo gutnius mrokfot 9:3 ပူးပေါင်းရင်းမြစ်များ

Matyu 11:5

Nyinga kunyjetm tfit yukatohwa yuhat yo wura minysafetm marnyanita yuhat yo lepra yaketm marnyanita yuhat yo yimbhindang kihmniyetm marnyanita yuhat yo noheh yimam tfit sinyewa yuhat yo nd knbokroh rirhutayuk yimenm Bro Nkifrarhu gutnius mrokfot wanuka yuhat. Nd ndm wakfo nuhas bonuhastwakomr.

Jonr dwandfamo gutnius mrokfot 11:4

Jisasr nd mrokfot wanyakhato kfo memor, “Nd dbohneft nhai Lasarusr wundiat minohnihato mifnahniruhatr. Nhai. Nd dbohneft tuhan yindariroh Bro Nkifrarhu bbukeft htihato Bro Yifemr bro yufat hayuket. Yo nd yuhatn Bro Najomr bro yufat yakrahr.”

Jonr dwandfamo gutnius mrokfot 11:40

Jisasr rothu mrokfom wanyaf hanyhato kfo memort, “Na bi kfiyann, ninhu yima yuhur duka kangr kasinya mifwor, nd dukefr kakitohwo htitwont Bro Nkifrarhu bro bbukeft.”

Aposer 28:4

Kmi thofm htimomr nandomr yimarhu tirt youtahato yimar hatoh-moatrr kfo memom, “Nd yimar ka wom yimam wasmor. Tekt funenehat nhai nohrfor, ndnetrn nd ror wasmo yimaroh nkifram htihato kfitm, nd nandomr niahato fwitrr.”

Aposer 4:21

Nd rof yak marnyamo rikiyer bi bro yimar, bi 40 gunyjimetr. Kmi thofm nd rikiyer yak marnyamo neft bi hti yindhorhato Bro Nkifrarpar yindhormom. Be ndnatn kaunserm htitihato be kfo yanho mrokfot kfo memomf, “Jisasrhu yufat yuta nawohhato dbohnet yimam yak marnyarahfnm, be yakrahnomfn.”

1 Jon 4:16

Bro Nkifrarhu yuhuwafeft nompno yorhwat htita-nomn duka kangnom Bro Nkifrarhu bro dukefr nompno korhr. Ndnetnomn nom nhai Bro Nkifrar yafhokahnomr. Bro Nkifrar tu bro yima yuhuwa-feter. Fitoh yimam yima yuhuwafeft korhtm, nd yimam Bro Nkifrarpno frtkafwom yo nd yimampno Bro Nkifrar frtkafwor.

1 Jon 4:9

Bro Nkifrarhu dukefr nomn rhumor. Nd dukefetrn nd ror hatohmo rpa yon mifr tkrurafmotrr nda bbinysoft fawihnamor. Nmoh fasoh nefm rorn suh nanyormorm. Suh nanyormotrm to be nmoh tohefti Bro Nkifrarhu toheft bi nhai wom mrokfom rhukahm-nom. To be rorpno toh nkifranirah-nom.