Jonr dwandfamo gutnius mrokfot 7:19 - Bro Nkifrarhu Mrokfot

¹⁹ Bingot Mosesr hemo boririfhu mrokfom, to nhai nikmoh wom rpar myakni marnyakahrt nd boririfhu mrokfot. To tamohmpno tfit nann kfo yamukako, ‘Ror nhai hikkahr nkifra boririfhut.’ Nd nambur yima yuhumpno nanhu waskfot kfiwuko?”

Jonr dwandfamo gutnius mrokfot 7:19 ပူးပေါင်းရင်းမြစ်များ

Matyu 12:14

Be nd kunys rhuyuk Farisim inji wahti tanymohat nhai wom warhurmom. Be fnahni twanhomom. Fnahnihato Jisasrhu wasyuk mrokfot rim haruhaknimom.

Matyu 21:38

Be nd yonr tkrurafmotrr yimor. Yimorn wain swirt tohyuk yimam htiyakhato tum rinnakfo nakfo memom, ‘Ndarr turhu yonr nier. Yifemr nohnineft to nd yonrn tkitt yakhato ndar wain swirt rorn yakrahrt. Finji dukewako? Awaskahnomr be nd wain swirt be nmoht rhuraht.’

Makr dwandfamo gutnius mrokfot 11:18

Ror kfo pthamoa mrokfom met yindarim wanymohat mfha tha duhatm rhumom. Ror pthayuk mrokfom wany fanhomomm. Ndnettn prisroh bro yimami nkifra boririfhuthu tisam inji wanyhato kfo memom, “Be wom yuhamn kfo nhehakhato wasrahnomr.”

Makr dwandfamo gutnius mrokfot 3:4

Be nd yimar sinya tohmotr, Jisasr kfo ttiwon memorm, “Niko finji dukiwako? Rhu krna Sabat yiha yimaroh yak marnyakfote, Bro Nkifrarhu boririfhut finji kfiwat? Rhu krna Sabat yihare hifa nefm nakfot o fasoh nefm nakfot? Yimam yak marnyakfot o yimam waskfot?” Inji kfomotrm nhai wom mrokfot kformom.

Makr dwandfamo gutnius mrokfot 3:6

Be nd kunys rhuyuk Farisim inji wahti tanymohat nhai wom warhurmom. Be fnahni twanhomom. Fnahnimomn Herotr hikwa yimampno yihato wajis harhumom. Memom, “Jisasr wasrahnom.”

Jonr dwandfamo gutnius mrokfot 1:17

Rot boririfhut Bro Nkifrar hemornom Mosesrhu tirtn. To tfit Jisas Kraisrpno, htitnom Bro Nkifrarhu tu yuhuwafefti tu yafothet nef mift.

Jonr dwandfamo gutnius mrokfot 10:39

Inji kfomotr tfit memom ayaknomr to nhai, ror yak hhrifnimormn yimor.

Jonr dwandfamo gutnius mrokfot 11:53

Tor nd yiharn Judaroh bro yimam Jisasrhu was yuham ripthakmomm.

Jonr dwandfamo gutnius mrokfot 5:16

Be nd Judaroh bro yimam inji wany hikak marnyahato Jisasr rihti dbnotakhato riptha namburak memom, “To nd yima Jisasre frohm kfo memomr, Sabat yiha ndhtet hingrnefm wah-ingrnatwa?”

Jonr dwandfamo gutnius mrokfot 5:18

Be nd ror kfomo tngrpno Judaroh bro yimaroh yima yuhum kahm kindo wakur sinyahato kfo memom, “Nome ndar yimar finji anakahtnomr anohr. Sabat yiham nhai mikahr nd yihar be wom tamoh nefm finji na duha. Yo nhai be nd nefrpat nakahr, Bro Nkifrar kangrr rorhu Yifemer. Kangr Bro Yifemr kanjo aruha, nd dukeftn nd nefm newurm.”

Jonr dwandfamo gutnius mrokfot 5:45

To niko mirahko ka nann kotimruhanko Bro Nkifrarhu nyinga-tikhato. Nhai. Nd niko kotimyuk yimar tor riyorhwor. Mosesrn kotimrahrko. Niko kangko, ‘Nda Mosesrhu mrokfotn hifa tkitt htarahtnom.’ To nd mrokfotn tfit toh kekuthato kotimrahtko.

Jonr dwandfamo gutnius mrokfot 7:1

Jisasr nd mirakerm Galili thofm yak nuhasnimohat, afo tuha Galili distriktn afo fau habrimor. Judiako bi yinyeft nhai. Judiakorhof bro tohak yimam bi rorhu wasnefthu wajis bi haruhetmn to be Jisasr nhai bi marimor, “Judiako bi yiruha.”

Jonr dwandfamo gutnius mrokfot 7:25

Jerusalemrhu wom met yindarim nd Jisasr pthamo mrokfom wanyhato kfo memom, “Ka nda yimarn Judaroh bro tohak yimam kangm awasnom?

Aposer 7:38

Nmoh nkifram yima toh duha tkitt yi tohmohat to nd yima Mosesrn tohnhomorm. Rorn Sainait muhhato rhu nkifraniyuk mrokfot mounmotr hemotrr hemornom.

Galesia 3:19

To tamohmpno Bro Nkifrar boririfhu mrokfom hemorm? Tamoh dukeftpno? Nd boririfhut hemohat bi Bro Nkifrar Abrahamrhu frikefthu yak marnya yuhat kfonimorrn ee kto boririfhut htamort. Rorhu dukeft duka memor, “Boririfhu mrokfom ahtakahtanm tamoh nefm yimam naneft tfit boririfhu mrokfeft mhtiyakhato duka mirahm, ‘O art fasoh nefet. Art dborioh nefet.’” Memor, “Nd boririfhutn yakitoh hanyruhamn ee nd Abrahamrpno nnakfo nuhas htamo yima Kraisr nierahr. Nieruharn nd boririfhut rorn riyak htaforahrt.” Nd boririfhut Bro Nkifrar hemot mounmotm kfo nuhasmotr tfit romn Mosesr kfohemomr. Tfit rorn kfo nuhasmornom. Ror be buha tohhato Bro Nkifrarpno mrokfom yakhato nom kfohemornom. Abrahamr nhai wommn Bro Nkifrarpno mrokfom yakhato kfoharimomr. Ror tu Bro Nkifrarn kfohemorr.

Galesia 6:13

Nd yimam rom tha puketm. To nhai Judaroh boririfhut hik marnyakahmt. Be yuwi kangm, “Wommn akfokahtnom, tha apukkahmn, Judam wanyruhamn kfo yindhor mirahm, ‘O hifa hingrneft hingrnewum.’”