Jonr dwandfamo gutnius mrokfot 4:11 - Bro Nkifrarhu Mrokfot

¹¹ Jisasr inji kfomotrt, tfit mett kfo memot, “Bro yimaye, to ni bupa yakyuk baket duhate. Bujrhu bupam watohngotwom. To fitha yakhirhoyanm nd ni kfiwa bupam?

Jonr dwandfamo gutnius mrokfot 4:11 ပူးပေါင်းရင်းမြစ်များ

Jonr dwandfamo gutnius mrokfot 3:4

Tfit Nikodemusr ttiwonmorr Jisasr, “To yimar bi tabou hanyetr, to finji tfit mmemt fkniruhatr mmemt wompam hiyauruhatr?”

Jonr dwandfamo gutnius mrokfot 4:14

To fitoh yimar nd na heruha bupam fawor, be nhai tfit wom nyunguram knaruhatr. Nd na hayuk bupam yiyafhato mirhurahm, nd bupam tfit yinha kanjo mfrfnah hasohato nd bupamn yakitohruhatmt rorhu toh nmbuhat, be inji toh nkifranirahr.”

Jonr dwandfamo gutnius mrokfot 7:37

Nd lotu burwa yiharoh wuroh tikofhna yihar ndr tu bro yihar rhumoumr. To nd wuroh bro yihar rhumorn Jisasr wasinyahato kfo yahrnya memor, “Ni fitoh yima nyunguram knewun, nanpno waniekahtn, bupam hiruhann.

Aposer 10:14

Tfit Pitar kfo wok memorr, “Broye, ka nhai mif inji narhota! Bingot nom tohhnamohat nhai ye hnarmoyanm. Mur yemroyem.”

1 Korin 2:14

Yimar Bro Nkifrarhu Yafothat rhu duhar, nhai nd Bro Nkifrarhu Yafothathu dukefm hti dukakfot. Nhai. Hti huhrasworm. Ndnettn nhai nd dukefm ror yakkfot. Yimam Bro Nkifrarhu Yafothetm, romrpam rhuhato hti duka nhta yo yak nhta inji newumm nd Bro Nkifrarhu Yafothathu dukefm.

Revelesen 21:6

Yo kfo memora, “Nd tamoh tamohr be bi hingrna kafkomoyanr. Nanrpaya barkofa yo nanrpaya wuroha, na kfomoya shrkar yarim fnahmor yo tfit na kforuha shrkar tfit rim fnah-nirahr. Yimar bupa knewur, yima toh nkifraniyuk bu yinharhu bupam he furarhotanr ye furarahrm. Nd bu yinharhu bupam yimam yanyeft toh nkifrewum.

Revelesen 22:1

Mounmotr nd nfri Jerusalemr yak nuhasnimora, ee tfit nd kmitpno tonita tekt fak nuhasmora. Nd tekthu bupam yimam yak yanyeft toh yifahtewum. Nd tekt memom nndo binasohtn kak dbratwot. Nd tek buktt myakmo tkitt, Bro Nkifrari Sifsif Yonr, rofhu sia kingtpno myakmotn,

Revelesen 22:17

Bro Nkifrarhu Yafothati Sifsif Yonrhu yakyuk mett kfo naku kangf, “Jisase, wania.” To tfit nd gonborngthu mrokfot wanyuk yimako tawo kfo mekfot, “Jisase, wania.” Frohr bupa knewur, nd yimar niakfot. Yimar kangr bupa ayeya, nd yimar niahato nd toh nkifraniyet bupam yehato toh nkifra-rahr. Bro Nkifrar be he furarahrr.

Revelesen 7:17

Tu nd sia kingthu buha rhuyuk Sifsif Yonrn yukatohaf hanyrahrm. Turn bu yinham yorhwa tkitm hany hakuruharm tum tas yeruhamn toh hatoh hakurahm. Yo nd harhuwa nur nyingam, Bro Nkifrarn yak trkthurahrm.”