Jonr dwandfamo gutnius mrokfot 3:26 - Bro Nkifrarhu Mrokfot

²⁶ Ndnatn wom Jonrhu uhik ahik htfasyuk yimam yimomn Jonr mkfo memomr, “Tisa, nd yimar ninpno rpat Joden mkukor tohhato kfo memo, ‘Nd yimar Bro Nkifrarhu Yoner,’ to nd yimarn bi bok met yindarim baftais yahukatrm bi rorparpno yimam kitm.”

Jonr dwandfamo gutnius mrokfot 3:26 ပူးပေါင်းရင်းမြစ်များ

Matyu 23:7

Yo tamoh maket swirm rom yau hanyneft kangm, ‘Yimam be tisa yufatpno ayuta hambonna yindhor amemnom, “Hifa dbha Rabai.” ’

Matyu 23:8

Nhai yimam nikomn kfo yuta mekfote, ‘Rabai.’ Niko najohfi yagnr tohwoko. Tor womr, rorrpar nmoh Tisayer.

Jonr dwandfamo gutnius mrokfot 1:15

Jonr rorhu nia mrokfot kfo pthahato kfo nakuyaf memor, “To nda yimarn na kfo hna memoya, ‘Tor nanhu mongko nierahr wom yimar, ror bi Bro Nkifrarpno rpat ritohngotakmor. Ndnettn rorn buriwura.’”

Jonr dwandfamo gutnius mrokfot 1:7

Ror be nukeft hatohyuk yimarhu mrokfothu kfo nuhasneft niamor. Niahato tuhan yindarim kfo nuhasmotrm be nd mrokfot yakhato hikmomt.

Jonr dwandfamo gutnius mrokfot 1:9

Tu yima bugaroh hayuk nukef mift hatohyuk yimar bi niamor ndar bbinysoft.

Jonr dwandfamo gutnius mrokfot 11:48

Nom be inji rihti marsisakrahnomr kmikmi rorrpar hikrahm. Bi kmikmi rorn mhikaknitm htirahko tfit Romrhu bro yufet yimam mrokfo napthakhato nieruhamn Bro Nkifrarhu temperr riyohniyakrahr ee yuht kantrikfot bha wohnirahmt.”

Jonr dwandfamo gutnius mrokfot 12:19

Farisim inji htiyafo hanyhato tum rinakfo nakfo memom, “Niko htitko? Yimam bi rorrpar bi hikwom. Nom kangnom, akfo rafonomm, be nhai. Tuhan yindarim ror hingrnamo mirakerkfot naptha nuhas hihany, naptha nuhas hi hanitamn bi rorrpar kak hikwom.”

Jonr dwandfamo gutnius mrokfot 3:2

Nd yimar turpathato Jisasrpno yifung yimorn mkfo memorr, “Tisaye, nom wom Judanom htitwonomn ni Bro Nkifrar kfo tkrurafoyuk tisaye. Bro Nkifrarhu Yafothat mthu nawoh duha yimar nhai ndar ni hingrnewa kanjohot mirakerkfot hingrnakfot.”

Jonr dwandfamo gutnius mrokfot 4:1

Farisim wanymomt Jisasr baftaisimmoa yimaroh thomnafat muhmot, Jonrhut yohnemot. Nd Jisasr baftaisimmoa yimam Jisasrn uhik ahik htfasmoamrn rorhu mrokfom wany yakitohmoumm.

Jonr dwandfamo gutnius mrokfot 4:2

Nd Jisasrhu yimaroh baftaisimneft nhai tu Jisasrn baftaisimrmoarm. Nhai. Rorhu disaipermn baftaisimmoumm.

Jonr dwandfamo gutnius mrokfot 4:31

Nd yiharpno disaiperm Jisasr kfo memomr, “Tisaye, ni nuwa afo waya.”

Jonr dwandfamo gutnius mrokfot 5:33

Yo Jon Baftaisr tu nanhu rhu toh nmbuhat kfo ptha yimbu hikmort. Ndnettn nikmoh wom yimam Jon Baftaisrpno yihato rorhu kfoyuk mrokfom wanyakmomm. Nanhu dukeft duka kanga, nd mwanyakyuk mrokfom hikrahkomm, Bro Nkifrar nrfa htiyakrahrko. To na nhai duka mekoha, ‘Tfit wom yimarn buha tohhato nanhu rhu toh nmbuhat rorn yimampno kfo ptharuhatrt yimam wanyhato hikrahma.’ Nhai.