Jonr dwandfamo gutnius mrokfot 3:19 - Bro Nkifrarhu Mrokfot

¹⁹ To nd rom kotkfot tohruha nmbuhat nhai be sfno. Nda bbinysofthu yak nukayuk kshr bi niamor. To nhai nd met yindarim htihato nd ksh nukefrn yarim tohkahm. Be nd turoh fasoh fasoh nefmpno yesiswamn nndo kspitat rim tohwom.

Jonr dwandfamo gutnius mrokfot 3:19 ပူးပေါင်းရင်းမြစ်များ

Lukr dwandfamo gutnius mrokfot 12:47

Nd hingrna yimar, turhu bro tohukatohr kfo tanyuk mrokfo yuhat nhai hingrna hik marnyarfort, be nhai htiruhatrr. Mfro namburrahrr.

Lukr dwandfamo gutnius mrokfot 16:14

Farisim rom be maru hingrneftn rroh dukefm frtkafmoum. Ndnetmn Jisasr inji kfomohat nd yimam yurak krtit karikomomr.

Jonr dwandfamo gutnius mrokfot 1:4

Mrokfor yimaroh ruhefr tohefr kakitohworr. Yakitohhato nukeftpno yimaroh wiyauyau nmbuhat kak hta bohtewurm.

Jonr dwandfamo gutnius mrokfot 1:5

Nd nukeft yifung tahasiwut, to nhai tfit yifungpamn yakaknihato nd nukeft yifungpamn yak tasifkfot.

Jonr dwandfamo gutnius mrokfot 12:31

Ar yiharn Bro Nkifrar nda bbinysofthu tuhan yindariroh nefm yak nhtarahrm. Yo nda bbinysofthu tndhr yak wahtarahrr.

Jonr dwandfamo gutnius mrokfot 12:43

Rroh dukeft be duka memoum, “Be yima mifmn akfo yindhor boyindhormnom.” Nhai marimoam, “Bro Nkifrarn akfo yindhorrnom.”

Jonr dwandfamo gutnius mrokfot 12:46

Ndar bbinysoft yiro kspitat rhumohat nann niahato kshr mifakitoh nuka-moyanr. Ndnettn yimam na hikwom nhai yifung kspt tohhato yak tato botatoruhatm.

Jonr dwandfamo gutnius mrokfot 5:44

Niko ndhtet met yindariko be tu nhai mif yak hikruhatkomt nanhu mrokfot, nhai mif. To nikmoh bro dukefm be kangko, ‘Be tunom nayuta yindhorhato bro yufat ayak hasonom.’ Nhai wofnkahko Bro Nkifrarpar yahuka bro yufat.

Jonr dwandfamo gutnius mrokfot 7:17

Wom yimar kangr, ‘Be tu Bro Nkifrarhu dukef yuhat ahik mifa,’ nd yimarn yakrahrt nda na kfo pthiwa mrokfothu mna yuhat. Rorn yak nhtarahrt nda na kfiwa mrokfot tu Bro Nkifrarhu mrokfot kfiwan o tukanhu dukefrn niewatm pthiwanm.

Jonr dwandfamo gutnius mrokfot 7:7

Niko nda bbinysof thofm nhai be mfro hti srkahmko. Na be rroh gobenann be fndr htitwoma. Kangm, ‘Tamohmpno kfo ptha nriyafwarm nom niwa fasoh fasoh nefm?’

Jonr dwandfamo gutnius mrokfot 8:12

Jisasr tfit kfo memorm, “Nann nukeft hatohhato nda bbinysoft kak nukewant. Fitoh yimam nanhu mrokfot wanyhato hikma, rroh nda bbinysofthu toh yuham yi marnyarahm. Nhai yifungt yau mmo bommiwa kanjo yau mmo bammoruhatm.”

Jonr dwandfamo gutnius mrokfot 9:5

Na afo nda bbinysoft tohhato nann nukeft bbinysoft kahukant.”

Rom thofroh gontwat Porr dwandfakhato htafmot 1:32

Bro Nkifrarhu mrokfot kfo kangt, “Ndhtet net yimam nhai toh buhtakfot.” Nd mrokfot bi wanyetm. To nhai mwany yakrmiyakrmoamt. Nhai. Hany yukukaknimoum. Yo nhaft nhai be nd fasoh nefrpam narmoam. Nhai. Yimam nd fasoh fasoh nefm namoam tfit kfo yindhor boyindhor marnyamoumm.

Rom thofroh gontwat Porr dwandfakhato htafmot 2:8

Tfit nd wom yimar bbinysoft tohhato fasoh nefm nahato kfo kangr, “Kokrwa Bro Nkifrar kfo htayuk mrokfom hikneft. Tukanhu duka fijo tohruha,” nd yimar Bro Nkifrar masat namburrahrr.

2 Tesalonaika 2:12

Ndnettn nd yimam nhai Bro Nkifrarhu yafothet mrokfot hikrfomt, be nd fasoh fasoh nefroh yindhoreftn ftohm, bro kotkfot tohnihato yak batirahrm.

1 Pita 2:8

Tfit wom mrokfot memor, “Nd yimar Bro Nkifrar htewa tahiyer. Nd tahirpno wuram mfrgu-ghato suhwom.” Aisaia 8.14 Jisasrhu mrokfom yekwamm riyak htefiwumm. Inji newamn suhna-suhwom. Bingot Bro Nkifrar rhuhato bi htitamort yimam myahot bani suhruha tkitt.

2 Pita 3:3

Jisasrhu yawihna yihar brbo rhu hanyrahr. Yimam turoh fasoh dukefmn yorhwam, nieruhamn mhaninge yukatohhato kfo mirahmko,