Jonr dwandfamo gutnius mrokfot 17:6 - Bro Nkifrarhu Mrokfot

⁶ Nda bbinysofthu tuhan yindarim, nanhu yufatpno kfo htahemom, bi ptha nuhasmoyanm ninhu yufati ninhu toh yuhat yo ninhu dukefr. Ni tunhu yufatpno rhuyukm, to bi nann hemo. Hifa fak hik marnyamomt ninhu mrokfot.

Jonr dwandfamo gutnius mrokfot 17:6 ပူးပေါင်းရင်းမြစ်များ

Jonr dwandfamo gutnius mrokfot 1:18

Nhai nom nda bbinysofthu yimanom Bro Nkifrar bi hti nkrirmonomr, be tu nhai mif. Nd tu Bro Nkifrarhu Yonr, ror tu Bro Nkifrarn, tu Yifemrpno toh tany nietrn, rorpno Bro Nkifrarhu ruheft htimonomt.

Jonr dwandfamo gutnius mrokfot 12:28

Bro Yifeme, ninhu yufat abrotwat.” Jisasr inji pthanimotr wom tngt yura hefen yuhat niamot. Nd tngt kfo memot, “Nanhu bro yufat bi fak nuhas hnamoyanm. Tfit wompam yak nuhasruhanm.”

Jonr dwandfamo gutnius mrokfot 15:19

Be nda bbinysoft tohwa yimaroh ruheft arhuko, yakmiyakhato hifa yima yuhur hmbrerfomko. To nhai. Ndar bbinysofthu yimampno toh hasetkomn yakmotanko rom tfit kfo kangm, ‘Tamohmpno frtrohwamnom?’ Ndnetmn namburhato hti dbnotwomko.

Jonr dwandfamo gutnius mrokfot 15:3

Niko bi nd na pthaheyuk mrokfotn bi fak wus bowus marnyamottko be bi yukha hir yibonwoko.

Jonr dwandfamo gutnius mrokfot 15:7

Niko nanpno frtkafhato nanhu mrokfot yakhato yakitohrahkomt, nhai mrokfom, tamoh tamohm ttiwonneft, to be tukmoh duka fijo kfo ttiwon-ruhatkomr hirahrko.

Jonr dwandfamo gutnius mrokfot 17:12

Na rompno toh hnamohat ni hemo bro bbuka nanyjaret yafotharpno toh hongmb hnamotanm toh marnya hnamom. Nhai womr frtrohrmornom. Nd frtrohmo yimar, ror bi hukrn, rorpar frtrohmohat be yihato nohmor. To Bro Nkifrarhu rfa borngt bi nd mrokfot ruhettn, to be nd neft rhu twanhomot.

Jonr dwandfamo gutnius mrokfot 17:14

Ninhu mrokfot bi kfo pthahe-moyanm. Kfo pthahemotanm nhai ndar bbinysof thofroh dukefm hikkahm. Nhai. Ni dukiwa dukefr, na dhikwar, ndr kanjo inji hikwatm, ndnettn nda bbinysof thofm hti srthuwomm.

Jonr dwandfamo gutnius mrokfot 17:16

Rom nhai ndar bbinysof thofroh dukefm hikkahm. Nhai. Ni dukiwa dukefr na dhikwar, ndr kanjo inji hikwom.

Jonr dwandfamo gutnius mrokfot 17:2

To bi rorhu tirtn ninhu hingrneft htamont. Rorn tuhan yindariroh bro tohak yimar fak htamo. Ni hayuk yimam rorn toh nkifraniyuk yafothar kahukrm.

Jonr dwandfamo gutnius mrokfot 17:24

Bro Yifeme, nd ni hemo yimam na kanga na tohruha kmit rom rpat atohtwanom. Na kanga nd na hatohruha bro nukefti bro yufat afo ahtitwamt. Nda bbinysoft tafi dborha duhattn na hti wofnhato hemona nd nukefti bro yufat.

Jonr dwandfamo gutnius mrokfot 17:26

Bi fak nuhasmoyanm ninhu yufati ninhu toheft yo ninhu dukefr. Tfit wom yiha wom yiham yak nuhas hanyruhanm. Inji narhotanm, ni Bro Nkifra na marbit htewa kanjo rom tfit nd neft yakhato womm marbit htarahmm. Yo na inji htirhoyann thu hamuhruhanm.”

Jonr dwandfamo gutnius mrokfot 17:7

Arihat bi tawisafwom, ndar nanhu tirt yorhwa tamoh tamohm ninn hemoyem.

Jonr dwandfamo gutnius mrokfot 18:9

Ror nd yima yuhur inji mfnahhato inji kfo pthamohat, to bingot mrokfot bi kfo memor, “Nd yimam ni hayukm nhai rroh womr yakrmotmr frtrohrmornom.” Nd mrokfot bi inji ruhettn to be ka yimamn fak htamotmr inji kfomor.

Jonr dwandfamo gutnius mrokfot 6:37

Yimam Bro Yifemr bi nann fahur nanpno nia tohrahm. Nhai kfo krmah o yak thu inji narhotanm.

Jonr dwandfamo gutnius mrokfot 6:39

Na Bro Yifemr kfo tkrurafetann fitoh met yindarim bi tu Bro Yifemr nanhu tirtn bi hterm na nhai womr yak troh tanykfot wuroh ndar bbinysofthu bati yihar. Nhai. Nanhu tirt bi htetm yahot tathakni bugaruhanm.

Jonr dwandfamo gutnius mrokfot 8:51

Na kfo mifwanko, wom yimar nanhu mrokfot wanyhato yak hikrahrt, nd yimar nhai nohruhatr. Be tu nhai mif.”

Jonr dwandfamo gutnius mrokfot 8:52

Tfit inji kfomotr Judam kfo memomr, “To nom bi wany nhte-wunomn ni ufasohtet kmi yarhr thu hamumiwatrn bi kfo mmo bamumiwun. To Abrahamr Bro Nkifrarhu mrokfom hiketr to nohmor, yo profetm Bro Nkifrarhu hayuk mrokfom kfo pthamoam to nohmom. To tamohmpno tfit nom kfo yangannom, ‘Wom yimar nanhu mrokfot yak hik marnyarahrt, nhai nohruhatr?’

Aposer 13:48

Nd yima tangim nd Porr pthamo mrokfom wanyhato rroh yima yuhum yindhormomm. Yima yuhum yindhor-hato Bro Nkifrar kfo yindhormomr. Bok yimam Bro Nkifrar thu yuhur hanymorm hifa rhu nmbuham yakhato be nd dborioh rhu nmbuhamn toh nkifraneft. Nd yimamn Porr pthamo mrokfom fakitohmomm.

Rom thofroh gontwat Porr dwandfakhato htafmot 11:2

Bro Nkifrar nhai kfo marimorm Isrerm, “Na bi mong trohwanko.” Nhai. Rom, Isrerm, tu Bro Nkifrar kfo hbha htayuk kmiyem. Iraijarhu kfo tndh mrokfot, Bro Nkifrarhu rfa borngt yorhwat, htitwokomt? Iraijar Bro Nkifrarpno kfo bruttnahato kfo memohat,

2 Korin 4:6

Bingot Bro Nkifrar kfo memor, “Yifung tayuk nukeft amfnahtwat.” To be ror kfomo yuhatn nukeft tanuka wuthamott yifungt. Nom gutnius mrokfot tafi wany juha, to inji tunmoh fasoh fasoh nefroh yifungtn tohmonom. Kto gutnius mrokfot mar nukeft kanjo niamott nom wanyhato hikmotnomt nd fasoh nefm thu trohmomnom, nukeft niahato yifungt tanuka hikefiwa kanjo. Nom nukeft tohhato nd Bro Nkifrarhu yuhuwafefti bbukeft hti duka tungu-newunomt. Kraisr nmoh yima yuhumn htahato rorhu gutnius kakitoh kihwonomt.

Kolosi 3:16

Kraisrhu tu dborioh mrokfom mfhat htakfot. Niko rpa rpa yimako wom wom Kristen yimampno yi rhuhato dborioh dborioh dukefmpno nakfo hta bohta marnyakfot. Niko Bro Nkifrar kfo yindhorhato Windoh Gonborngthu windohm yo nd Bro Nkifrarhu windoh furam, nd nd windohm windohkfot.

2 Timoti 1:13

Kfo yirmoh mrokforoh kfo nuhas yuham bi kfo hta nuhasmoyann. Nd yuhatn wahiktwa. Ninhu toheft Kraisrpno frtkafhato tohkfot. Ninhu toheft inji tohhato tuhan yindarim yak marnya bomarnyahato rpat tohkfot.

Hibru 2:12

Kfo memor, “Bro Nkifraye, ni hingrnamo hingrneft nanhu nmemrom kfo ptha srh nuhasruhanm. Bro rifiny swirmn yufat yutahato kfo ptha yindhorruhant.” Aisaia 8.17

Hibru 3:6

Jisasr nhai. Ror tu Bro Nkifrarhu yon mifer. Rorhu hingrneft inji korht. Fitoh yimar Bro Nkifrarhu yon kunyr mfkniyekwor, nd yimar Bro Nkifrarhu yonr rhuhato Jisasr tohukatohworr. Nom be Bro Nkifrarhu mrokfefm yakitoh kihhato nmoh yima yuhumio yindhorhato kangnom, “Bro Nkifrar ayak marnyarnom.” Inji dukarahnom be Bro Nkifrarhu yonnom rhurahnom.

1 Pita 1:1

Na Pitaya. Nann Jisas Kraisr aposer hingrneft fak htamor. Ndar gontwat nann wandfakhato htefiwant. Niko Bro Nkifrarhu yufatpno bi ruhet yimako, nikompno ndar gontwat niewut. Niko frohko rpen rpen natubatunihato Pontus tohwako, niko frohko Galesiat toh-wako, Kapadosiat tohwako, Esiat tohwako o Bitiniat, nd nd profinsm tohwako, ndar gontwathu mrokfom wahtitwakomm. Nd kmim niko toh-wam womroh kmiyem. Hefenr tor, tukmoh tohyuk kmir.

1 Jon 5:20

Bro Nkifrarhu yonr, ror bi niamor. Rorn dukefm kahukrnom. Dukefm yahukatrnom hti yimbu hikwonomr tu Bro Nkifrar. Bro Nkifrari rorhu yon Jisas Kraisrpno frtkafwonom. Jisas Kraisr tu Bro Nkifrayer. Rorn nd toh nkifraniyuk yafothat thu hmbritrnom.

Revelesen 2:13

Nd niko tohwa kmit na tawisafwant. Satanrhu rhuyuk sia kingt tot nd kmitn tuhtikmort. To tfit htita niko nhai yafhokahkomt nanhu yufat. Nanhu yufat yakitohhato nanhu mrokfom hikwokomm. Yo bingot wom yimar nanhu mrokfot hikhato nanhu mrokfot kfo ptha htfasmoa yima Antipasr ndha tohhato wasmohat, niko nhai wohsishato nanhu mrokfot yafhormokomt.

Revelesen 3:10

Niko nanhu mrokfom yak hikhato toh bmta bugamokomm niayuk krho nmbuham. Ndnettn nanhu tirmn rhurahko. Nanhu tirmn rhuruhakomn tfit ndar bbinysofthu tuhan yindariroh mfrnhombrayuk krhopam mekahtm aniekahnomn amfrnhombranomm, toh raforuhanko.

Revelesen 3:8

Na bi tawisafwanm niko niwa nefm. Tawisaf-wanko bi wuroh bbukefenrpar rhu-motrko nanhu mrokfom hikmokommn nhai nanhu yufat yafhormokomt. Nikmoh yauyuk yihotar bi tukann fak wuthahemoyanko. Nhai wom tamohm hta rafokahmr.