Jonr dwandfamo gutnius mrokfot 16:5 - Bro Nkifrarhu Mrokfot

⁵ To be bi kita tukanhu Yifemrpno. Tur kfo tkruraf-motra niamoya. Ndnetann bi tfit kita turpno. To niko nhai kfo ttiwon mikahkma, ‘Nine fitohko yita?’

Jonr dwandfamo gutnius mrokfot 16:5 ပူးပေါင်းရင်းမြစ်များ

Jonr dwandfamo gutnius mrokfot 13:3

Jisasr bi tur fak nhombramort Bro Yifemrhu bro bbukeft bi fakmort yo bi hti hikmort ror niamohat Bro Nkifrarpno wutoh tanyhato niamor tfit nohnineft tfit sinyanihato Bro Yifemrpno yirahr. Ndm bi tur hti hik bohik bugamormn,

Jonr dwandfamo gutnius mrokfot 13:36

Saimon Pitar warhuhato Jisasr kfo ttiwon memorr, “Broye, ni fitoko yiruha?” Jisasr kfo memorr, “Na yita yuhat ni nhai hik hnewotna. Kto mongkorne ee btn nierahn.”

Jonr dwandfamo gutnius mrokfot 14:28

Bi wanukma kfo yamuhat yirhoyann tfit nieruha. Nanhu Yifemr yura mtohekwor, na be rorhu yinhitn ritohtewa. Ndnettn nikmoh yima yuhum nann korhm, be nanhu yinyeft be hti yindhorrahko.

Jonr dwandfamo gutnius mrokfot 16:10

To frohmn Bro Nkifrar hti wuthewar? Nhai wom frohm hti wuthakahr. Ndnettn nann nohhato Yifemrpno yihato nhai wom htirhotkma.

Jonr dwandfamo gutnius mrokfot 16:16

Jisasr tfit kfo memor, “Bi brbohwot nanhu yinyeft. Afo hti hambrafrahkma, ee tfit toh hany tefihato tfit htiyakrahkma.”

Jonr dwandfamo gutnius mrokfot 16:17

Jisasr inji kfomotr wom disaiperm wanyaf hanyhato tum rinahti nahtihato kfo memom, “Ror kfi mrokfothu yimbu yuhat finji yorhwat? Kfo famur, ‘Toh tefi hasiwakomn hti hambraforahkma yo tfit toh tefinihato tfit htiyakrahkma.’ Yo womt kfo famur, ‘Ndnettn nann nohhato Yifemrpno yihato nhai wom htirhotkma.’”

Jonr dwandfamo gutnius mrokfot 16:28

Na afo Bro Yifemrpno wutohmoa. Tfit Yifemr wuhtanyhato ndar bbinysoft fawihnamoya. Tohmoyann be bi tfit kanga ndar bbinysoft htanyhato tfit Yifemrpno aiya.”

Jonr dwandfamo gutnius mrokfot 17:13

Na bi nia yibonwoyann nda bbinysoft afo tohetann nd mrokfom kfo pthiwanm. Kanga tuka hatohwa yindhoreft kanjo rom inji bro yindho-reftpno atohm.

Jonr dwandfamo gutnius mrokfot 17:4

Nd ni hayuk hingrneft bi hingrna bugamoyant. Inji nahato ninhu bro yufati bro nanyjar bbuka rifhur bi nd bbinysof thofm bi fak nuhas bonuhas bugamoyanm.

Jonr dwandfamo gutnius mrokfot 6:62

To kto Bro Najomr mikahtr, nd tur toh tanymo kmikor muhwa, to niko htiyaf hany thombat to finji?

Jonr dwandfamo gutnius mrokfot 7:33

Jisasr kfo memor, “Na be inji dfik yiham tohnho tanyrhoyanko tfit yiruha tukia kfo tkrurafyuk Yifemrhu kmiko.

Hibru 1:3

Bro Nkifrar yorhwa ruheft nd yonrn fak nhombramort. Jisasr htineft to mirahko ka Jisasr htitwonom, nhai, Bro Nkifrarhu ruheft htitko. Bro Nkifrarhu ruheft to bi Jisasrn fak nhombramort. Ror tu bro ptha nanyjaretrn ndar bbinysoft ror kfiwatr rorhu tng yuhatn bbinysoft rhu hik hanitwot. Ror nda bbinysofthu yimaroh fasoh nefroh yak thu yuham yak hta bohta marnya tanyhato yimor. Yihato mrhumor tu yura myorhekwa nanyjaret Bro Nkifrarhu tirmifko. Tu bro yufa yakyuk tirko mrhumor.

Hibru 12:2

Nmoh nyingako tohakyuk yima Jisasrn nmoh nyingam be rorrpar hti hti tonekfot. Nhai mano mano riyukatoh ayukatoh hanykfot. Rorn kfo htak hanyruharnom tonihany toni hanyhato be Bro Nkifrar yorhwa tkitt mtone fnahrahnom. Tot mtone tmbhoyuk tkitt. Jisasr bgre misn noh-mohat, nhai marimor, “Yimtnaruha.” Nhai. Rorhu dukeft kto hifa rhu nmbuhathu yakneft dukahato nhai yimtnarmor bgre mis nohmohat. Fura nd yimtna rifhur yak marsisanihato bgre mis nohmor. Ndnetrn arihat bi hifa tkittn Bro Nkifrar yimam bro yufa yahuka mkuko korhr.