Jonr dwandfamo gutnius mrokfot 10:4 - Bro Nkifrarhu Mrokfot

⁴ Sifsifm rim hfnahni thombat turn hatohekworm. Sifsifm bi rorhu tngt wany nhtetmn be rorn kak hikwom.

Jonr dwandfamo gutnius mrokfot 10:4 ပူးပေါင်းရင်းမြစ်များ

Matyu 16:24

Be inji kfonihato kfo memorm, “Wom yimar kangr, na ahik hneya, mirahr tur amdukak hanya. Nd dukefr mong trohhato rorhu bgre mis titahato na hikkfot.

Jonr dwandfamo gutnius mrokfot 10:16

Tom nanhu wom sifsifm. Nhai bi ndarwom sifsifmpno bi tohkahm. Ndmn kanga aiyakkahanmn wom sifsifmpno rpat htahato nanhu tngt bi wany nhtarahmt. Rpat wom sifsifmpno htahato rpa tohukatohrpaya yakitohruhanm.

Jonr dwandfamo gutnius mrokfot 10:27

Nanhu sifsifm awi nanhu mrokfom wany yakiowoma. Na tawisafwoyanmn nanhu mrokfom hikwomm.

Jonr dwandfamo gutnius mrokfot 10:3

Nd sifsifroh gnat tohukatohwa tohukatohr yifhatikt yak tfanyekwatrr rim fnahnitr. Sifsifroh yufam yutahato nakuneft rorhu tngtn wany tonitatm kak hfhanwatrm fnahnitm.

Jonr dwandfamo gutnius mrokfot 10:5

Rom nhai wom yima furam hik furakfot. Nhai. To wom yima furar nakuneft wany kakrmitmr. To rom nhai wom yima furaroh tngm wany tonekfot.”

Jonr dwandfamo gutnius mrokfot 10:8

Ndwom womt nanhu nyinga yuhat tohak hanyukm, rom rikoh yimayem, wuska teh hbotfayet yimayem. To ndnatn sifsifm nhai rroh tngm wany tone-rmoamm.

Jonr dwandfamo gutnius mrokfot 12:26

Fitoh yimar nanhu yinhit tohwor, nd yimar na hikhnahato nanpno rpat tohkfot. Yimar nanhu yinhit tohrahr, nd yimar nanhu Yifemrn bro yufat hirahrr.”

Jonr dwandfamo gutnius mrokfot 13:15

Na bi fak nuhasanko to be nd yuhatn wahiktwako.

Jonr dwandfamo gutnius mrokfot 18:37

Jisasr kingdomkfot kfomoatr tfit Pailatr kfo memorr, “Ni ka kinge, ndnetnn kfo kangn, ‘Nanhu kingdomkfot nhai ndar bbinysofthut rhukaht.’” Jisasr kfo memorr, “Uwa, na to finji kforhoya? Mrokfot to bi tot bi tunn kfiwunt. Na mmemt hiyauhato ndar bbinysoft niamohat, to yimaroh king tohhato Bro Nkifrarhu tu mrokfo yimbu yuha mifthu kfo ptha nuhasyuka niamoya. Yimam Bro Nkifrarhu mrokfo mift yakitohwam, nd yimam nanhu mrokfot wanukwomt.”

Jonr dwandfamo gutnius mrokfot 3:29

Yimar turhu kfo nanf tuhant yakyukr, ror tor. Yinowemr ror be tohhato wanukr mett yindarirhu yufat yuta thombat. Mett bi yindarirhu yufat kutewutr yinowemr be bro yindhoreft kekwotr. Ndtn tot nanhu tu bro yindhor nmbuhat yorhwat.

1 Korin 11:1

Kraisr yorhwa ruheft na htiyakhato nd yuhat korh hikwa. Niko tfit na yorhwa ruheft htiyakhato nd yuhat warhu hikko.

Efesus 5:1

Bro Nkifrar hifa hti dukewarko, rorhu yonko korhko. Ndnettn nikmoh rhu nmbuham be tur dukewa dukef yuhatn rhu hikkfot.

Hibru 12:2

Nmoh nyingako tohakyuk yima Jisasrn nmoh nyingam be rorrpar hti hti tonekfot. Nhai mano mano riyukatoh ayukatoh hanykfot. Rorn kfo htak hanyruharnom tonihany toni hanyhato be Bro Nkifrar yorhwa tkitt mtone fnahrahnom. Tot mtone tmbhoyuk tkitt. Jisasr bgre misn noh-mohat, nhai marimor, “Yimtnaruha.” Nhai. Rorhu dukeft kto hifa rhu nmbuhathu yakneft dukahato nhai yimtnarmor bgre mis nohmohat. Fura nd yimtna rifhur yak marsisanihato bgre mis nohmor. Ndnetrn arihat bi hifa tkittn Bro Nkifrar yimam bro yufa yahuka mkuko korhr.

Hibru 6:20

Jisasr bi nyinga yuhatn bi tohak hanymorn Bro Nkifrarpno yiyuk yihotohat fak nukak hanymort. Bro tohak prisr Bro Nkifrar rhumoa rumt yimoa kanjo inji yimor hefenr. Rorn nd bro tohak pris hingrneft be toh nkifranirahrt Melkisedekr kanjo.

1 Pita 2:21

Dborioh yimako wom yimam tat furemkon o finji nemko, to niko finji kforuhako? Bro Nkifrar to nd neftn nakumorko. Kraisr to niko dukahato krhopam fakmor. Nd krhoparoh yak yuham to bi turn fak nuhasafmorko.

1 Pita 4:1

Nmoh fasoh fasoh nefmpno Kraisr yonmari kku bebt hatoh-mort. Niko rorhu tat yima yuhur yakhato nd yonmari bkra kahm fknekfot. Mirahko yakrmanyomm. Tpi yakyuk tkitet. Nd bkra kaht bi ftoh-nikomt, to be nd tkittn ndar bbinysoft toh thombat be nhai tfit nd yatk yima yuhum tfit uhatone hatonehato suh-ruhatko. Be Bro Nkifrarhu dukefrpar hikhato tohrahko.

1 Pita 5:3

Mirahko tukmoh bro yufam dukahato Kristenm yihom toh mtoh yinomm. Nikomn dborioh nmbuhat htahato Kristenm htihato rom hikrahm.