Jems 5:19 - Bro Nkifrarhu Mrokfot

¹⁹ Bar yinouroko, wom Kristen yimar Bro Nkifrarhu tu yafothet mro-kfot myafhonihato bi nndoh yuhat bi yiyetr, tfit wom Kristenr yihato rorn womr yakhato tur toh tanyuk tkitt rim hterr, nd yimar inji nayukr, dborioh neft namor. Rorn ndwom yimarhu yafothat bi Maringou yuhat tohett, rorn tfit fakhemorr.

Jems 5:19 ပူးပေါင်းရင်းမြစ်များ

Matyu 18:15

“Ninhu wom Kristen yimatr wom fasoh neft nern, nd fasoh neft nayuk yimarpno yikfot. Yihato nifn turpatfn rhuhato kfo nuhas nriyafhekfot ror nayuk neft. Kfo nuhas nriyafhe-ruhatnr nd ror nayuk nefm yafhorahrm. Yafhoruharm tfit nayak marnyahato rpat toh marnyarahfn.

Lukr dwandfamo gutnius mrokfot 22:32

To ni Saimone mirahn duka yanhoya. Na kfo tatiwanr Bro Nkifrarko. Ni buha wom nefmn misuh thombat nhai be wundiat suhniruhatn tfit mkekutrahn. Tfit bi mkekutekn tfit yihato wom yimatm kfo bmta mrokfom wahitwanm.”

Galesia 6:1

Bar yinouroko duka marnyafo hanykfot. Nikmoh womr htita-wokomr wom fasoh neft yifir, niko womko, Bro Nkifrarhu Yafothatn nikmoh wiyauyau nmbuham yak hta bohtiwako, nikomn yihato hifa yima yuhur nd yimar kfo hta bohta marnya-kfot. To niko, nd yimar mrokfom kfo ptharahnomr, niko tuko duka marnyafo hanyhato womr kfo pthakfot. Satanr nikomn tfit rim suhnihato hatone nhehruhatrko suhrahko.

1 Timoti 6:10

Mfro maru dukefr yakitohneft, tot ndharn boknambok dukefm mfnah-rahm. Tot tu fasoh nefm sinyewa mnakort. Yimam nd maru dukefr yekwatrm fnahnitamn boknambok krhopam kekwom. Krhopam yekwamn yima yuhum nhai hwe marnyakahmm.

1 Timoti 6:21

Wom yimam to ndhtet yafotha duha mrokfom yakitohmomn Bro Nkifrarhu mrokfot mfafhonimomt. To be injirpa nanhu mrokfom. Bro Nkifrar atoh natwihtwarko.

2 Timoti 2:18

Nd yimaf Bro Nkifrarhu tu yafothet mrokfot bi fafhonimoft. Yimam kfo kangfm, noheh yimaroh sinya yihar bi yimor. Arihat nohyuk yimam nhai tfit sinyaruhatm. Inji kfiwatfm nd Krais Jisasrhu hik yima yuhur, nhai mfro bi sinyakahmm. Womm bi tfit kafhoni hanitmr.

Hibru 5:2

Ndar bbinysoft tohwa yimam Bro Nkifrar nhai hik tungunakahmr. Nhai. Womnam toh marnyewum. Womnam suhwom. Nd bro tohak pris hingrneft tohwa yimar to ndar bbinysofthu yimarn Bro Nkifrar kak htewur. Ndnetrn wom yimam Bro Nkifrar hik hanyhato msuhwohat nhai bmbri kfo nyingo fnahaknikahrm. Be hifa yima yuhurn kfo hta bohta marnyewurm.

Jems 1:16

Yo! Yinouroko, niko mirahko Bro Nkifrar niwa nefm ayak mmonomm.

Jems 1:19

Yinouroko, niko waduka hik marnyatwakomm nompno Bro Nkifrar niwa nefm. Ndnettn niko mrokfo wanyneft yimbhindangm yudbat tohetohkfot. Mrokfo kfo pthaneftn mirahko be yudbat duka marnya duha mrokfom atubatuyakninomm. Yo mirahko yudbat anamburakninom.

Jems 3:14

To womm faso duka bebhato tukmoh yufamn yura yura htarahkomm, to mirahko akfo amanyom, “Nom duka hik marnya bomarnyahato tamoh tamoh nefm newunomm.” Mirahko inji akfo furanom.

Jems 5:20

To mrokfot waduka hanyswakomt, wom yimar fasoh fasoh nefmn tohetr, to wom frohrn yihato kfo famurr, “Wurene, nd ni yita yihotat fasoh yihotat bi kitn. Wania ndar dborioh yuhat ainyo.” Nd yimar inji nayukr, rorn ndwom yimarhu yafothat bi Maringou yuhat tohett, rorn tfit fakhemorr. Yakhemotrr be nd yimarhu fasoh fasoh nefm Bro Nkifrar be mong trohhirahrr. Boknambok nefm nd yimar nayukm mong trohhirahrr.

2 Pita 3:17

Niko nanhu Kristen yimatko, nd giaman tisaroh nefm bi hti hik bohik bugamokomm. Rom be tu hanyjborna nngrajohwomm Bro Nkifrarhu mrokfom. Ndnettn niko dukefmpno tohkfot. Rroh fasoh yima yuhum hneruhamm faso faso kfo hta bohtaruhatmko Bro Nkifrarhu tu dborioh mrokfot niko yakitohwat myak htaniruhakomt tfit rroh dukefm hikrahko.

Jutr dwandfamo gontwat 1:11

Kenrhu hammo bohammoyeft romn fakmomt. Maruha yak yima yuhurpno rom niwa nefm, Balamr namo yuhatn hikwom. Mrokfo hanyjbornaneft, ndt Korar hanyjbornamo kanjo inji Bro Nkifrarhu mrokfom hanyjbornewum. Nd yuhat hikwom to be Korar yohnemo kanjo inji yohnirahm.