Jems 5:16 - Bro Nkifrarhu Mrokfot

¹⁶ Ndnettn niko tuko Kristenko tuko nakfo nriyaf nuhaskfot nikmoh tamoh tamoh nefenm. Womm wanyhiruhamko, romn kfo bruttna wuthafhiruhatmko ee tamoh dbohnefm rhuyukm thu trohrahmko. Yimar kfo bruttnayukr tu dborioh yimar kfo bruttnarahr, htirahnt nd kfo bruttna nmbuhat bbukefett rhuraht.

Jems 5:16 ပူးပေါင်းရင်းမြစ်များ

Matyu 21:22

Nikmoh yima yuhum rpa dukefrpar rhuhato tamohm kfo bruttna kfo mirahko, ‘Nom asomif kfiwohat Bro Nkifrar wanukwarn nd nom kfo bruttnewa shrm htitnomm.’ Inji dukahato kfo bruttnarahko, to be hti mifrahko.”

Makr dwandfamo gutnius mrokfot 1:5

Jerusalem thofm yo Judia-korhofm Jonrpno yihato nd rroh fasoh fasoh nefm kfo nriyafnimoamm tek Jodentn baftaisimmourm.

Lukr dwandfamo gutnius mrokfot 9:6

Be inji kfo hta bohtafmotrm, yimom. Kmi kmi yihato Bro Nkifrarhu mrokfeft kfo nuhas hanyhato dbohnet yimam, kmi yarh fknayetm fak marnya habrimomm.

Jonr dwandfamo gutnius mrokfot 9:31

Nom womt htitnom Bro Nkifrar nhai wanyhekahrm fasoh fasoh nefm nayet yimaroh mrokfom. Yimar Bro Nkifrarhu yima yuhur rhuhato rorhu dukefrn hikwar, tor nd yimar tamoh mrokfom Bro Nkifrarpno kfo pthaneft wanukrr.

Aposer 19:18

Bok yimam bi Jisasr hiketm yima rifinyrn niahnahato rom nayuk fasoh nefm kfo nriyafmomm.

Aposer 8:24

Inji kfomotfr Saimonr kfo memorf, “Bro Nkifrarpno wakfo bruttnakahtfna yuhuwafrhora nd nifn kfi nefm nhai yakrhotma.”

Rom thofroh gontwat Porr dwandfakhato htafmot 3:10

Bro Nkifrarhu rfa borngt yorhwa mrokfot to kfo kangt, “Nhai wom rpa yimar rorhu yima rifhurio wuthar rhuhato dborioh yimar tohkahr.

Rom thofroh gontwat Porr dwandfakhato htafmot 5:19

To rpa yimar Bro Nkifrar kfoyuk mrokfom hanyjbornahato fasoh neft namo yuhatn fasoh nefm kasi buga-momm yima bugam. To tfit rpa yimar wany yakiomo nmbuhatn yima bugaroh yima yuhum wutha bugarahm.

Kolosi 1:9

No nd Epafrasr kfo nuhasyuk mrokfom wanymo yiha, no Timotir-pno rikfo bruttnakmononko. No nhai yafhokahnonko. Kangno, “Bro Nkifrar akfo bruttnakahtnonr Kolosithu Kristenko be Bro Nkifrarhu dukef yuhatn hikrahko.” Yo Bro Nkifrarhu Yafothatn tu dborioh riduka aduka yima yuhur hirwattko be nd dborioh dukefrpar brorahrko.

1 Tesalonaika 5:17

Yindhor yima yuhurpno rhuhato yiha yiha kfo bruttna hasokfot.

1 Tesalonaika 5:23

Nd dborioh noh hmbre yima yuhu hnewa Bro Nkifrarn niko yakhato turpno rim yak htewatrko be rorhu tuhan yindariko rhu buganirahko. Rorpno tohruhakomn nikmoh yafotham yo yima yuhum yo tohefm be nhai faso faso yiruhatm. Nmoh Nungothet Jisas Kraisr nia thombat be nhai mrokfo duhatko rhurahko.

1 Tesalonaika 5:25

Bar yinouroko, Bro Nkifrarpno wakfo bruttnatwakmnom.

Hibru 11:4

Aberr Bro Nkifrar kfoyuk mrokfomn wany yakiomormn yemrom yakhato tarioh mthamorrko. Kenr ror nhai. Bro Nkifrar kfoyuk mrokfom nhai wany yakiormorm. Aberrpar Bro Nkifrar htihato kfo yindhormorr, memorr, “Aber, ni tu dborioh yimaye.” Aberr nhai wom tohkahr, bi nohngot-mor. To tfit nom arihat ror Bro Nkifrar wany yakiomo kindo nom Bro Nkifrar wany yakiokfot.

Hibru 11:7

Noar ror nhaf Bro Nkifrar bi kfo duka hta memorr, “Tu bro hnut nieraht. Nieruhatn bbinysoft rhuyuk tamoh tamohm nd hnutn yak bati bugarahtm.” Nd Bro Nkifrar kfomo hnut bbinysof thofm nhai htirmomt ndhtet hnut. Noar nd Bro Nkifrar kfomo mrokfot wanyhato rorhu yima yuhur fanhomorr. Nd duka yanuheft-pno bro sift hingrnamort. Nd hnut niamohat rori rorhu yon kunys rom nhai hnut fune habohirhato nohrmom. Bro Nkifrarhu mrokfot nd yima Noarpar wany yakiomort. Ndnetrn rorparn mfak htanimorr. Ndwom ndwomt nd hnutpno bati bugamom. Bro Nkifrar kfo memor, “Noarpar nanhu mrokfot wany yakiowartn rorhu toh nmbuhat toh marnyewurt.”

Hibru 12:13

Bro Nkifrar hikneft hik marnyakfot. Nikmoh toheft hifa toh marnyakfot. Wom yimam Bro Nkifrar hik hanyhato buha msuhneft niko womko htihato rom tfit sinya tohrahm.

Hibru 13:18

Nmoh toh nmbuham wakfo bruttnatwakmnom. Nom tunmoh rhu nmbuham nhai wom fasoh rhu nmbuham htikahnom ndm htihato btn Bro Nkifrarpno brbo yinyeft yimtnakahnom.

1 Pita 2:24

Nmoh fasoh fasoh nefroh krhopam Kraisr yura bgre mis fakmorm. Bi Kraisr nmoh fasoh nefmpno bgre misn nohmotr ndnettn nd nmoh fasoh nefroh nammo bammoneft yafhohato toh marnyakfot. Ror harhumo fhu bebt kfomot nmoh fasoh nefm yoh-nemom. Yimam Jisasr frtabotmo nmbuhatn Bro Nkifrar fak marnya-morko.

1 Jon 3:22

Yima yuhum inji rhuhato Bro Nkifrar tamohm kfo ttiwonwonomr, awi, kahukrnom. Rorhu mrokfom hikhato ror hti yindhorwa nefm hikwatnom, ndnetrn nom tamohm kfo ttiwonneft kahukrnom.