Jems 2:22 - Bro Nkifrarhu Mrokfot

²² Bi htitwoko? Abrahamr Bro Nkifrar kfoyuk mrokfot wany yakiohato hikmort. Tamoh neft Bro Nkifrar kfomot hingrna hikmort. Hingrna hikmotrt, to be nd tkittn Bro Nkifrar htihato duka memor, “Abrahamr tu wany yakiowet yimayer.”

Jems 2:22 ပူးပေါင်းရင်းမြစ်များ

Jonr dwandfamo gutnius mrokfot 6:29

Rom inji kfomotmr tfit Jisasr kfo memorm, “Bro Nkifrarhu hingrnefthu hingrneft inji korht: Nikmoh bro dukefm nd tu Bro Nkifrar kfo tkrurafomo yimarn rhukfot.”

Galesia 5:6

Bro Nkifrar yimam yukatoh thoft nhai tha puket yimam o tha puk duhat yimamn htikahr. Nhai. Yimam Kraisrpno rim tohhato womm hti dukewam, tom ndhtet yimam Bro Nkifrar kukatohworm.

1 Tesalonaika 1:3

Nom htitwonom nikmoh dukefm Jisasrn yihato dborioh nefm hikwoko. Dborioh nefm yakitohetkomn womm htineft kak marnyewukomm. Yo tamoh krhopam nianeft nhai yakrmekahko. Tohhato titewukomm. Krhopam titahato nikmoh dukefm kitm Nungothet Jisas Kraisr hneruha dborioh rhu nmbuhatn. Nom inji htitanomn Bro Nkifrar kfo yindhor-wonomr.

Jems 2:18

To tfit wom yimaroh htiyeft nndo htiruhamtn kfo wok mirahm, “Womm Kraisrhu dukefrparpno rhuhato nd dukefrparpno korhrm, womm nhai. Rom be Kraisrhu hiknefrpat hikhato Kraisrhu dborioh nefrpam newum. Ndt rot hifa.” To tfit akfoyanko. Be Kraisrhu dukefrpar rhuruhakomn nhai ror kfoyuk mrokfo yuhat hikhato dborioh dborioh nefm na duha yirahkomm, tone, finji kanjo hti duka mirhoya, “Ndr Kraisrhu dukefr ruhet yimayer.” To na, na Kraisrhu dborioh dborioh nefm yak nuhasrhotanko, ndm htiruhakomn, duka mirahko, “Ndr Kraisrhu dukefr ruhet yimayer.”

1 Jon 2:5

Yimar Bro Nkifrarhu mrokfom hiketr, Bro Nkifrar rorhu yima yuhur korhr. Yimar kfo kangr, “Na Bro Nkifrarhu mrokfom kak hikwa.” Inji kfet yimar tu Jisas Kraisrhu wura tfi yuhatn yau hikkfot. Jisasrhu wura tfi yuhat yau hikhato nom htiruhanomn kfo mirahnom, awi, Bro Nkifrarhu toheft toh hikwor.