Hibru 5:2 - Bro Nkifrarhu Mrokfot

² Ndar bbinysoft tohwa yimam Bro Nkifrar nhai hik tungunakahmr. Nhai. Womnam toh marnyewum. Womnam suhwom. Nd bro tohak pris hingrneft tohwa yimar to ndar bbinysofthu yimarn Bro Nkifrar kak htewur. Ndnetrn wom yimam Bro Nkifrar hik hanyhato msuhwohat nhai bmbri kfo nyingo fnahaknikahrm. Be hifa yima yuhurn kfo hta bohta marnyewurm.

Hibru 5:2 ပူးပေါင်းရင်းမြစ်များ

Hibru 4:15

Nom krhopam yekwa yakeft hti duka tungunewurt. Nom yekwa krhopam ror fakmoumr. Ror nd krhopam yakmoahat nhai wohsishato suhrmor. Nhai. Ror toh bmtamor.

Hibru 2:18

Jisasr yimanom kanjo tohhato wom yiham memour, “Bro Nkifrarhu dukeft ahika,” to nhai, mduka nhitamour. Turn wabbuka sinyahato memour, “Nd Bro Nkifrarhu dukeft ahika,” krhopam fakmour. Ndhtet nefm ror bi mhtiyafetrn btn nom tamoh nefm yakneft bmbri toh nuhaknerahrnom.

Hibru 7:28

Tfit nd prisroh mrokfot akfoya. Pris hingrneft tohwa yimam Mosesrhu boririfhut hikhato nd tu bbinysoft tohyuk yima frikeftn nd pris hingrneft kak htewum. Ndnettn nd yimam pris hingrneft yakitohneft kangm, “Bro Nkifrar ahiknom,” to nhai, womnam myak nhiyekwom hikneft. Bro Nkifrar turhu yinemr kfo memorr, “Na kfo mifwann, ninn tfit nd tu nyingako mtohekwa prisroh hingrneft yakitohrahnt. Ni nd hingrneft yakni thoft nhai tfit womr yakruhatrt ninhu tkitt. Tu be nhai mif. Na bi inji kfiwohat nhai tfit buha kfo kekutrhota.” Bro Nkifrar htimorr Jisasr tu Bro Nkifrarhu dukeft kak hikmour. Nhai wom fasoh nefm narmoar. Ndnetrn Bro Nkifrar nd mrokfot kfomorr.

Hibru 12:13

Bro Nkifrar hikneft hik marnyakfot. Nikmoh toheft hifa toh marnyakfot. Wom yimam Bro Nkifrar hik hanyhato buha msuhneft niko womko htihato rom tfit sinya tohrahm.

Galesia 4:13

Niko ka duka hanitko na wom yiha dbohneta nikompno yitoh-hato barkof yiha gutniuskfot kfo nuhasmohat.

2 Korin 12:5

Kanga nd yimarhu yufat ayuta grha yindhorante, to nhai. Na nhai tukanhu yufat tfit yuta grha yindhorkfot. Na ndhtet yimena, be nanrpayann finji narmoyanm tamoh nefm o finji hingrnarmoyanm tamoh hingrnefm. Bro Nkifrar tohnhomotra tamoh tamoh nefm namoyanm o hingrnefm hingrnamoyanm. Ndtpno na Bro Nkifrar kfo grha yindhorwanr.

1 Timoti 1:13

Na tafi rorhu hingrneft yarim fnahne duha na nda ror kfo garib bogarib hnamoahat, yo tamoh tamoh nefm na namoampno rorhu yima yuhenr muh wohne thunimoahat, yo faso faso kfo rindho borindho thumoahat, ror nhai nd na nayuk neft mhtiyakrmor. Nhai. Yuhuwafmora. Na namoa nefm ror htimohat duka memor, “Ndr niwa nefm tafi na hti duka tunguna duha ndnetrn ndhtet nefm newurm.” Rorhu htiyeft inji htihat hifa yima yuhur niamotrr nhai yak tutfarmora.

2 Korin 11:30

Na nhai tuka kfo grha yindhor mekfot na nd nahnamo nefm tukanhu duka tungunefrpno nahnamoyanm yo na hingrnahnamo hingrnefm tukanhu duka tungunefrpno o bbukefrpno hingrnahnamoyanm. Nhai. Na ndhtet yimena, be nanrpayann finji narmoyanm tamoh nefm o finji hingrnarmoyanm tamoh hingrnefm. Bro Nkifrar toh-nhomotra nd tamoh tamoh nefm namoyanm o hingrnefm hingrna-moyanm. Ndtpno na Bro Nkifrar kfo grha yindhorwanr.

Lukr dwandfamo gutnius mrokfot 22:32

To ni Saimone mirahn duka yanhoya. Na kfo tatiwanr Bro Nkifrarko. Ni buha wom nefmn misuh thombat nhai be wundiat suhniruhatn tfit mkekutrahn. Tfit bi mkekutekn tfit yihato wom yimatm kfo bmta mrokfom wahitwanm.”

Efesus 4:18

Rroh dukefm be inji nkrtn korhmm. Bro Nkifrarhu mrokfom mhamuh tfanihato mong trohwomr. Ndnetmn nhai Bro Nkifrarpno brbo yikahm. Be inji wuri korhm.

Hibru 2:17

Bro Nkifrar kfo memorr, “Bbinysofthu yimam kangn hifa tkitt ayak htayanm, btn ndhtet neft afo rompno yihato rom tohwa tkitt watohnhokahnm rom krhopam yakneft ni htiruhann hti yuhuwafrahnm. Ninhu yuhuwaf nmbuhat rom hti dukaruhamn rom tamoh krhopam rhunefm ni prisroh bro tohak prisn kanjo rroh krhopam mhiruhatmn tfit ninn yakhato nann yuwa hirahn. Ni be buha tohhato rroh fasoh nefm yak tuhafhikahtnm nanpno nierahm.”

Hibru 9:7

Tu bro tohak prisrpar rim fnah-nimourt tu Nngrajoh Hnaru Gnanheht, tu Bro Nkifrar rhumoa tkitt. Nhai be yiha yiha yirmoart. Nhai. Rpa gunyjimr rpa yiharpar fknenimour. Tfit wom gunyjimr nhaf inji be rpa yiharpar. Nd gnanhehr yihom fknenimoahat nhai be sfno fkne furanirmoar. Nhai. Yemro kkut yaknihato ndm afo Bro Nkifrarpno yihom htamoatrm tu bro tohak prisrhu toh rawofm Bro Nkifrar frwus bowusmourr. Frwusnimoarr ee kto wom yemro kkut htamoatrt met yindarim duka mmonihato namoa fasoh nefm Bro Nkifrar hta wunaf hemourm.

Jems 5:19

Bar yinouroko, wom Kristen yimar Bro Nkifrarhu tu yafothet mro-kfot myafhonihato bi nndoh yuhat bi yiyetr, tfit wom Kristenr yihato rorn womr yakhato tur toh tanyuk tkitt rim hterr, nd yimar inji nayukr, dborioh neft namor. Rorn ndwom yimarhu yafothat bi Maringou yuhat tohett, rorn tfit fakhemorr.

1 Pita 2:25

Sifsifm kanjo frfnah wurasoh-hato fau mmo bammo htfasmoko. Tfit arihatn sifsif tohukatohwa yimarpno bi tfit nia tohwoko.