Hibru 4:9 - Bro Nkifrarhu Mrokfot

⁹ Nd mrokfom mhti dukahato duka kangnom Bro Nkifrar hikwa yimaroh rhu marnya yihar afo tor riyorhwor.

Hibru 4:9 ပူးပေါင်းရင်းမြစ်များ

Matyu 1:21

Nd rot hiyauruha yonrhu yufat wayutatwanr Jisasr. Rorn nrfa rafakrahrm tuhan yindarirm Bro Nkifrar finji naneft. Ndnettn nd Jisas yufat wahmbritwanr.”

Taitus 2:14

Bi Kraisrn nmoh fasoh fasoh nefm suh nanyor-morm. Bi rorn suh nanyormotr yima yuhum wuthanimom. Be bi tu Bro Nkifrarhu yon bugayenom. To be ariham be dborioh nefrpam nakfot.

Hibru 11:25

Nanhu sinya tanyukkorhof yimam tu Bro Nkifrarhu yon kunyet. Rompno kanga rpat atohkahnomn rom yekwa krhopam rpat ayaknom, nhai mrokfom. Na wofnkaha kingrpno tohhato rorhu fasoh nefm hikneft. Yimam ndhtet rhu nmbuhat rhuyukm nhai ndhtet rhu nmbuhat toh nkifranikahm. Nhai.”

Hibru 3:11

Nd nmbuhatn na namburhato kfo memoyanm, ‘Na tu be kfo mif mifwa, be nhai nanhu rhu wita tkitt nieruhatko.’” Sng 95.7-11

Hibru 4:1

Bro Nkifrar bi kfomornom rorhu rhu wita nmbuhathu yakneft. Ndnettn nom duka yanohefr-pno rhukfot. Nom wofnkahnom rhu wita tkitt yihato nmoh womr Bro Nkifrar hti hambrakneft.

Hibru 4:10

Bro Nkifrar hingrnahany hingrna hanyhato wuroh 7-yuk yihar rhu witamo kanjo inji rhu witarahm ror hikwa yimam.

Hibru 4:3

Nom fitoh fitoh met yindarinom Bro Nkifrarhu mrokfeft wany yakiowanom, nd rhu wita nmbuhat bi Bro Nkifrar arihatn kahukrnom. Bingot Bro Nkifrar nd nmbuhat dukahato kfo memor, “Nd hanyjbornamo nmbuhatn na namburhato kfo memoyanm, ‘Na tu be kfo mif mifwa niko be nhai nanhu rhu wita nmbuhat yakruhatko.’” Sng 95.11 Bro Nkifrar kfomor rhu wita nmbuhathu hanyeft. Inji kfomohat nhai be marimor, “Romrpam hiruha nd rhu wita nmbuhat.” Nhai. Nom arihat tohwa yima buganom rpat dukahato inji kfomor. Bingot Bro Nkifrar bbinysoft hingrnamohat kfo memor, “Kto bbinysofthu met yindarim rhu wita nmbuhat hiruhanm.”

Hibru 4:8

Nd Bro Nkifrar kfomo rhu wita tkitt bi Josuarpno ayakmt to nhai tfit Bro Nkifrar wom yiham Defitrpno kformor.

1 Pita 2:10

Niko nhai bi Bro Nkifrarhu kmiko rhurmoko, arihat bi Bro Nkifrarhu kmiyeko. Niko afo nhai hti yuhuwafhato yak marnya hna-rmorko, arihat bi kak marnyahne-wurko.

Revelesen 14:13

Tfit wom tngt yura hefen yuhat wanyakmoyant kfo hany memot, “Wom mrokfot wawandfa wamitwa, ‘Ariha tohwa yimam yo kto tohruha yimam Bro Jisasrpno frtkaf kihhato mfnohm ayindhortwam.’ Yo tfit Bro Nkifrarhu Yafothat nd mrokfot kfo yakio memot, ‘Uwa, ndt tu kfoyet. Ayindhortwam. Nd yonmari yonmari hingrnefm rom hingrna minysaf hasiwami krhopam toh hasiwam myak htanihato mrhu witarahm. Rom kot mtoh thoft nd tum nahnayuk dborioh nefm tohnhorahmm.’”

Revelesen 21:4

Rroh nur nyingam rorn yak thurahrm. Yimam be nhai wom nohruhatm o nhai wom nurhato yima noh bb kunys rhuruhatm o nhai wom penkfot yakruhatm. Nd bingot rhumo ruheft nhai wom tfit rhuruhatt.”