Hibru 4:3 - Bro Nkifrarhu Mrokfot

³ Nom fitoh fitoh met yindarinom Bro Nkifrarhu mrokfeft wany yakiowanom, nd rhu wita nmbuhat bi Bro Nkifrar arihatn kahukrnom. Bingot Bro Nkifrar nd nmbuhat dukahato kfo memor, “Nd hanyjbornamo nmbuhatn na namburhato kfo memoyanm, ‘Na tu be kfo mif mifwa niko be nhai nanhu rhu wita nmbuhat yakruhatko.’” Sng 95.11 Bro Nkifrar kfomor rhu wita nmbuhathu hanyeft. Inji kfomohat nhai be marimor, “Romrpam hiruha nd rhu wita nmbuhat.” Nhai. Nom arihat tohwa yima buganom rpat dukahato inji kfomor. Bingot Bro Nkifrar bbinysoft hingrnamohat kfo memor, “Kto bbinysofthu met yindarim rhu wita nmbuhat hiruhanm.”

Hibru 4:3 ပူးပေါင်းရင်းမြစ်များ

Matyu 13:35

Ror inji be kfo nhombra kanjo mrokfom kfo pthamoahat, to bingot profetr kfomo mrokfo yuhat hik twanhomot. Profetr bingot kfo memor, “Mrokfot kfo ptha thombat, be inji yura yafuna hakuruhanm mrokfom. Nd kfo yafuna mrokfom yimam nhai wany hnarmoam.”

Matyu 25:34

Yak nhtanihato nd tirmifko tohyuk tuhan yindarim kfo mirahrm, ‘Niko nhai mrokfom, nanhu Yifemrko bi fak marnya bomarnya htamort nikmoh rhu nmbuhat. Be wania furako. Waniakahkomn Yifemr kfo htayuk kingdomkfot nikomn tohrahkomt. Ndar bbinysoft trhamo yiha bi nikmoh yufampno kfo htamort.

Efesus 1:4

Bi ndar bbinysoft tafi hingrna duha bi Bro Nkifrar kfo hta memor, Kraisrpno tir nayakitoh-ruhanomn tu Bro Nkifrar kanjo rhuhato yima yuhum wutham rhuruhamn nhai wom kspitefenm rhuruhatm. Bingot Bro Nkifrarhu yima yuhur bi nompno riruhakmor.

Hibru 3:11

Nd nmbuhatn na namburhato kfo memoyanm, ‘Na tu be kfo mif mifwa, be nhai nanhu rhu wita tkitt nieruhatko.’” Sng 95.7-11

Hibru 3:14

Bi Bro Nkifrarhu mrokfot rifakitoheknomt, to be nd mrokforpat yakitoh kih hanykfot. Yakitoh kihhany be noh nefrpatpno myafhothunikfot. Bro Nkifrarhu mrokfot inji yakitohrahkomt be Jisasrhu yon kunys rhurahko.

Hibru 9:26

Ndar bbinysoft trhahato ndar yonmari yiham toh hnamom, nhai htirmonom Jisasr nia minohhato tfit hefenr mtoh tany tfit yawihna minoh-hato tfit hefenr muh inji narmor bok yiham. Nhai. Ror rpa niat niahato minohmohat, to be. Bro Nkifrarhu nia yihat bi brbohtn. Ndnatn minohhato to be nd nom kiminysaftamo mtitikt nd yiha puk dbrufakmornom.

1 Pita 1:20

Nmoh fasoh fasoh nefm Kraisr tkitt yakhato nohneft, ndt Bro Nkifrar mounti bbinysoft tafi hingrna hta duha nd dukefr bi duka htamorr. Nda tu wuroh yihampno Kraisr niahato yima rifiny buharn suh nanyormor.