2 Korin 13:3 - Bro Nkifrarhu Mrokfot

³ Kangko awany hiknome, wawanyko! Kraisr nhai hti marsisa hasokahrm fasoh nefm nahaset yimam. Nhai. Ror bbuka nanyjaretrn rorhu bbuka nanyjareftpno nd fasoh nefm nayet yimam kak hta bohtewurm. Ndnettn na rorhu tkitt tohhato rorhu mrokfot kfo pthayuka, na kfo nyinga fnah-wanm nd fasoh nefm nayet yimam.

2 Korin 13:3 ပူးပေါင်းရင်းမြစ်များ

Lukr dwandfamo gutnius mrokfot 21:15

Mrokfo rifhur nann thu hmbriruhann. Nd kotimyuk yimam nd heyuk mrokfo rifhur kfo hirahnm, be nhai wom finji ptharuhatm.

1 Korin 7:40

Be nanhu duka yima yuhurn duka kanga nd yindarir nohtaniyet mett tfit wom yimar yak duha yinyeft hifa, rothu rhu nmbuhat rhu yindhorrahtt. Na inji htita, na nd kfiwa mrokfom, Bro Nkifrarhu Yafothat yorhwotta mrokfom kfo pthiwanm.

2 Korin 10:1

Kraisrhu noh hmbre yima yuhurpno na Pora mrokfot kfiwanko. Mirahko na kfoyuk mrokfom awany marsisanomm. Wom yimam kfo wok kangma, “Porr be bbinysofthu yimam kanjo turhu rhu nmbuhat dukahato hingrneft hingrnewur. Rorhu neft inji htitwonomr, nompno tohrahr nmoh nyingampno rorhu mrokfom kfo marnya bomarnya, yak marnya bomarnyarahrnom. Tfit wuri tohwor, rorhu mrokfom kaht kanjo kurwom.” Inji kfiwuma. Wawanyko, na nia thoft inji kfoyuk yimam afo kaht kurnirahm. Na mirahko kfo ddiwur. Afo kaht kur gnngirahm. Niko awi nhai kforhotanko. Mrokfo kfoyuk yimarpam afo htiruhanm.

2 Korin 10:4

Nom yahrt tohhato yakitohwa kfra inyarut nhai ndar bbinysofthu kfra inyaru kanjohot kfra inyarut yakitoh-kahnom. Nhai. Nom yakitohwa kfra inyarut bi Bro Nkifrarhu kfra inyarut kakitohwonom. Yahr kmim tu hmbre-neft nhai wom hamuhkahm.

2 Korin 12:12

to htimokomt na nikompno tohhato hingrnamo hingrneft? Finji tohhato hingrnamoya? Tot fak nuhasmoyanko tu aposerroh hingrnayuk hingrna yuhat. Nd wuruha aruha niayuk krhopam na tohhato titamohat ndm htimokomm, yo htimokomm na wonk wonk mirakerm na hingrnamom, yo wonk wonk nefm na hingrnahato tuhant yindars miyoh riha rmonhato Bro Nkifrarhu bbukeft htimohat.

2 Korin 2:10

Wom yimar nayuk neft mong trohhirahkomr, na to inji mong trohahukanr. Yimam nanpno mrokfetm rhuneft, Kraisrhu nyingahato nd yimam nayuk nefm yafhohato mong trohwanm. Duka kanga na inji anakahta niko htiruhakomn nd yuhat hikrahko.

2 Korin 2:6

Be bi fak gnngtat-mokomr, be tmifko mirahko tfit wom nefm ananomr.

2 Korin 9:8

Nd yindhorpam-pno Bro Nkifrar mikahtr athu brurhi-yanko, nikmoh rhu nmbuham nhai wom tamohm yak nafruhatko. Mfro mfro harhuruhakomn wom womt hti duka hanyrahkomm.