2 Korin 1:3 - Bro Nkifrarhu Mrokfot

³ Bro Nkifrarhu yufat akfo yindhor-nomt. Turn nmoh Bro Nungothet Jisas Kraisrhu Yifemer. Ndr yima yuhuwafet Bro Nkifrayer. Tamoh tamoh krho yima yuhumpno rhu hasoneft nd Bro Nkifrarn hifa yima yuhum hnewatrm yima yuhum thu jubtwanitm.

2 Korin 1:3 ပူးပေါင်းရင်းမြစ်များ

Jonr dwandfamo gutnius mrokfot 20:17

Jisasr kfo memort, “Mirahn bi ayaktiyanr. Na tafito afo Bro Yifemrpno muhrmoya. Be waikahnn nanhu nmemrom wakfo wamitwanm, na tfit yura muhhato na yifemwa Yifemr yo niko yifemwa Yifemrpno tfit yiruha yo na kfo bruttnewa Bro Nkifrar yo niko kfo bruttnewa Bro Nkifrarpno tfit yiruha.”

2 Korin 11:31

Nd Bro Nkifrar, Bro Nungothet Jisasrhu Yifemr, nom nd yura yura kfo yuta hagrhewar, na nd Nkifrar tawisafwora, na kfo hnayuk mrokfom nhai kfo nhehkohanko.

2 Korin 7:6

Tu hifa Bro Nkifrar kak marnya bomarnyewurm krhopampno rhu haset yimam. Ndnettn nd nmoh krho yima yuhum rhu hasoyukm, hifa Bro Nkifrar kasinyamotrr Taitusr, rorn niahato ror hnayuk mrokfom nom wanyhato be nmoh yima yuhum mirhumom.

Efesus 1:17

Nmoh Nungothet Jisas Kraisrhu Bro Nkifrar, tu bro nuka nanyjareft hatohet Bro Yifemr kfo bruttna thombat kfo kanganr, “O tunga Nkifraye, nmoh Bro Yifeme wayak hta bohtakahnm riduka aduka yima yuhum wahanym. Wahekahtnm ninhu mrokfothu yimbu yuhat yak-rahmt. Yakhato mhti dukakrahmn. Mhti dukakruhamn ninpno nia tohrahm.”

Efesus 1:3

Bro Nkifrarhu yufat yuta yindhor boyindhorkfot. Bro Nkifrar nmoh Nungothet Jisas Kraisrhu Yifemer. Nmoh toh nmbuhat Kraisrpno nayakitohhato hifa tohwatnom Bro Nkifrar inji htihato nd hefen rifhur yorhwa dborioh dborioh wuskar yak hirahrnom.

Filipai 2:11

Tabokmehato Bro Yifemr kfo yindhor mirahmr, Jisas Kraisr tu Broyer.

Kolosi 1:3

No kfo bruttnahato nikmoh yufam yuta thombat, nmoh Nungothet Jisas Kraisrhu Yifemrpno kfo yindhorwo-nonko.

1 Pita 1:3

Akfo yindhor boyindhornomr Bro Nkifrar, nmoh Nungothet Jisas Kraisrhu Yifemr. Bro Nkifrar nom yuhuwafhato Jisasr bi nohhato yopt ruhetr tfit kasinyamorr. Jisasr yima nfrir tfit tohhato nfri dborioh rhu nmbuhat he hanitrnom. He hanyhato nom htitwa-nomn nmoh yima yuhum sinyewum Bro Nkifrarparhu yakitohhato hikneft.

2 Jon 1:4

Ninhu wom yonm Bro Nkifrarhu mrokfo mifmift yakitohhato hikwatmt na yindhorwa. Bro Nkifrar to ndhtet toh yuhamn kfiwurnom tohneft.

2 Jon 1:9

Wom yimar Kraisr kfo htayuk mrokfo yuham myak htanihato turhu dukefrn hikneft, nd yimar nhai wom dukakahrr Bro Nkifrar. Be mong trohnitrr. Yimar Kraisr kfo htayuk mrokfo yuham hikwar, Bro Yifem nitohfpno brbo frtkafwor.