1 Korin 7:9 - Bro Nkifrarhu Mrokfot

⁹ Ndt be tukomn tukmoh yima yuhum yak nhombrakfot. Kak nhombra titko brio toh furaneft, to be ni metn ram yakkfot, yo ni yindarin met yakkfot. Briyo tohrahn, metmpno yo yindarimpno yi htfasneft yak tfaktirahnr.

1 Korin 7:9 ပူးပေါင်းရင်းမြစ်များ

Aposer 19:36

Nhai wom fitoh kmi thofrn riyak htafruhatrt. Ndnettn niko be nhowi afo rhukfot. Mirahko be nikomn bmbri bmbri finji ananom.

1 Korin 7:2

Tmift, htitnom met yindarim nhai warhukahm. Thatipm he htfaswom. Ndnettn duka kanga met yindarim nhai toh furakfot. Metm ramet bugam rhukfot yo yindarim tuhanet bugam rhukfot.

1 Korin 7:28

Kto tuhan yakrahn, ndt mirahn ka Bro Nkifrarpno mrokfeta rhuruha. Nhai. Yo Bro Nkifrar hiket tuhan tmaht, tafi yindari dukefr toh duha met tmaht, nhaf inji, kto wom yimar yakneft miraht ka ndt Bro Nkifrarpno mrokfeta rhuruha. Nhai. Yimam tuhanetm rhuneft bok krhopam yakrahm, ndnetann nhai wofnkaha niko tuhanetko rhuhato ndhtet krhopam yakneft. Nd dukeftpno nd mrokfom kfiwanko.

1 Korin 7:36

Wom nakfo nanfet met yindarif tohhany tohhany, yindarir nhai wofnkahr toh hatoh furaneft, kangr, “Be yudbat mett ayaka,” nd yima yuhur be mfro tohworr, to be nhai mrokfom yudbat niyakneft. Bro Nkifrar nhai finji kforuhatr.

1 Korin 7:39

Tfit ramemrom noh htanita metroh mrokfotn tfit kfo ptharuha. Niko bi wany hneteko. Mett tafi rot yakyuk yindarir noh duha, afo rpa raft kakitohwotf. Nd rot yakyuk yimar bi fnohnir, nd raft nhai wom rpat yakitohkahtf. Kangt, wom nfri ramr ayaka, nhai mrokfom. Tmift nfri yimar yakneft, hti hanyhato Kristen yimarn yakkfot.

1 Tesalonaika 4:4

Niko tuhanet yimako yo ramet metko yo niko damiagko yo tmahko mirahko Bro Nkifrar hik duha yimam kanjo met fura bofurampno yo yindari fura bofurampno arim fnahnom. Wom mett htihato yima yuhur sinyewur o mett wom yimar htihato yima yuhur sinyewur, nd yima yuhur yudbat yak thukfot o yakrme trohkfot.

1 Timoti 5:11

Yo mirahn tmah dhirroh yufam bi ayakkahanm dhir metroh yufam yorhwa gonborngtn bi ahtayanm. Nd dhirm nd gonborngt yufa htaneft afo bro mrokfot kak dbkafwom. Kfo kangm, “Nom nhai tfit wom nfri ramr yakruhatnom. Nom be inji toh furahato sioshu hingrnefmn yakitohnhorah-nom.” Mrokfot inji kak dbkafwont. To nom bi htiyetenom metm yuhre tmahmn yindarim noh htanineft, yima yuhum tfit sinyewatmm wom nfri ramr yekwamn nd barkof yak dbkafyuk mrokfot yi furewut. Nfri ramr yaknitamn sios hingrneft htanywomt.

1 Timoti 5:14

Ndnettn nanhu dukeft duka kanga fitoh metm yuhre tmahmn yindarim noh htanimm, nd metm afo tfit nfri yindarir yakkfot. Nfri yindarir yakhato afo nd yon mtitofr afo yakitoh hanyhato tu bro yon kunyet metroh hingrneft afo yakkfot. Inji naruhamn nd nom hti dbnotwa yimam nhai yarim tohnehato wom tng bebm turuhatmt.