1 Korin 7:2 - Bro Nkifrarhu Mrokfot

² Tmift, htitnom met yindarim nhai warhukahm. Thatipm he htfaswom. Ndnettn duka kanga met yindarim nhai toh furakfot. Metm ramet bugam rhukfot yo yindarim tuhanet bugam rhukfot.

1 Korin 7:2 ပူးပေါင်းရင်းမြစ်များ

Matyu 5:32

To tfit nann wom kfot kfiwanko, wom yimar turhu mett, ijoh yuhat yi juha, be yak tuhafo furahato mett toh fura hasohato tfit wom yimar yakneft, nd rot yakyuk barkof yindarirn fasoh nmbuhat rihiyafmort. Rorn yak thu furafmotrt rot toh fura hasohato tfit nfri yimar yakneft, nd nfri yindarir ijoh yuhatuher. Yo nd mett, ror yakyukt, ijoh yuhathu metet.”

1 Korin 6:18

Niko dukefmpno yiha yiha rhukfot. Nd ijoh tone dukefr mfnahwor yak karhukfot. Yimam ndar tamoh tamoh nef furam niwohat nhai turoh yafotham faso yak bebkahmm. Yimar wom metmpno yi htfaswor o mett wom yindarimpno yi htfaswot, nd neft yimam niwat, ndt be turoh yafothat kak bebwom.

1 Korin 7:1

Nd niko wandfamo tuhan yak yuharoh kfo ttiwon mrokfotn, bi afo kfo ptha nuhasaforuhanko. Yimar kangr tuhan yak duha be inji sfno atoha, nhai mrokfom.

1 Korin 7:3

Metm yindarim ramet bugam yo tuhanet bugam rhuhato tuhanemt nhai hakkrkfot rothu thatipt. Rothu thatipt ramemruhet. Yo ramemr nhaf inji, nhai rorhu thatipt hakkrkfot. Rorhu thatipt tuhanemtuhet. Tuhanemthu thatipt, nhai tu tuhanemtn kfohato ramemr be hikkfot. Nhai. Ramemrhu tngtn rot be wanyhato hikkfot. Ramemrhu thatipt nhaf inji. Nhai tu ramemrn turhu thatipt kfohato tuhanemt be hikkfot. Nhai. Tuhanemthu tngtn ror be wanyhato hikkfot.

1 Korin 7:9

Ndt be tukomn tukmoh yima yuhum yak nhombrakfot. Kak nhombra titko brio toh furaneft, to be ni metn ram yakkfot, yo ni yindarin met yakkfot. Briyo tohrahn, metmpno yo yindarimpno yi htfasneft yak tfaktirahnr.

Efesus 5:28

Ndnettn niko yindariko tukmoh thatipm yak marnyiwa kanjo tukmoh metm yak marnyakfot. Yimar turhu mett yak marnyiwar, nd yimar turhu thatipt hti wofnhato yak marnyiwa kanjo inji kak marnyewurt mett.

Efesus 5:33

To mirahko nd mrokfot ka Kraisri ror hikwa yimarpampno kitwot nd mrokfot. Nhai. Nd mrokfot to rpat kitwot niko rpa rpa yimako yo rpa rpa metko. Ni yindarin, tunhu yak gb tuhant marbit htakfot. Tunhu thatipt yak marnyiwa kanjo mett inji yak marnyahato yakitohkfot. Yo ni metn tamoh nefm naruha, tunhu yindarir mhti yakrmiyak hanykfot.

1 Tesalonaika 4:4

Niko tuhanet yimako yo ramet metko yo niko damiagko yo tmahko mirahko Bro Nkifrar hik duha yimam kanjo met fura bofurampno yo yindari fura bofurampno arim fnahnom. Wom mett htihato yima yuhur sinyewur o mett wom yimar htihato yima yuhur sinyewur, nd yima yuhur yudbat yak thukfot o yakrme trohkfot.

1 Timoti 4:3

Ndhtet yimam kfo ptha kangm tuhan yakneft ndt fasohet, yo mur yeshrt ye fura bofuraneft ndt fasohet. To nd yemrote be tum dborha furamom? Na kanga nmoh yeyukmn Bro Nkifrar hingrna htamorm. Yimam bi Bro Nkifrar hikhato rorhu tu yafothet mrokfot yakitohetm kfo bruttnahato yanyeft nhai mrokfom.