1 Korin 5:3 - Bro Nkifrarhu Mrokfot

^3-4 Ar wuri toheta, thatiprpat wuri tohwot, nanhu yima yuhur nikompno korhr. Yima yuhur nikompno yorhwarn nd yimar nayuk neft na bi htimoyant. Ndar na yimaya hatohwa nyingam htita kanjo nd yimarhu neft bi htimoyant. Htihato nd yimarhu finjina finjina yuham bi duka htamoyanm. Ndnettn na nmoh Nungothet Jisasrhu yufatpno kfiwa. Ndhtet neft nayet yimar wayak gnngtattwakomr. Warhu rifinykahkomn nd yimar kangko finji ananomr, mrokfot bi rifiny swirtn wayak dbkaftwakomt. Nanhu duka yima yuhur nd rifiny swirt rhurahr yima mifa yorhwa kanjo. Nd niko yak dbkafruha mrokfom, nmoh Nungothet Jisasrhu bbukeft hingrnarahtm.

1 Korin 5:3 ပူးပေါင်းရင်းမြစ်များ

1 Korin 5:12

Mirahko wom yima fura bofuram tafi sios yarim fnahna duhatm nayuk nefm htihato ayak gnngtatnomm. Nhai. Rom Bro Nkifrarn htirahrm. Bi sios tohet rhunefm htihato yak gnngtatneft, nhai mrokfom. Wayak gnngtattwakomm. Bro Nkifrarhu rfa borngt kfiwa mrokfot kfo kangt, “Fasoh fasoh nefm nayet yimar wayak tuhafotwakomr.” Ndnettn nd womrhu mett hatohet yimar rhunho duha.

2 Korin 10:1

Kraisrhu noh hmbre yima yuhurpno na Pora mrokfot kfiwanko. Mirahko na kfoyuk mrokfom awany marsisanomm. Wom yimam kfo wok kangma, “Porr be bbinysofthu yimam kanjo turhu rhu nmbuhat dukahato hingrneft hingrnewur. Rorhu neft inji htitwonomr, nompno tohrahr nmoh nyingampno rorhu mrokfom kfo marnya bomarnya, yak marnya bomarnyarahrnom. Tfit wuri tohwor, rorhu mrokfom kaht kanjo kurwom.” Inji kfiwuma. Wawanyko, na nia thoft inji kfoyuk yimam afo kaht kurnirahm. Na mirahko kfo ddiwur. Afo kaht kur gnngirahm. Niko awi nhai kforhotanko. Mrokfo kfoyuk yimarpam afo htiruhanm.

2 Korin 10:11

Nd yimam ndhtet mrokfom kfiwam ka nhai dukef duhatem? Nom gon-twam htefiwa mrokfom yo yima tnge yi kfiwa mrokfom nhai tfit nndo nndo kfokahnomm. Ndnettn nom wuri tohhato gontwamn htafmo mrokfom, nom tfit nia thombat nd yuhatn kfo hikrahnomm.

2 Korin 13:2

To ndt finji dukewako? Na bi namba tu taim nianeftpno nikmoh fasoh nefm mhtiyaknihato bro kfo duka mrokfot kfo tanymoyanm nd fasoh nefm nayet yimam. Tfit ariha afo yuhre nndo tohhato kfo duka mrokfot kfo duka kanganko, na tfit niahato nd fasoh neft mhtineft, nhai hti marsisa-rhotanm nd fasoh neft nayet yimam.

Kolosi 2:5

To na, na nhai nikompno rpa kmit tohkahnom. Na nndo tohwa. To nanhu htiyeft inji htitant, thatiprpat nndo tohwot, dukefr nikompno korhwor. Hifa nikmoh toheft toh marnyiwakomn Kraisr kakitoh nnuhaknitkomr. Nd ndm wanyakhato yima yuhur yindhorwora.

1 Tesalonaika 2:17

Bar yinouroko, nom Judam mhutt hikafhato nndo nndo afo toh-mohat, to mirahko ka mumafonimo-nomko. Nhai. Yonr frtrohhato yifemr yonrhu dukefr yorhwa kanjo nmoh dukefr inji dukamonomko. Yima nyingatikroh nahtineftn, nhai nahti-rmoanom. Nmoh yima yuhum nikmoh dukefrn tohmoatm, ndnetnomn niayuk yihotam rim hambrak mhambrakmou-nom.