1 Korin 4:9 - Bro Nkifrarhu Mrokfot

⁹ To ka nhai. Nom nhai king hingrneft yakitohnhokahnomko. Nanhu htiyeft inji htitant. Nom aposernomn, Bro Nkifrar yakmorn tu yiro knbokt htamornom. Nom yimam hti srthuhato yak bebwohat yonent burent hti bugewumnom. Yimam htitwom yo mounmotm htitwom yimam inji newohat.

1 Korin 4:9 ပူးပေါင်းရင်းမြစ်များ

Hibru 10:33

Wom yiham yima rifiny buhamn kfo sinou bosinou, kfo yimtna boyimtna, kuninfar wuna inji namoumko. Wom yiham womm bi inji newumme niko womko rpat yihato rpat womm tohnuhaknimoakomm rpat kfo nyingo fnah inji namoumko.

Rom thofroh gontwat Porr dwandfakhato htafmot 8:36

Nd thomna hne nefm nhai kfo mirhota, “Nhai yakkahmnom,” nhai. Kekwomnom. Bro Nkifrarhu rfa borngt kfo kangt, “Ninpno yi tohwatnom rom hti namburhato yihof href kak beb hasiwumnom. Foh nungam kanjo inji htitwomnom.” Sng 44.22

Hibru 1:14

Mounmotm mirahko, “Tamohem?” Rom Bro Nkifrarpno rhuhato rorhu hingrneft hingr-niwayem. Fitoh yimam Bro Nkifrar kangr, “Hifa rhu nmbuhat ahiyanm,” nd yimam mounmotm yitamn thu bmtewumm.

Hibru 11:36

Bok yimam nhai be rpahtet krhopam yakrmom. Womm tat noh bonohtahato kfo snouhato kuninfari wunamoumm. Womm sene fohm kanjo mkiyakmoamm kalabus htamoumm.

1 Tesalonaika 3:3

Kangnom be nd krhopam o tamoh dukefmpno rhurahko, yima yuhum nhai rhu marnyaruhatmko. Tuko bi wanyeteko, ndhtet krhopam niko yekwam, to be tu Bro Nkifrar kfomo yuhatn nd krhopam kekwoko. Rorhu mrokfot hiket yimam ndhtet krhopam kekwom.

2 Korin 6:9

Nom hingrnewa aposer hingrneft nhai yimam hti duka mekahm, “Arm aposerem.” Nhai. Yima furam kanjo inji htitmnom. To nhai, tom bok yimam htitmt ndar nom hingrnewa hingrneft aposer hingrneft hingrne-wunom. Ar nohyuk tkitt bi tohyuknom, to nhai. Nom asonom tohwonom. Ar yimam tat noh bonohetnom, nhai nohkahnom.

Aposer 19:31

Esia gafmanrhu wom bro yufet yimam Porrpno niyak marnyamoum. Romn mrokfot htafmomt. Kfo memom, “Mirahr Porr nd bro rifiny swirt amfnaha.”

Aposer 19:29

Nd yiha nd taun Efesus nhai yima mrokfom wanyrmom. Kmi yuhtt nadidarmot. Nd het grha hasoyuk yima rifhur teh tmbho fnah bro rifiny swirrpar mirifinymom. Gaius Aristakusrof Masedonia thoff to Porrpno rpat kmi kmi rpat yi htfas-moum. Rof yakmomf nd rifiny swirrn hanymomf.

1 Korin 15:19

Nom Kraisr hikhato kukatohwonom nmoh rhu nmbuhathu yak marnyaneft. To mirahnom nmoh rhu nmbuhat bi ndar bbinysofrpat ayak marnyatwatrt, to tfit Kraisrpno yiyuk bro dukeft be yi furaraht.

2 Korin 11:23

Kfo kangm, “Kraisrhu hingrna yimayenom.” To rom fitha bi Kraisrhu hingrna yimam tohhato bi wonk wonk krhopam bi yakrom? Wawanyko. Asoya yimaya Kraisrhu hingrneft tohhato bok krhopam yakyuk yimaya. Rom bi hingrnarotm kalabus htaromm? Yo wife smbhoromm? Yo nohyuk tkitt bi tohrom? Na asoya Kraisrhu hingrneft tohhato kalabus tohyuka, yo wife smbho bosmbhoyeta, yo nohyuk tkitt bi toheta. Ndm nhai be tukanhu yufathu yura htaneft kfokahanm. Nhai. Be kanga akfo nuhaskohtanko wawanyko.