1 Korin 13:9 - Bro Nkifrarhu Mrokfot

⁹ Nom ndar yiham tohhato Bro Nkifrarhu mrokfo yimbu yuham kfo nuhas hik bohikwohat, nom nhai Bro Nkifrarhu dukefm yorhwa yima yuhum bi yak bugahato frhik bugakahnomm. Nhai. Yo nom Bro Nkifrar hayuk mrokfom kfo pthiwohat, nom nhai bi Bro Nkifrarhu dukef bugam yak bugahato kfo pthakahnomm. Nhai. Be inji nmbuha nmbuha dukefrpam yakhato kfo pthewunomm.

1 Korin 13:9 ပူးပေါင်းရင်းမြစ်များ

Matyu 11:27

“Nanhu Yifemr bi nanhu tirmn tamoh tamohm bi hta bugamorm. To nhai wom yimar nd Bro Yifemrhu Yonr hti mikahr, ‘Arr ka Bro Yifemrhu Yoner.’ Nhai. Tu Bro Yifemrpar tawisafworr. Yo nhai wom yimar nd Yonrhu Yifemr hti mikahr, ‘Ndr ka rorhu Yifemer.’ Nhai. Tu Yinem yonrpar turhu Yifemr tawisafworr. Yo fitoh yimam bi tu Yinemrn bi kfo nuhas famurm, ‘Ndr nanhu Yifemer,’ tom nd yimarpam tawisafwomr nd Yonrhu Yifemr.

Rom thofroh gontwat Porr dwandfakhato htafmot 11:34

Bro Nkifra-rhu rfa borngtn Aisaiar kfo memor, “Frohmn Bro Nkifrarhu dukefr yekwamr? Frohmn kfo hta bohtiwamr?” Ais 40.13

1 Korin 13:10

To tfit kto, Bro Nkifrar tur duka htewa duka yuhatn nmoh rhu nmbuhat yak marnya bomarnyani buga thombat, nd tamoh tamoh duka nmbuham nom yakitohwam, be myafhonirahm.

1 Korin 13:12

Ariham Bro Nkifrarhu nefm nom htitwohat, nom be binasoht hti mmrtiwa kanjo rorhu nefm hti mmrtewunomm. To tfit ktone, ee tu Bro Nkifrarhu nyingatikt hti wutharahnomt. Yo ariham Bro Nkifrarhu dukefm frhikwohat, na be nmbuha nmbuham frhikwa. To kto Bro Nkifrarhu dukefm frhik bugaruhanm ariham ror na hti hik bugewa kanjo.

1 Korin 2:9

Bro Nkifrarhu mrokfom kfo kangm, “Nd Bro Nkifrar duka htamo dukefr nhai wom yimar htirmorr o wanyrmorr o nhai wom yimar nd dukefr niarmotrr duka marimor, ndhtet neft rhuraht. Nhai. Tu Bro Nkifrarhu yima yuhur ruhet yimam dukahato nd dukefr dukahato fak nhombra htamorr.”

1 Korin 8:2

Yimam kfo yamukam, “Nom tahi rmonroh tamoh tamoh yeshri ye yuham nom nhai bi wom mmokahnom, nom bi kak bugewunomm yeshri ye yuham.” Na kfiwa ndhtet kfet yimam kfo furewum, nhai tafi dukefm yakkahm.

Efesus 3:8

Barkofpam afo Kraisrhu sioskfot fak beb hnamoya. Inji nahnamota fasoh yufa bebt fak-moya. Tmift, Bro Nkifrarhu yuhuwaf nmbuhatn wom hingrnafat fakmora. Yima tangiroh gutnius mrokfothu hanyeft dukahato nd hingrneft fakmora. Nd gutnius mrokfot, Kraisr nompno hingrna hta bohta marnyewa yihotaroh gutnius mrokfoyet.

1 Jon 3:2

Barenko, nom bi Bro Nkifrarhu yonnom korhnom. To kto Kraisr tafont yarim fnahna thombat nom ka finji frdborha rmonruhanom? Ror yarim fnahna thombat nom tunmoh nyingaye htiyakrahnomr. Ndnettn nom turhu ruheft kanjo frdborha rmon bugarah-nom.