1 Korin 1:2 - Bro Nkifrarhu Mrokfot

² no ndar gontwat wandfewunonko niko Korinthu Kristenko. Niko bi Bro Nkifrar yak wus bowus marnyakhato Krais Jisasrpno bi fak dbkafmorko. Yak dbkafhato turhu yufatpno rim fak htamorko. Yimam nmoh Nungothet Jisas Kraisrhu yufatpno rhu rifinyhato kfo bruttniwam, niko rpat rorhu yufatpno rim fak hta bugamorko. Jisas Kraisrpar tor nmoh rpa Nungothetr.

1 Korin 1:2 ပူးပေါင်းရင်းမြစ်များ

Aposer 10:36

Niko tawisafwokomt Bro Nkifrarhu gbhu yuhathu mrokfot nom Isrernompno niamot. Yima bugaroh Bro Nungothet Jisas Kraisr nd gbhu yuhathu mrokfotn mkfo nuhasmornom.

Aposer 15:9

Nhai yak nhtahato marimor, ‘Tukanhu ttha kmimn ndar neft naruhanm, tfit ndur wom yima tangimn nd neft naruhanm.’ Nhai inji dukarmor. Rorhu mrokfothu wany yakiohato hik nmbuhatn htimor. Nd wom yima tangim wany yakiohato fak hikmotmt ndt htihato rroh fasoh fasoh nefm fak thumorm.

Aposer 18:1

Porr Atens htanyhato tfit Korinko yimor.

Aposer 22:16

Bmbri wasinyakahnn Jisasrhu yufat wayutatwa. Yutahato be nd ninhu ufasoh nefm rorhu kkupaye yak thurahrm. Inji nanihato wabaftaistwa.’”

Aposer 26:18

Nann yakrhoyann nyinga kunyjet nyinga kunyjetm ninn nyingam yak dborha htfasrahnm. Nyingam yak dborharuhatnm yima yuhum yak kebokthato kspitat htanyhato mar tafont rim tohrahm. Satanr ki jbkaftewohat nd mtitikt mfrtebikrnihato Bro Nkifrar-pno rim tohrahm. Inji nahato rroh fasoh fasoh nefm yak thuhato be nd bi na hiket yimampno yufa yakhato Bro Nkifrarhu yonm rhu bugarahm.’”

Aposer 9:13

Ananaiasr wanyhato kfo memor, “Broye, Jerusalemt ni hikwa yimam yak bebhnewa yimar bok yimam nd yimarn kutewum. Kangm ror kak bebhnewurm.

Aposer 9:14

Bro prism kfo yakiomotmr Damaskushu yimaroh yakneft ndnetrn bi ako niewur.”

Aposer 9:21

Sorr pthayuk mrokfom yimam wanyhato kfo memom, “Barenko, nd yimar tamoh yakt asha niaror? Jerusalem tohyuk Jisasr hikwa yimam to nd yimarn kak bebhnewurm. Tfit bi asha niahato asha tohyukm kangr ayakni hanyanm kalabus.”

Rom thofroh gontwat Porr dwandfakhato htafmot 1:7

Bro Nkifrar be tu mfro dukewurko. Niko, Rom thofko, be bi rorhu yufatn korhko. Bro Yifemri Nungothet Jisas Kraisr, nikmoh yima yuhum ayak marnya bomarnyakahtfko yima yuhum mirhurahmko.

Rom thofroh gontwat Porr dwandfakhato htafmot 10:12

To mirahko ka Judami yima tangim rorhu nyingaye nndo nndo htitworm. Nhai. Nmoh Bror rpa mifer, nhai nndo nndo. Froh frohm nakutmr kak marnyewurm. Nhai womrpam yukatoh-kahr.

Rom thofroh gontwat Porr dwandfakhato htafmot 3:22

Bro Nkifrar yima toh rawofm hti wutha thoft nhai be hti wutha furakahrm. Yimaroh dukefmn hti hikwor. Tu yimamn duka kangm, “Nmoh fasoh fasoh nefm bi Jisas Kraisrn hanohnimorm.” Yimam inji dukewam, nd yimaroh yima toh rawofm hti wuthewurm. Bro Nkifrar nhai Judam yakitohwa yufam o yima tangiroh tamoh tamohm yukatohkahr. Nhai.

Rom thofroh gontwat Porr dwandfakhato htafmot 8:28

Nom Bro Nkifrarhu dukefr ruhet yimanom, Bro Nkifrar nompno wom dukefetrn bi rorhu yufatn fak htamor-nom. Ndnettn tamoh tamoh krhopam yakneft bok dukefm yak duha. Nd krhopampno mrhu tefinihato tfit dborioh rhu nmbuhat htirahnt.

1 Korin 1:30

Tu Bro Nkifrar bi yakmorko Krais Jisasrhu tirtn htamorko. Yo Kraisrn htamorr nmoh riduka aduka yima yuhurhu hayuk yimar. Turn nmoh fasoh nefm suh nanyormorm. Nd yima Kraisrparhu yuhatn Bro Nkifrar nom hti wuthewurnom, yo turhu yufatpno korhwonom.

1 Korin 10:32

Tamoh tamoh nefm naneft afo mdukakkfot, wom Juda thofr tohhany nom nd neft na thombat finji dukaruhar o Grik thofr tohhany o sioshu wom yimar o mett tohhany nom nd nefm nanefm finji dukaruham? Ndhtet dukefm afo dukakfot. Mirahko wom tamoh nefm ana nhehkahtnomm womm nd nefm nahato asuhm.

1 Korin 12:27

Niko Kraisrhu yima thatipeko. Womr tirer, yo womr wurayer, yo womr yimbhindanger.

1 Korin 8:6

to nom Kristennmoh htiyeft htitnom, rpa Bro Nkifrarpayer. Rorn tor nmoh Yifemr. Rorrpar kfomor tamoh tamohm nom htitam dborhamom. Yo yimanom rorn hingrnamornom. Hingrnahato nmoh dukefmpno, yima yuhu bugampno toh hikwonomr. Yo rpa Bro Nungothetrpar korhr, ndr Jisas Kraiser. Tamoh tamohm rorn hingrnamorm. Ror kfiwur nom korhnom.

2 Korin 1:1

Na Pora, na Krais Jisasrhu aposera. Bro Nkifrarhu duka fijo aposer hingrneft fak htamora. Nani nanhu yinouwem Timotirpno ndar gontwat no wandfewunonko niko taun Korinthu Kristenko, yo Akaia profinshu Kristen bugako.

2 Korin 4:5

Nom ndar mrokfot kfo ptha htfaswat nhai nmoh mrokfotn nom tunom dukahato mrokfom kfo pthakah-nom. Nhai. Nom kfo kangnom, “Jisas Kraisr nmoh Broyer. Nom rorhu mrokfom hikwanomn kmi kmi kfo ptha htfaswanomn, nom kmi kmikmoh hingrna yimayenom.”

Galesia 1:2

Nani nanpno hingrnewa Kristenm, nom rpatn kahukwonomko ndar gontwat niko Galesia profins yorhwa siosroh met yindariko.

Efesus 5:26

Ror inji namohat Bro Nkifrarhu yufatpno yimaroh yak htaneftn inji namor. Rom rorhu mrokfot yakhato hikmo yuhatn yo baftais yakmo yuhatn Kraisr fak wus bowus marnyamormn yima yuhum wutham rhumomm.

1 Tesalonaika 1:1

Nom Por, Sailas, Timotironomn ndar gontwat wandfewunomko niko taun Tesalonaikat yorhwa sioshu tuhan yindariko. Niko nmoh Bro Yifemri Nungothet Jisas Kraisrpno frtkafwa tuhan yindariyeko, nikompno ndar gontwat htefiwunomt. Bro Nkifrar yak marnyakahtrko, nikmoh yima yuhum mirhurahmko.

1 Tesalonaika 4:7

Bro Nkifrar nom nakuyak-hato ror hikmohat, nhai marimor, “Anakuyakkahtanm aniekahmn, ndhtet ndhtet nefm narahm.” Nhai. Rorhu dukeft duka memor, “Anakuyak-kahtanm aniekahmn na tuka tohwa toheft tohrahm.” Nd dukeftpno nakumornom.

2 Tesalonaika 1:1

Nom Por, Sailas, Timotironomn ndar gontwat wandfewunomko niko taun Tesalonaika sioshu tuhan yindariko. Niko nmoh Bro Yifemri Nungothet Jisas Kraisrpno frtkafwa tuhan yindariyeko, nikompno ndar gontwat htefiwunomt.

1 Timoti 2:8

Lotu yiham kmi kmim kfo bruttna-neft, na kanga, yindarim Bro Nkifrar-pno brbo frtkafhato tirm yura hta hanyhato kfo bruttnakfot. Nd yimam nhai wommpno nakfo hutt nakfo nna inji nakfot.

1 Timoti 3:15

Kanga na nia duha yinyeft o awi knga hatohneft, ndar gontwatn bi mrokfom yakrahnm nom Bro Nkifrar hiket yimanmoh toh yuham. Nom Bro Nkifrar hikwa tuhan yindarinom, nom toh nkifraniruha Bro Nkifrarhu yon kunyenom. Nomn dany rahur kanjo nd Bro Nkifrarhu yafothet mrokfot hatohwonomt.

2 Timoti 1:9

Bro Nkifrar buha mitoh rafohato nom tfit yakhato rorhu yufatn tfit fak htamornom. Bro Nkifrar nom tfit yakhato rorhu yufatn tfit yak htamohat, to mirahko ka nom nayuk dborioh nmbuham htihato inji namor. Nhai. Ror be turhu hti yuhuwaf nmbuhatn inji yakmornom tfit turpno rim fak htamornom. Ndar bbinysoft tafi trha duha nd nmoh yakyuk yihotat bi Krais Jisasrpno fak dbkafmort. Memor rorn yihotat yak nukakhirahrm.

2 Timoti 2:19

To sioskfothu hatohyuk dany rahur Bro Nkifrar bi kasinyamorr. Nd dany rahur nhai ninor ba inji nakahr. Kangm ka be tuha ftohr. Nd rahurn wandfamo mrokfom inji kfiwum. “Bro Nungothetr bi hti nhtewurm rorhu yufatpno rhuyuk yimam.” Yo, “Fitoh yimam kfo kangm, nom rorhu yufatn korhnom, nd yimaroh tamoh tamoh nefenm mong trohkfot.”

2 Timoti 2:22

Ndnettn ni Timotin, ni damiag yimam hatohwa yima yuhu sinyaneft, yo womroh tamohroh hti yuhur hanyeft, nd nd nefm yakitoh duha. Yafho thuhato afo tfit dborioh toh nmbuham, yo Bro Nkifrarhu yakitoh kihneft, yo wommpno rpat tohhato nayak marnyanefm, afo tfit nd nd nefmn tfit yakitohwontwa. Nini yo Bro Nkifrar hti wuthahato ror lotuta yimam, niko buga afo nd na kfiwa nefm yakitoh bugawontwakomm.

Hibru 10:10

Jisas Kraisr Bro Nkifrar kfomo yuhatn hikmorn nohmor. Nhai bok yiha noh hatohrmor. Nhai. Rpa noht nohmohat to be. Nd yiharpa nmoh fasoh nefm rorn yaknihato mhanohmotrm nom sfno yimanomn Bro Nkifrar htihato yindhorwor. Nhai be sfno, bi Jisasrn mhanohmorm nmoh fasoh nefm.

Hibru 13:12

Ndnettn Jisasr nohmohat, nhai yiro Jerusalemtn nohrmor. Kmi Jerusalem gnat hehurnihato nndo busafon furako was nohmomr. Nmoh fasoh nefm rorhu kkut fak thumotm. Yak thumottm nom ndnatn Bro Nkifrar kanjo fak htamornom.

Hibru 2:11

Froh frohm Jisasr bi fak wus bowusrm, nd yimami Jisasr bi rpa yifemetem. Jisasr kangr, ayutayanm nmemrom, nhai mrokfom. Bi rpa yifemetmn hti yindhorworm.

Jutr dwandfamo gontwat 1:1

Na Juta, na Jemsrhu nmemena. Na Jisas Kraisrhu hingrna yimaya. Froh frohko Bro Nkifrarhu naku tngt wany sanyhato yimoko, niko nd yimakompno ndar gontwat niewut. Niko nd yimako Bro Yifemr be marbitn htewurko. Jisas Kraisrhu yufathukomn Kraisr kukatohaf hanitrko.

Revelesen 19:16

Ror hmbreyuk yuke hmbresharn yo wura bohtn inji wandfamomt, “Kingroh tu Kingr yo nungothetroh tu Bro Nungothetr.”