Sumi Yi Puguiag Mo 6:2 - Godna mo Awai mona go

² Afa ka ena nangugba el busug hos la fango lambuguia. Afa ehe fagim filafeule elni misog lofug flauguia. Afa ehe fag la akog eba ehe fagim filafeule el lofug feg.

Sumi Yi Puguiag Mo 6:2 ပူးပေါင်းရင်းမြစ်များ

Matyu 28:18

Afa Sisas muhla pugunam sihini og, “Mungwali heven la nai i afa bite la nai i God kam kigmog faigba asa ka lambugu.

1 Korin 15:25

Afa sa Krais mungwali gawigim ehe misog fenife afa ikan maia God mungwali angoluwagim filafatiba asa ena mo ehe Kraisna ahnai skau fwatife.

Sumi Yi Puguiag Mo 11:15

Afa elegeg of lanai el maia fuf gogba asa heven la mo fwina lagig apukeg afa og; Bigelni God Ainiyag afa heafna Gisfu Fwahag el i glau gohnanam ehe mungwalim bite naim misog el ahfenig. Ehe gwenaig wahkig sahfe gofufe.

Sumi Yi Puguiag Mo 11:18

Afa angoluwag ninimugog afa ilawaba neana olug kakagig opuguhba afa sa enanam ne melig pigieg elim kwefihianugefe. Afa ilawaba ne nimbeafna gafugag el eba mo fli sihiaule el mi afa nimbeafna el mi ne suialafehiageg asa nem ahnai skaufenig afa misog el i esug el i gwenaig nem esinig. Afa ambangel sa bitem amtakwalig fatig enag ilawaba ne gwenaig esenfie.

Sumi Yi Puguiag Mo 14:14

Afa ka mingim nangugba leango busug yi el bigel lofug ga afa misog elni hat gol fatigim afa ehe ningana pina sig nemog flauguia.

Sumi Yi Puguiag Mo 15:2

Afa mingba enaig ka nangug ofenaiba bu kwania glas lofug suwina waheg go. Afa el bu blug yi afohieaba gita lofug God lambwaiyigbi asa lambug afo. Ena elbi eba ati sis mi, sis heafna sungwag mi, afa enag namba unehlag ogfuiag mi ati enam filafig.

Sumi Yi Puguiag Mo 17:14

Afa Sipsip Luwalig fei afa ehengel apaiyegog asa hefum hagig afa sa Sipsip Luwalig afa heafna el apaiyeg enag ehengelim filafe fatig. Afa ehe mungwali saglag elni Ainiyag feg afa misog elni misog feg afa ambangel sa ehe kanog fwatig afa sa ehengel ehem fwina patalfug enag ehengel fagim filafig.”

Sumi Yi Puguiag Mo 19:14

Afa heven la nai ami busbusiageg lofug laitiagegim afa busug hos la augugim asa ehem patalfug.

Sumi Yi Puguiag Mo 3:21

Afa amban ne haig haig amtakwaligim filafefatiba sama ka i hawaganam asa ka mungwal nangwagehiag ahfegofufe asa ka haig haig amtakwaligim filafefatig asa ka gwenaig kikeafna Alag i safeg.

Sumi Yi Puguiag Mo 9:7

Afa ena saglig eba enaig feg ofenaiba hos fag la afuofeba hefum wagwagig. Afa ehengelni misog la eba misog elni hat gol lofug laitig afa nofbusugba ofenaiba elni nofbusug lofug.