Sumi Yi Puguiag Mo 4:8 - Godna mo Awai mona go

⁸ Afa mungu mungu ehengelni anglagba eba enwesog la gohsaina afa nofug munggwali eligim gohsaina afa anglag skau gohsaina. Afa osuna i afa sinaini i ehengel mwanifi yi gwese fagohegoba og; God eba wasnei nemug feg ehe afsug feg, afsug fegim, afsug nemug feg. Eba ehe autunai fegim afa glaunai fegim afa autunai la gwese gofufe.

Sumi Yi Puguiag Mo 4:8 ပူးပေါင်းရင်းမြစ်များ

Aposel 20:31

Asa enam numwehifibi afa nofeka eteti sambaga mungu yia osuna sinaini wahkig ka nem nobna waihe sihinifini.

2 Korin 6:18

Afa ka nengelni alag fefe afa nengel kana luwal fifi. Afa fwina wasneig Ainiyag enaig esog. 2 Sml 7:14

1 Tesalonaika 2:9

Afa maia kagel Godna suialag mo nem sihinibi afa kagel fwina gafugam henge pusig. Afa ka yiskosi nengel kagelim kig faigim asa naka sinaini osuna gafugafig asa kikeafena ningana kig flig. Nilite, nengel enam ati anwenafig.

1 Timoti 4:16

Afa nimbefum suiala kafefiba sa ne elim mo sihinug fiahkafim afa moba ne osihinifiba sa ne nufuna mo sihini afa ne enaig eseba eba God nem afa el asa neana mo higig ehe nem kwaganife.

2 Timoti 4:2

Sa ne Godna suialag mo sihi. Afa el sifakale flai me awai awai me sa ne wahkig sihinug fiahkafim. Afa elni amtakwalig nihem ambala ogfuni afa amtakwalig onigig safig sa ne laginini afa suialag onigigim eba sa ne wasneihiage. Sa ne aflahlanam ogfunuge afa ne sihini sa ma enam anwenafi.

Hibru 13:8

Afa Sisas Krais eba gwenaig gwese gofufe. Afa autunam feg, glau feg afa autunai la fefe ehe mas wahigi wahigi feagei.

Sumi Yi Puguiag Mo 1:4

Kaba Jon ka hwa ginof nem elegeg la gohug Esia nai provins sios elim faig. Sama God nem esmunagim kwaganig faibi sama olug enesieg nem gohunifi. Sonaig God bigim fafaife eba ehe autunai fegim afa glaunai feg afa autunai la gafa gwese gofufe, afa elegeg la gohug sungwabug heafna pegag sime la afohie.

Sumi Yi Puguiag Mo 1:8

Afa God Ainiyag ehe mungwali kigmogna feg esog, “Kaba kike ka goseg afa kike ka sum feg.” Eba ehe autunai fegim afa glaunai fegim afa autunai la gwese gofufe.

Sumi Yi Puguiag Mo 11:17

Afa enaig esogog og; Ne God Ainiyag neba mungwali kigmogna feg afa ne autunai fegim afa glaunai feg. Kangel sifakalig ne nimbiafena wasneigni misog el mungwal elni feg.

Sumi Yi Puguiag Mo 14:11

Afa suwi wahkig lagig sonag elim susug faifie enag suwieg wahkig puguiago. Afa ambangel sa sis mi afa sis heafna sungwag mi lotu fegonug i afa ehena unehlag la ginof lambig i asa wahkig osuna i afa sinaini i ena susugba lambafufufe.”

Sumi Yi Puguiag Mo 14:3

Afa enag el Godna pegag sime la mi, afa sambaga sambaga sis blistanig mi, afa saglag el mi enanai yi muhla afohiegim asa mulug mwanifi fatig. Minginag elim mas enam anwenafi eba 144,000 el God ehe bite nai lambigba enag mungohe anwenafig.

Sumi Yi Puguiag Mo 15:3

Afa ehengel gita lambigim afa sa Moses Godna gafugag elna mwanifi i afa Sipsip Luwaligna mwanifi i laitiagig. Afa sa enaig fatifig og; God Ainiyag ne mungwali wasneigni feg afa neana suialag gafugag enmonafeg afa ka nangugim ka sineminefig. Afa ne mungwali elni misog el fenig afa neana nihe eba nufunam feg afa fwina suialafeg.

Sumi Yi Puguiag Mo 15:7

Afa sambaga sambaga sis blistanig afohieaba afa sa mungu enanai gol disni flagim elegeg la gohug of lanai elim faig. Ena dis yiba God wahkig gohugna olug kakagig memtola pugugo.

Sumi Yi Puguiag Mo 16:14

Afa enag sanel haig haig kigmog fiahgifi asa ehe afugim mungwali bite nai misog elim unegonigigbi asa ambeg laskuhlag. Afa enag kwania osuna God ehe fwina wasneig el feg asa enanam fwahagba asa ehengel ona hagim.

Sumi Yi Puguiag Mo 16:7

Afa ka higigba Godna faig sime la mo enaig pugufeg og; God Ainiyag ne mungwali wasneigni feg neana kwefihiawagig eba nufunam feg afa ihlafeg.

Sumi Yi Puguiag Mo 19:15

Afa pina sig nemog ehena mengig la nai pugunam enana mungwali bite nai elim filafatife. Afa ehe mungwali kembigim wasneinam lambinam bwiltigefwag la skogna asa wasneig God ninimufenam nag lofug sunam laitife.

Sumi Yi Puguiag Mo 19:4

Afa God heafna pegag sime la gaba afa sa 24 saglag el i afa sambaga sambaga blistanig sis i apaiyegim ehem lotu fenigim enaig esog og; Eba nufunam, sa big Godna unehlagim fingi fi.

Sumi Yi Puguiag Mo 21:22

Afa ka mas lotu lala nangug mo afa God Ainiyag ehe wasneig feg afa Sipsip Luwalig enanai yi ehe ahgo afa ehe lalana kifegim ahflag.

Sumi Yi Puguiag Mo 3:7

Ena moba maisim sihiagofna Sisas enaig esona sa ne ginofenam Filadelfia lanai siosna of lanai elim fai. Ena elbi afsug fegim afa nufunam feg hwaba ehena mo. Afa enaig eseg Devitna ki gufnaba asa ehe Israelim nangwage hiagegofna, ena elbi heven ki kehlagu asa ehe mungwali nemug nangwage hiagego. Afa ehe mangwaliba pigiba eba mas amban kikise afa ehe mangwaliba kikiseba eba mas amban pigi. Enag el enaig esog.

Sumi Yi Puguiag Mo 4:4

Afa mingba 24 misog elni pegag sime ena simem wagigo fakana. Afa 24 saglag el nanai yi auguiafna. Afa busug lofug i afa misog elni gol misog lofug enaigna fiasaina.

Sumi Yi Puguiag Mo 4:6

Afa gwenanai yi bu kwania la glas lofug gifini. Eba fwina ombusiagena. Afa olyi nai sis lofug sambaga sambaga nof blistanig simem waki fakana. Afa ehengelni nihi yi kaksag nofug afohiegna gifini, fig nofbusug gam afa masigim.

Sumi Yi Puguiag Mo 4:9

Afa ena sis sambaga sambaga blistanig afohiegim afa enaig mwanifi fatig og, Ne God fwina kwania nemug feg, afa mungwali haig haig gawig nem ahnai skaufinigim afa nem suialag onig. Afa sa elim wahkig ena sime la gaulem esinig. Maia enaig esinibi

Sumi Yi Puguiag Mo 5:6

Afa ka nanguba Sipsip Luwalig pegag sime olyi goh. Afa ena simem sambaga sambaga sis blistanafeg afa saglag el enam wakig fakag. Sona sipsip ofenaiba ati lahag afa mas lahag mo. Afa ehe elegeg la gohug aninguog nafeg afa elegeg la gohug nofug feg enaba Godna sungwabug elegeg la gohug God mungwali bitem ningitigi.

Sumi Yi Puguiag Mo 6:1

Afa ka nangunaba pepa la ugwanin elegeg la gohug enaig afohiafna afa Sipsip Luwalig angig ugwaninim hugwafugba afa ka higigba mungu sis blistanig enaig moasifeg ofenaiba hug, Ehe enaig esog og, “Aublo!”

Sumi Yi Puguiag Mo 6:6

Afa ka higigba elni mengig lofug sambaga sambaga sis blistanigna olyi enaig lagofena og, “Fane tumeg, el sa mungu osuna gafugafeiba asa kig flanam ena kigna weti fane wit i bali i lambtigi afa nofeka oliv wel mi afa wainbug mi amtakwalig fatiauwag amo asa ma gwese ahgofi.”

Sumi Yi Puguiag Mo 7:11

Afa mungwali of lanai el pegag sime mi afa saglag el mi afa sambaga sambaga blistanig sis la mi enanai yi ambe muhla afohiakanam asa heafgelni nofbusug bite gam apaiyenam Godna unehlagim fingi finim,

Sumi Yi Puguiag Mo 7:15

Afa enaig esigbi; asa Godna pegag sime muhla afohiegim osuna i sinaini i Godna lala gafugagfiafu. Afa sa God ehe nangwagihiagego afa el mas ehengelim pese amtanafehiagi.